نجمة الشمال (الجزء الأول من لعنة عبر العصور) بقلم :منة الله عماد

دردشه على الماشي 🚶🏼😅

تعالوا نتكلم شويه عن ابطالنا والأحداث واصحح شوية اخطاء 🙊

تعالوا نبدأ بأبو السيوف  ((بيعشق القتل زي عينيه ويااه لو كان غجري  ))

سيف معندوش خشروميت جنسيه هو عنده جنسيه واحده وهي الروسيه لأنه اتولد هناك وعاش فيها خمس سنين مع مامته  بعدين بدأ يتنقل عاش فتره مع الرهبان في غابات على حدود لاڤينيوس بعدها عاش فتره في اليونان وهناك قابل طلال لأول مره وانتقل بعدها وعاش  في روما ثم كان اخر مطاف ليه مصر
بس رغم ده بيتكلم لغات البلدان إلي عاش فيها بطلاقه وخصوصا الروسيه لانها أول لغه نطق بيها بسبب اختلاطه بالروس في طفولته

اسمه سيف جايكوب إلكسندر كابيو
أجي اصدمكم ...كابيو دا مش اسم العيله كما بيظن كثير وكان اولهم دكتور زاهي اول ماسئل سيف  ...كابيو ده اسم جد من أجداده بس ختم اسمه في الشهاده على كده وقريبا جدا هنعرف ابو السيوف عيلته اسمها  ايه ...؟..ووقتها هتتفسر الاحداث في عينينا
سيف رجل جميل الخلقه وملامحه لطيفه   بس مش للدرجه إن الناس تترمى في الأرض  من حلاوته.وده ميدلش بأي شكل إن الجمال ليه مقياس الاناس كلهم ليهم جمالهم إلي بيميزهم   ...وسر تغطيته لوشه مش علشان خايف يفتن الناس زي ما البعض فاكرين.ده ليه سبب كبير اوي دفعه إنه يحبس نفسه الفتره دي كلها .....

واحد بشخصية سيف الدفاعيه والرحيمه ليه مرحش عاش مع شعبه في لاڤينيوش ..ليه هرب وسابهم وراه ؟ام ممكن تكون لاڤينيوس ملهاش وجود من الاساس وسيف مريض نفسي وبيتوهم كل ده ؟
دي سؤال مراوغ اتمنى اشوف توقعكم ايه ؟
مع إني واثقه إن محدش هيتوقعني 😂🤣🤣سوري عدوها

نخش على قيس باشا ((فزلوكه باشا ده اهبل متاخدش رأيه في حاجه غير الاثار))
قيس شخصيه مرحه سيكا ومع كدا جاد شويه وبيخاف على كل إلي حواليه بيتنفض من اقل حاجه وبيزعق اكثر ما بيتنفس بس اكثر شخص سهل إنك تلجم غضبه لانه هيهدى بسرعه ولوحده  +حبه الكبير لنفسه وإلي هيظهر قدام ..كان تعليم متوسط بسيط بس ده ميمنعش كونه ذكي ومثقف وعرف يوصل لمركز عالي في سن صغير ... قيس معندوش ٢٢ علشان يتم استكتار مركزه عليه قيس عنده ٣٢ يعني ليه في مجال العمل في الأثار اكثر من ٩ سنين وده مش قليل

فكرة إن أخلي معظم الابطال الرجاله ثلاثينين إن مش منطق يكون شخص عشريني ولسه داخل المجال ويبقى وحش ومفيش قده ..بالعكس محتاج يقع مره واثنين لغايت ما يبقى شخص ليه مركز ودي متتعملش في سنه واثنين  دي بتاخذ فتره وعلشان أحداث الروايه مينفعش البطل يبقى صغير او مبتدأ في الشغل 

وده تعقيب على إعتراض البعض لسن الابطال

نوح ((ده واحد غلبان بيبيع كتان  والدنيا جيه عليه ))

