مشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
بنص ديوان او الاستقبال تعلى الاصوات اقسام من الاشخاص موجودين هذا المحترگ گلبه وعطب من نار ماتطفى لأن برمشه عين حس انو خسر الحُب الي اول مره جربه وهذاك الي يريد يحط عالنار نفط ويزيد الاشتعال بكلماته الي مثل السم تحرگ المتلقي.... وهذاك الي ديشاهد هاذي المسرحية ومنتضر متى تخلص لان حس بالملل من الاحداث المكرره والغير نافعه....... وهناك چان اكو شخص اله شوي و يحرگ البيت والي بيه علمود اخته والي صار بيها هستوه عرف وحلف ماتعدي على خير الي يرميها بورد يرميه بدم هاي روحه من الدنيا والي يلاسنها لو يطخها عيشته تصير مستحيله وهوا عايش.
عزيز :"اختي ماننطيهاااا الف مره نعيد هاي الكلمه شنو انت بسوايتك هاي عبالك راح تفلت من ادينه قسما بالله عشائريا وناخذ حقنه منكم جاي بسجين ويهدد بباب البيت كدام خلگ الله شنو ضايعين كل عقلك قسما بذات الله يا اركان اخوك مايفلت من ايدنا اله مدمه"
چان عزيز يهدد بكل قوته وهوا رافع اصبعه ويحجي وأجاه الرد من اركان والي ضايج ومحترك على اخته بس مايريد فورا يدخل بموضوع ثاني ويسد موقف اخوه الي چان اكبر غلط
اركان :" اولا لا ترفع اصبعك وانت بنص ديوان سوايتك مو مال واحد ابن اصول ثانيا احنه جايين هاي الزلم كلها علمود تحل السالفه احنه ماگايلين ابنه ماغلطان بالعكس غلط ونكسر راسه هم بس اجيناكم ناخذ من خاطركم ونعرف المطلوب من يمنه شنو؟"
علي :"لا مطلوب ولا شي اخوك هذا واحد ** صارله شهر كامل يتجاوز وانت تعرف بالموضوع الي صار واحنه مانسكت اله ابدا على سوايته هاي خزانه كدام الناس"
