🔸️حلقة 80
🔸️إيهاب_يحكي:
حليت الباب شوية و دخلت عندها...من يومين و هي على نفس الحالة...لدرجة خلاتني منعرفش إذا لي عملتو صحيح و لا غالط...أما رغم اللي صار نعتبرها خطوة مليحة...خذيت نفس و دخلت...قعدت على طرف السرير و عديت يدي على شعرها نحكي
أنا:هيا قوم تاكل شوية
نزلت بصوابعي لخدها كي ملقيتش إجابة منها تنهدت
بالقاوي نحكي
أنا:سيلا...حرارتك مرتفعة و عنادك هذا باش يضرك أكثر يا روحي
سيلا:معاد نحب حتى شي
أنا:بالله ؟ هكا سمحت فيا ملا ؟
سيلا:حتى أنت باش تخسر برشا جرايري
أنا:يكفي إني منخسركش...هيا قوم تاكل شوية و بعدها أرجع كمل نومتك..خاطرني باش نمشي توا
سيلا:وين باش تمشي ؟
أنا:عند موعد مهم...زيد تنجم تاخو راحتك هوني يكفي أنك تخلي تليفونك بجنبك...هيا إيجا
كبست على يدها و قعدتها معايا...رجعت شعرها لتالي تحكي
سيلا:نجم نمشي لداري ميسالش
أنا:لا إنتي باش تبقى هوني...هكا نرتاح عليك أكثر و زيد لي على قريب برشا باش تنتقل لهوني رسميا عزيزتي
سيلا:عنقني
أنا:إيجا هوني تراه
قربت مني شوية و دخلت في حضني...كبست على ظهرها و بستها من راسها نحكي
أنا:نعرف لي قاعدة تحس فيه توا...كيما نعرف حجم الفراغ لي غارقة فيه...أما مزالت قدامك فرصة أخرى و متأكد أنو بوك باش يسامحك..خاطر حبو ليك واضح
سيلا:هو طردني من غير ما يسمعني
أنا:طبيعي سيلا...هو أب و موجوع من عملة بنتو فيه مهما كان وضعك وقتك...عيلتك كانت أهم من أنك تتخلى عليها و تختار ثنيك وحدك
سيلا:خاطر حتى حد منهم ما حاول يفهمني وقتها
أنا مكنتش نحب نداوي جرحي براجل آخر...كنت نستنى منو يفهمني و يدعمني باش نكمل من غير ليث أما صار العكس...انا مانيش نادمة على حياتي لي عشتها وحدي...أما زادة منجمتش ننسى عيلتي و تمنيت إني مزلت معاهم لتوا
أنا:نعرف...أما اللي صار...صار يا روحي...مش لازم تحمل روحك أكثر من هكا...خليك قوية و أنا نوعدك أنو كلشي باش يتصلح و قبل عرسنا زادة باهيشي هكا ؟
سيلا:باهي...أما متمشيش توا...منحبش نبقى وحدي
أنا:باهي تدلل...يكفي أنك تقوم تاكل شوية
جبدت روحها مني شوية و رجعت شعرها لتالي تحكي
سيلا:بااهي
أنا:هيا إيجا
كبست على يدها و خرجتها معايا...غزرت لطاولة تحكي
سيلا:أنت حضرت هذوما الكل ؟
أنا:مممم...أقعد هوني تراه
جبدتلها الكرسي قعدت و قعدت بجنبها...غزرتلي تحكي
سيلا:طليقتك كانت تعيش هوني ؟
أنا:لااا...وجود أي شي يخص ملاك يرهقني و مدام نحب نبدا من جديد و نسكر الماضي...لازمني نبعد على الحاجات لي كانت تربط بيناتنا
سيلا:مزلت تحبها ؟
