قلبي يناديها (قصه فتيات مسلمات ) للكاتبه /نوُن الشوال

الفصل الثاني

قال ﷺ " طُوبى لمن وَجَد في صحيفته استغفارًا كثيرًا ."

ـــــــــــــــــــــــــــــــــــــــــــــــــــــــــ

في بيت ساره:

فاطمه وبتنادي علي عيالها : خدي يا سجي خدي يا بنتي وانت يا عبدالرحمن يا حبيبي خد هنا

سجي: هو حبيبك اما انا بت حد تاني صح

فاطمه: اه حبيبي و اتهدي انتي في اي حته دلوقتي

سجده وهي ماسكه الكتاب وبتزعق وتقول: لمي عيالك يا فاطمه اقسم بالله هعمل جريمه وارميهملك الاتنين من الشباك دلوقتي

فاطمه: حقك عليا وبعدين عيال وبتلعب يا سجده

سجده وهي بتلم كتبها: بقولك اي يا ساره لما ماما تيجي قوللها سجده طفشت

ساره: استني بس رايحه فين خدي هنا

سجده: هاخد شنتطي واذاكر مع رحمه تحت شويه سلام

بعد ما سجده نزلت
فاطمه: ادخلوا يا ولاد جوا اللعبوا في الاوضه

فاطمه: قوليلي بقا يا ساره اي اللي حصل موضوع انك انتي و هيثم مستريحتوش لبعض ده مش داخل دماغي خالص

ساره بتنهيده: هو ده اللي حصل هو انسان كسول ومحبط عمره ما وثق في حاله وبيشدني لتحت معاه ...

انا عكسه في كل حاجه انا عندي طموح و عايزه ابقا حاجه ديما شاددني لتحت ومكسر مقاطيفي عمره ما قالي كلمه تشجعني ولا كلمه حتى حلوه.....
انا اه عمري ما اتكلمت معاه كلام ميرضيش ربنا او خارج الحدود اللي انا من الاول حددها مش هو انا مكنتش عيزاه كده ....
انا كنت عيزاه هو اللي يقولي الحلال من الحرام مش انا....
انا اللي قولتله علي ضوابط الخطوبه مش هو...

وياريت بس كده لا ده اتريق عليها كمان وقالي ده اوفر اووي وانا اللي كنت بشجعه علي الشغل والمحاوله...

حتي يوم ما نجحت السنه اللي فاتت كنت مستنيه منه كلمه مبارك او اي كلمه حلوه لاني كنت تعبانه في المذاكره السنه دي بس لا قالي الشهاده دي في الاخر هتعالقيها علي الحيطه...
و يوم ما كنا خارجين انا وهو واخته اللي انا برضو اصريت تيجي عشان مينفعش واتحايلت عليه لبست الادناء اللي بابا جبهولي في عيد ميلادي اول ما شافني قالي انتي لسه بلبس البيت وحلوه العباية دي اكيد بتاعت ماما ....
انا مكنتش عارفه ازعق فيه ولا اعيط بس خلاص واخر مره لما كنت بقوله ان بدات اكتب راويتي الجديده ومتحمسالها اووي جي بكل بساطه وقالي اي التفاهه دي...