#راهنت_عليك2
{ صبراتا -ليبيا ..2014 - 12:39am }
الليلة دي .. و اليوم دا ! و التاريخ دا !!! الشهر الوحيد اللي كان كل م تتجاب سيرتو م كان بيعدي علي زي اي شهر تاني ..
عارفين !! الضلام ... الضلام مخيم .. ضلام حالك في كل حته من اللاا حته ، حتى ضوء القمر كان في قمة خفوتو و كأنه بيحاول يتضامن مع الواقع المنطقي للكان حاصل حاولينا ، اصوات الهواء البارد كأنها بتتسابق مع اصوات الموج العالي المخيفة شديد !
بس اصوات انفاس انس كانت اعلااا بالنسبه لي !!
لاحظت وقتها حركتو الاهتزازيه ( بيرجف ) و انحنا ملصقين في بعض لعل و عسى نتدفى شوية !
** بترجف؟ لو خايف ارجع !!
__ برجف عشان بردان ! ما عشان خايف ، وووو بعدين اليرجع منو ؟ " بيدعك كفين يدينو مع بعض مرة و يدخل يدينو في جيوب الجاكيت مرة " !
** اسمعني ! عليك الله ارجع ..
__ انت جاي اسي تقول لي ارجع و انحنا فاصلنا عن البحر خطوة ؟ دا ما موضوعنا ، و بعدين الانحنا فيهو اسي دا خططنا ليهو انحنا الاتنين سوا بسسس .. !!!! المهم اتحرك خلينا نتقدم !!
** لالا خططت ليهو براي ، و بعدين بسس ! بس شنو يا انس ؟ انا عارف حجم المخاطرة و وكون اني اختار شهر زي شهر 10 (اكتوبر) دا اكبر مخاطرة !؟ عشان كدا انا قلت ليك ارجع ! " مسكتو من اكتافو " عاين انس، انا والله العظيم جادي ، شوف ، انا ما بقدر اتحمل اشيل ذنبك ! و التعب الانحنا فيهو اسي دا ، و الكنا مارين بيهو طول فترتنا في ليبيا دا والله ولا اي شي مقارنة بالشي الراجينا ، و بعدين انا كل ما بسمع صوت الموج دا بتمسك بفكرة انك ترجع اكتر ، ياخ انت عندك اخوات و ...#قاطعو !
__ انت ما بردان ؟
** انس ! ركز معاي و رد على كلامي !!
__ انت عارف ردي ..اتحرك " رفع لي طاقية الجكت في راسي و اتقدم علي "
** مصمم !! " حصلتو " دقيقة دقيقه الجكت التاني وين مش قلت ليك ردف ؟
__ خليتو في المنجم مع الاستعجال ! عاين استعجل خلينا نمشي مع الشباب ! ما دايرين مشاكل مع الناس ديل !
** (فجأة ضرب فينا نور من ورانا عكس قدامنا، و اتلفتنا سوا في نفس اللحظة ) ، انس قرب علي اكتر و انحنا بنعاين ورانا **
انس : عاين ليهو ! دا الخال !!
** الخال ! " بي استغراب " ! ما اتوقعت نشوفك تاني !
الخال " قرب عليهم و بيتلفت وراهو بالكشاف " :
اسمعو ، الوضع م مطمن !
** طيب بتتلفت مالك ؟
الخال : الطابوني ما مريحني ! قال الا تدفعو و زيادة