أنا:سيلا...ملاك كانت جزء مني لفترة طويلة...و طول الوقت هذا...مكنتش نتوقع إني نجم نشارك حياتي مع مرا غيرها...أما إنتي أثبتلي العكس و خليت قلبي يدق لغيرها...و صدقني مدامها ولات مرت راجل آخر معادش خممت فيها و لا حتى حاولت نشوفها زادة و باش نقلك للمرة الألف...أنا حاجتي بيك و نحب نعدي بقية حياتي معاك و بجنبك...خلينا نعيشو الحب مع بعضنا و نبنيو عالم خاص بينا إحنا و كهو
حطت يدها فوق يدي و كبست عليا بالوقت تحكي
سيلا:و أنا نحب نفس الش زادة...صدقني إيهاب أنت قلبت كل حساباتي و خليتني نعشق من أول و جديد
أنا:نعتبر هذا إعتراف ؟
سيلا:على أساس أنت متعرفش
كبست على يدها و بستها منها...تبسمت نحكي
أنا:نعرف...أما ميسالش تذكرني كل مرة...ساعة أنا بحاجة نسمع الكلام هذا منك
سيلا:تدلل يا روحي
أنا:على فكرة نحبك تحضر روحك في أقرب فرصة و بقية التحضيرات خليهم عليا
سيلا:منحبش نعرس بالسرعة هاذي إيهاب...يعني مزالت قدامنا برشا أمور أخرى
أنا:نعرف...أما حتى الأمور هاذي تنجم تتحل بعد عرسنا
سيلا:أنت تعرف أنو فرصتي قليلة باش نكون أم
أنا:والله أنا مانيش نخمم في الموضوع هذا...أنا حاجتي بيك إنتي...و الفترة هاذي نحبك تحت عيني مدامك قاعدة تتعرض لإنتكاسات...زيد عرسنا يكون كامل كي تبدا إنتي حاضرة
سيلا:خمم مليح إيهاب...الصغار نعمة...من غير ما تحرم روحك منهم جرايري
أنا:إيجا عندي تراه
كبست على يدها و جبدتها عندي...هزت روحها شوية و قعدت في حملتي...عديت عينيا على وجها نحكي
أنا:الموضوع هذا يتسكر هوني...إذا جاونا صغار مرحبا بيهم و إذا صار العكس...حكم ربي و حياتنا باش تبقى كيما هي و شي ماهو باش يتبدل
دورت يديها زوز على رقبتي و عنقتني بالوقت تحكي
سيلا:و أنا نحب نكون معاك إيهاب
كبست على ظهرها...و خذيت نفس من ريحتها لي دخلت في خشمي...بالرسمي منجمش نتخايل حياتي من غيرها...عديت يدي على شعرها نحكي
أنا:ملا نبدا نحضر في روحي
سيلا:فما سؤال خطر على بالي توا
جبدت روحها شوية و حطت يدها على خدي تحكي
سيلا:ياخي عرسنا باش يكون من غير ضيوف ؟
أنا:و السبب ؟
سيلا:خاطر أنا معنديش أصحاب و عيلتي رفضتني و أنت و لا مرة حكيتلي على أصحابك زادة
رجعتلها خصلات شعرها لتالي و ضحكت بالوقت نحكي
أنا:متخاافش...باش يكون عرس كيما كنت تحلم بيه بالظبط
نزلت عليا شوية...باستني من خدي و عاةدت عنقتني كبست عليها و تنهدت بالقاوي...نعرف أنو اللي تعدات بيه آخر فترة قوي عليها برشا...أكا علاش منحبهاش تخمم بسلبية و أول خطوة لازمني نعملها توا...هي إني نصلح بينها و بين عيلتها...يمكن بالطريقة هاذي تسترجع عافيتها و متضيعش أكثر من هكا...كيما باش تكون قدامنا فرصة تخلينا نبداو من جديد و من غير ماضي يلاحق فينا.
#إيهاب_سيلا❤
VOUS LISEZ
صرخة صمت 🌬
Lãng mạn🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
