اصابة الضابطة

البارت الخامس

شهم: شفت ضابطه اصابتها ملتهبه اخذتها لغرفه العمليات طلعت مصابه بطلقتين ثنينهم نفس المكان طلعتهن بالكوه(الاصابه جانت بالكتف)  ضليت ساعتين بالعمليه وخلصت بس وضعها مو كلش زين جسمها فاقد هواي دم طلعت لكيت اهلها موجودين خبرتهم بوضعها وامها اخطيه اغمه عليها اخذتها لغرفه طلع ضغطها نازل المهم انطيتها علاج ومهدأ وطلعت رحت اشوف غير مرضه وره ساعه اجتلي الممرضه كالت صحت بس جاي تتأذه رحتلها لكيتها كاعده بس شنو من شكل تملك طركاعه اتخبل ولاالعيون مصيبه ثانيه اطيحت اكبر واحد بحبها ضليت صافن بيها وره شوي انتبهت على نفسي ورحت كلت....

جيلان:  احنه بالمهمه صار حرب ماكدرت اسيطر هلى الوضع(الامر بيد جيلان بدام هيه نقيب) انصابوا عدد من العساكر  خابرت العميد وطلبت دعم وكالوا نص ساعه ويكونون يمج وانا.سديته منا اوزلام انصابت  منا انا ركضت عليها واجت طلقتين بكتفي وطحت وبعد ماحسيت على شي كعدت لكيت نفسي بالمستشفى  وجانت يمي ممرضه اتحمدتلي بالسلامه وطلعت من الغرفه وره ربع ساعه دخل دكتور بس شنو من دكتور  ضل صافن عليه شوي وانتبه عاد نفسه وكال
شهم: الحمدلله على السلامة  شلونج شلون حاسه
جيلان: الله يسلمك دكتور الحمدلله  بس ايدي كلش ماحاسه بيها ودوخه كاضتني
شهم: كلش طبيعي ماتحسين على  ايدج لان بيها دوه مخدر ومن نسبه للدوخه لان هواي فقدتي دم
جيلان: يمته اطلعني
شهم: على كيفج علينه توج كعدتي ومنصابه بطلقتين وتردين اطلعين مااخليج(ولله ماافوتج من ايدي لو هسه شيصير بداخله كال)
جيلان: لاتخاف علي صرت زينه يله طلعني
شهم: اي حقج بس بعد الدوه ماخالص مفعوله من يخلص اشوفج يله راح اروح تردين احد يدخل يمج لان اهلج بره
جيلان: دخلهم خطيه هسه هما مقهورين
شهم: اكيد(امبين عليها ام السان) طلعت وكلت لاهلها كعدت وتكدرون اتشوفوها اتشكروا مني ورحت لغرفتي وره اشوي اجه مهيمن دك الباب ودخل
شهم: هلا خويه شنو صاير ليش جاي
مهيمن: لاتخاف بس بت صديق بابا منصابه وجايبيها المستشفى وانا هم اجيت لان عندك مرتي تريد تتعرف عليها
شهم: هاي شبيها انوب
مهيمن: اندري كلشي مافتهمت تعرف ابوك اذا خاف واتوتر ماتفهم منه شي
شهم: اي ولله هسه انت زرتها لو بعدك
مهيمن: لا بعدني لان انا ساره اجينه وراهم وماعرفت الغرفه رقمها اشكيد كلت اسألك واخذك وياي
شهم: شنو اسمها
مهيمن: اندري
شهم: جا شلون اجيت على عمه عيونك
مهيمن: انجب انا اساسا نسيت ادك على الوالد دكيت عليه وعرفت رقم الغرفه يله امشي عرفت رقم الغرفه
شهم: اي يله امشي جاي انروح واجالي الممرض كال واحد من المرضى العندي اتخربط كلت المهيمن ييروح هوه وانا هسه رايح للمريض وصدك رحت واخذته للعمليات وره ساعه خلصت بس خطيه ماتحمل ومات طلعت من غرفه العمليات وخبرت مرته وخطيه انهارت وانا رحت للغرفتي واذكرت بت صديقه بابا خابرت مهيمن كال رجعنه كتله اوك من تجون كلولي انا وياكم علمود اسلم  لااروح بحدي مااريد وكال اوك وسديته ورحت للضابطه شفتها بحدها ماكو احد يمها فحصتها بدون مااحجي شي وكتلها وضعج احسن صار وطلعت رجعت للبيت بال٤ كلشي ماماكل جوعان بحيث اكلت الجدر كله😂 خلصت وكمت ارتاحيت اذكرت الضابطه ماادري ليش عجبتني بنت الاوادم استغفرت ربي ورحت اخذت شاور بس بنت الذين ماتروح من بالي رحت تمددت ونمت بالكوه  وكعدت على الاذان كمت صليت ونزلت يمهم سوت الوالده عشه اكلنه وخلصنه واجه مهيمن ومرته وبنته ضليت العب ويه بنت اخوي لحد ماراحوا وهيه بيدي كلش احب الاطفال راحوا صعدت للغرفه اجيت انام هم رجعت الضابطه اذكرتها بس اريد افتهم ليش ابالي اخر شي من تفكيري بيها نمت.....
جيلان:  طلع الدكتور ودخلوا اهلي ضلوا يتحمدون الي بالسلامه وره شوي دخلوا ابو شهم وامه شهم وفرح  ضلينه نسولف  ودخل رجال ومرته وبنيه صغيره اتعرفت عرفت يصير اخو فرح واسمه مهيمن ومرته ساره كلش حبابه واهم شي بنتهم اتخبل ماشاء الله  انا كلش احب الجهال  شبهتها مايا  وره نص ساعه راحوا واهلي دزيتهم للبيت بالكوه لان مابيه شي هما راحوا وره ساعه اجه الدكتور فحصني وطلع وهوه طلع وبده الالم بجتفي راحت روحي انا ماحجيت لان هجي متعوده اذا اتأذه مااكول متأذيه حاولت اتحمل الالم اخر شي نمت وحلمت وكعدت على صوت الاذان(الجامع قريب من المستشفى)  كعدت بس احس نفسي كلش تعبانه حتى مااكدر ارفع نفسي اجت الممرضه وكلتني وجانت حرارتي مرتفعه انطتني دوه ونمت  وجان احلم بزينب ضليت ابجي بالحلم حسيت على ايد حنونه على راسي فزيت بس مااكدر افتح عيوني افتح واغمض وشفت الدكتور فوكي يتلمس وجهي وحطلي كمادات بعد غير هاي مااذكر شي