نوح هو نفسه نوا ولكن الفرق هو الألف نوا ده النطق الاعجمي والصح لاسمه
نبدأ نحط خطوط على حجات موضحتش للبعض او الاصح تم الاعتراض عليها
نوح شخصيه هاديه وردود فعلها خفيفه وعقلانيه.وهو يعتبر العقل في الشله المجنونه دي بس ده ميمنعش كونه غبي في عصبيته وانه هيحدف طوب وقت الغضب ،حتى لو كان إلي قدامه اقرب الناس ليه بس بيرجع يعتذر في الاخر بعد ما يفوق

سؤال اتسئل كثير
نوح معندوش شركه ،ليه هو مجرد موظف في شركه مش صاحبها .. ؟

هبرهن بالمنطق نوح شخص بسيط اتربى في ملجأ وخرج منه وهو عندو ١٣ سنه وكمل تعليم عادي وده بفضل شوية فلوس كانت سيباهم كريمه لولادها وإلي من ضمنهم نوح إلي ميفرقش عنهم
نوح مرت سنتين  من مراهقته مدخلش مدرسه وده بسبب تعب وازمه نفسيه اتعرضلها .
تفوق جدا في الثانويه ودخل هندسه واتخرج منها وهو عنده ٢٥ بسبب تأخره
+نوح ممتلكش فلوس ومتولدش في بقه معلقه دهب علشان يوم ميشتغل يفتح شركه ...ده محتجله شغل طول عمره علشان يقدر يعملها ويبقى يورثها لولاده إن شاء الله .

تعالوا نروح لأسد ((ده بقى الي ينطبق عليه مثل الاسد بقى الفريسه ))
وإلي بالنسبه للبعض ده اكثر شخصيه مظلومه ..إلي انتوا متعرفهوش إن الروايه دي مش لسيف بس وان لكل بطل وليه قصه ..و انا مش هقصر في حقه
بس اسد لسه قصته مبدأتش والي شوفتوه منه جزء لا يذكر من شخصيته إلي هنتعرف عليها واحده واحده .

طلال او الالفا ((ابو ايد طويله ))
طلال يحسب من اصغر الابطال الذكور عمرا لانه لسه موصلش الثلاثين ..بس ده ميمنعش إنه مر بتجارب كثير وعاش فترات صعبه ...، طلال مش اناني زي ما البعض فاكر بالعكس ده اكثر شخصيه ضحت .، طلال غشيم في التعامل ومعندوش اي مشكله إنه يضربك كف علشان تفوق وده ممكن نحتسبه كاكثر شخصيه ايدها طرشه وقت الغضب، يعتبر عكس نوح في كل صفاته وبيتفقوا في موضوع سرعة البديهه والعقل بس طلال اسرع في التصرف واتخاذ القرارات، طلال كتلة استفزاز ماشيه على الأرض ومتعته استفزاز غيره لحد ما يخرج اسوأ ما فيهم   ..طلال مبيتفهمش وعمره ما يقول اسف لحد حتى لو كان هو الغلطان ....وده هيبقى اكثر شخصيه صعبه الترويض
بس مين إلي هيقدر يرد الكف للالفا بدون خوف ..؟

.....كنان ،المامبا ((الدنيا جايه عليه ومعندوش خزان لاحزانه))
اكبر ابطالنا عمرا كنان قوي من بره بس من جواه ضعيف وهش وتسرعه احيانا  في اتخاذ القرارات بيوديه في داهيه ومخلص للي حواليه بغباء وده بيوقعوا في دوامه عباره عن الم بسبب الخذلان إلي بيتعرضله ، كنان كتوم ومبيظهرش زعله لحد ونادرا ما بيتعصب لانه زي ما بيقول طاقته فرغت من الزعل .. عيبه إنه لو اتحط في ازمه وغيره اتأذى قدامه مبيدافعش بل بيفضل مصدوم ومشلول عن الحركه
بس وقت التخطيط والحسبان بالعقل فكل ياخذ جنب لإن دي منطقته
.......قلب المامبا بدأ يدق 🤔.......

وده توضيح شويه ومن بين السطور إجابات على اسئله كثير اتسألت
منستش اسئلتكم عن  البنوتات بتوعنا وهبقى أرد عليها مع البارت الجاي إن شاء الله