هلوو اعرفكم ابنفسي اسمي وصال اني طالبه اتمنى تفاعلكم بالقصه او انطوني رئيكم بيها لان هاي اول قصه الي يالله نبدي
البطله هلوو اسمي حياة عمري ١٨ اني صف سادس علمي او اني حيل شاطره او جاي اتعب بدراسه او الله ميضيع اتعبنه مواصفاتي اني بيضه او مربربه او عيوني اكبار او شعري كلش طويل او اسود او اني الساني اطول مني يلي يندك بيه كول الله يرحمه بحيث اودي لشط او ارجعا عطشان طولي ١٦٢ وزني ٦٦ عائلتي متكونة من امي حنان عمرها ٤٥ او بابا حسين عمره ٥٠ او اخواني سيف عمره ٢٦ مو مزوج هو مدرس انكليزي او احمد عمره ٢٤ مضمد او هم مو مزوج او علي عمره ١٢ سنه او عمر عمره ١٠ سنين او اني معندي اخت بس عندي صديقات ثنتين هما مثل خواتي شهد او هاجر ويايه بالسادس او احنا ساكنين بالناصريه.... اروح عل بطل
مرحبا اني امير اني ضابط وبنفس الوقت اني شيخ عشيره استلمتها بعد متوفه ابويه الله يرحمه اني كلش عصبي او الكل اتهابني او كلمتي مصير اثنين اني عمري ٢٨ او طولي ١٨٩ او وزني ٨٠ طبعا اني ضخم او عندي عضلات ملامحي جاده او اني اسمر او عيوني عسليه او اني ما مزوج ما لكيت البنيه الي ابالي اني اريدها اثكيله او مؤدبه او تسمع كلامي او اتكون حلوه طبعا عائلتي متكونه من امي بتول عمرها ٥٠ او ابوي متوفي او عندي خوات اثنين ايه مزوجه او عدها ابنيه او اختي الثانيه زينب عمرها ١٨ صف سادس علمي او اخواني اثنين ياسين مدرس رياضيات عمره ٢٧ ما مزوج او مهند مدرب بالقاعه مال حديد او عمره ٢٤ او احنا ساكنين بالبصره او اني دوامي ابغداد اروح ١٥ يوم او اجازتي ١٥ يوم
حنان ام حياة.. حياة يمه يالله اكعدي راح تتاخرين عل دوام يالله يا يمه اكعدي
حياة.. اي ماما هسه بس اشويه
حنان.. تكعدين لو اشلون بيج
حياة..اي كايمه متخلون احد اينام ابهذا البيت
حنان.. يالله كومي ام السان
حياة.. كمت فتو اسبحتو او طلعتو بدلت او حطيتو واقي او مرطب شفه او نزلت صباح الخير
الكل جانو كاعدين جاي يتريكون.. صباح النور
الاب حسين.. يالله بابا حياة تعاي اتريكي قبل لا يجيج السايق
حياة.. اي بابا كملت او اجا السايق او رحتو صعدت بالسياره او سلمت شفتو شهد او هاجر اعز صديقاتي هلو شلونكم
شهد او هاجر.. هلاوات خبله هاي اشطالعه اليوم اتخبلين
حياة.. اني دومي اخبل 😌
شهد.. الله يا المتواضعه وصلنا عاد عل مدرسه او كلتولهم بنات
شهد او هاجر.. هااا
حياة.. شنو رئيكم انروح عل كافتريا ندغده من انخلص دوام
شهد او هاجر.. اي والله خوش فكرة اموافقين
