♕ 𝐮𝐧𝐢𝐜𝐨𝐝𝐞 ♕
၂၀၃၇ခုနှစ်၊ဒီဇင်ဘာလ၊၂၅ရက်။
"မေမေ"
သားသားKruger၏စကားသံကြောင့်vegan christmas puddingလုပ်နေရင်းနှင်းဖူးမော့ကြည့်လိုက်သည်။
ထမင်းစားစားပွဲနှင့်kitchenမှာမျက်နှာချင်းဆိုင်ဖြစ်သည်ကြောင့်ကြွေကောင်တာပေါ်တွင်မုန့်ဖုတ်နေသောနှင်းဖူးသည်စားပွဲနားသို့လျှောက်လှမ်းလာသောသားသားကိုရှင်းလင်းစွာမြင်နေရ၏။
"သားလေး . . . အိပ်ရာနိုးတာလား . . . အစောကြီးရှိသေးတာကို . . . အိပ်ရေးရောဝရဲ့လား"
မနက်(၄)နာရီကျော်သာရှိသေးသည်ကြောင့်ကိုကိုပင်အိပ်ရာမထသေး။နှင်းဖူးတစ်ယောက်သာကလေးများနိုးလာရင်အဆင်သင့်စားလို့ရစေရန်Christmasစားဖွယ်များကိုချက်ပြုတ်နေခြင်းဖြစ်သည်။
ပုံမှန်အားဖြင့်တော့မနက်(၆)နာရီတိုင်းချက်ပြုတ်သူများလာရောက်ချက်ပြုတ်ကြသော်လည်းအခုလိုအထူးနေ့များတွင်တော့သူတို့ကိုအလုပ်နားပေးပြီးနှင်းဖူးကိုယ်တိုင်ချက်ပြုတ်လေ့ရှိသည်။
"Merry Christmasမေမေ"
လှမ်းဖက်လိုက်သောသားသားKrugerသည်နှင်းဖူး၏ခါးတစ်ဝက်ပင်မရှိပါ။သို့သော်ရွယ်တူ(၆)နှစ်အရွယ်များနှင့်ယှဉ်ရင်တော့အရပ်ရှည်ပြီးလူကောင်ထွားသည့်အထဲပါဝင်နေသည်ကြောင့်နှင်းဖူးဂုဏ်ယူမိ၏။
"Merry Christmasသားသား"
"ကြက်ကောင်လုံးကင်စားချင်တယ်မေမေ"
နှင်းဖူးမှာအသားမစားသော်လည်းကိုကိုနှင့်သားများကိုတော့အစားနှင့်ပတ်သက်ပြီးထိန်းချုပ်မထားပါ။
"လုပ်ထားပါတယ်ရှင် . . . ပြီးရင်စားရမယ်" မုန့်ဖုတ်ထားသည်ကြောင့်လက်မှာပေနေသဖြင့်Kruger၏ခေါင်းလေးကိုတော့ပွတ်သပ်မပေးဖြစ်တော့။
ပါးကိုနမ်းရန်ခုန်ဆွခုန်ဆွလုပ်နေသည်ကြောင့်နှင်းဖူးပြုံးကာခါးလေးကိုင်းပေးလိုက်သည်။ကလေးများသည်မနက်မိုးလင်းချိန်နှင့်ညအိပ်ရာဝင်ခါနီးချိန်တိုင်းမိဘများကိုနမ်းလေ့ရှိသည်မှာနှင်းဖူးတို့မိသားစု၏အကျင့်။
YOU ARE READING
《 ALYA 》
Romance•𝗕𝘂𝗿𝗺𝗲𝘀𝗲 𝗢𝘄𝗻 𝗖𝗿𝗲𝗮𝘁𝗶𝗼𝗻• "ကိုကိုကဖူးအပိုင်ဆိုတာလူတိုင်းသိတယ်" ∝ နှင်းဖူးတစ်ယောက်သူမကိုအရမ်းဂရုစိုက်ပြီးအလိုလိုက်တဲ့နေသောလွင်ကိုအသက်(၉)နှစ်အရွယ်တွင်တစ်ဖက်သတ်စတင်ကြိုက်နှစ်သက်ခဲ့လေသည်။ထိုလျှို့ဝှက်ချက်ကိုနှင်းဖူးမှအပမည်သူမျှမသိ။ အချိန်...