شهم:  كعدت الصبح من وكت كمت اخذت شاور ونزلت تريكت وطلعت للمستشفى رحت رئستا لضابطه دكيت الباب ودخلت لكيتها نايمه وتبجي وبس تعرك رحت اتقربت يمها لكيته مصخنه وهيه كعدت بس اتفتح عيونها واتسدها وفحصتها لكيتها حرارتها39.6 كلش خفت عليها انطيتها ادويه وحطيت كمادات الها وضليت انتضر يمها وانا كاض ايدها احس كلبي ❤ يدك حيل يمها ماادري ليش كلش احسن نفسي متعلق بيها  وخايف عليها هاي اول مره احس بهذا الاحساس بالرغم وهواي جاياتلي مريضات بس هاي اول مريضه  تجيلي احس مشاعري تتغير يمها كلما احاول اطلعها من بالي ماتطلع كلما اريد انساها ماانسه وبالرغم ماصارلي هواي شايفها بس احس روحي متعلقه بيها وره ساعتين رجعت فحصتها نزلت حرارتها غيرت الشاش الها وكعدت يمها تركت ايدها طبعا بس كاعد يمها كعدت وكالت.....

والى هنا انتهى البارت الخامس واتمنى نال اعجابكم و لاتنسون التصويت والتفاعل وطبعا هذا وضع استثنائي يعني ما انشر نفس اليوم بارتين بس علمود متابع راد اليوم و ماحبيت اكسر بخاطره  وهسه تصبحون على خير احبكم جاووووو