دوافع الحب ♥

25

#دوافع_حب25
#نون_علي

من جانب رنا

تلاته ساااعه عدت،، حسان ما تعب من التهديد لي ،،، حتي في مرة قال لي رنا انتي بتغلطي ،، والموضوع ده لو مفتكره انو بيقربنا  لبعض ،،احب ابشرك انتي كدا بتبعديني منك اميال في اميال ،،  ابتسمت ب استهتار قلت ليهو انت اصلا بعيد وريني ياتو يوم كنت فيهو  معاي!!!!،، الأميال دي خليها تبقى سنين ،، سكتت ما ردت ،، طبعا انا قاعده جنب الباب، ،حارسهو،  وزوبه فاتحه نفسها ومشت عملت لينا فطور ،،، قلت ليها انتي جنيتي ؟؟؟؟؟؟ فطور شنو، ، حسان  سمعني قال لي وماشاء الله عايزين تفطروا  ولا هميكم الحيون القاعد هنا ولا هميكم الناس الهناك !!! انتو من ياتو عالم ،،، زوبه همست لي قالت لي ما بتعرفي تتكلمي براحه !!!،، اها اشتغل فينا تاني ،،،ما صدقنا بقى هادي ،،،قالت ليها خلينا من ده انا ما عايزه فطور ،،، عاينت لي مسافه ومشت ،، بعديها كان الوقت بيجري جري ،،كمية من التوتر و تانبيب الضمير  ،، ساعه كامله و حسان ما اتكلم ،،  خفت تكون حصلت ليهو حاجه ،، قلت ليهو حسان ،، ما ردة قربت من الباب زياده برضو ما ردة،، جريت جري ناديت زوبه وانا ببكي طبعا، ، قلت ليها تعالي افتحي الباب ،، قالت لي مالك يا بت ؟؟؟  قلت ليها بس ارح افتحي الباب ،، فعلا  مشينا وقفنا جنب الباب ،، قالت لي قبل ما افتحو ،، انتي ليه بتكبي،، قالت ليها ده ما وقت اسالتك ،، حسان بتكلم معاه ما بيرد ،، قال لي لانو يمكن نام ،، الزول ده قاعد من الصباح وهسي العصر ،، قلت ليهاا وانا صوتي راح من البكاء  افتحي شوفيهو بس ،، قلبي ما كان مضمني عليهو نهائي ،، فعلا فتحت، ، قبل ما تدخل ،،حسان جرا الباب وطلع ،، اتجهمنا انا وهي ،،او بالاخص انا لانو هي زي كانت شاكه  فيهو ،، عاين لي مسافه  وعاين لي زوبه ،،، لعب ب اعصابنا ب نظراتو ،،، قرب مني ،، وقبلني من جبيني وانا مصدومة، ، قال لي من شدة ما حبيتيني حبستيني  هنا،،،  غلبك تشوفيني
وانا ما واحده غيرك، ، عملتي الما قدرت اعملوا انا، ، سكتتت ما رديت، ، عاين لي مسافه وانا ما عارفه حاسه حسان ده  ما علي بعض، ، اتهزيت من جوه  رغم الكلام القالو ،، بس كان جواي خوف كبير يعني هدوه ما قبل العاصفه، ،تاني عاين لي زوبه شكلو يادوب استوعب الموضوع، ،لانو وش بقى ما بيتفسر ،،قلت خلاص ح يقتلني بس هو قال لي جيبي التلفون،، عاينت ليهو ب استغرب او تردته،، قال لي التلفون  قلت ليك ،، اصلا كان في يدي ،، اديتو ليهو ،، قال لي ارح قدامي، ، ، هنا بالجد خفت حسيت حسان ده بالجد ما طيبيعي ،،، قال لي بصوت عالي اطلعي قدامي، ،، طلعت وانا شنطتي ما جبتها ،،بس التلفون المعاي ،، منتظر زاتو قول لي زوبه حاجه، ، بعد ما ركبنا العربيه ،، رجع لي زوبه بس ما دخل سامعه  بيتكلم بس بيقول في شنو ما عارفه ،،، جاء ركب عيون ديل شرار ،، زوبه اشرت لي بمعنى كان الله في عونك ،، فحط بالعربيه دي فحيط ولا الزلط ولا البلد حقت ابوه زاتو ،،، سبحان مغير الاحوال  ،، ،، لمن  وصلنا  ،، قلت  ليهو اقيف هنا بس ، خفت يشوفني معاه ،،  عاين بس ما اتكلم  وقف العربيه نزلت  قريب من بيتنا وصلت تاني ب رجولي ،، ،،، لمن وقفت جنب بابنا ،،حسان كان وصل قدامي، ، شفت عم " عبد الله " ابو حسان  كفت حسان...... الارض دي اتهزت تحتي حسيت اني  ما عملت حاجه  بسيطه وخلاص ،، انا هديت الدنيا فوقي ،، اذكرت كلام زوبه وهي بتقول لي دي ما مشكله طرف واحد او طرفين دي مشكلة اهل ،،، المشكله اني لمن جيت احرق الموضوع علي بسمه وحسان نسيت اني معاهم في نفس النقطه في دائره  واحد و مقفوله علينا ،، ف اتحرقوا وهم وانا معاهم ،،، الخراب بقى بالجمله ...
______________________