الدكتور دخل عشان يشوف ابراهيم .
لينا : بابا هو لسه كويس ، هو مش هيحصله حاجة ، و روح كانت بتعيط و شهقاتها بتزيد و كذلك نور بتعيط .
لينا بزعيق : محدش يعيط هو كويس .
علي الناحية الأخري
علي بزعيق : بتقول ايييه .
الطرف الآخر : و الله يا بيه دا اللي حصل و الراجل دا وقف قدامها فجأة .
علي : ما انا مشغل معايا عياال ، اختفي لحد ما انا اكلمك .
علي لنفسه : كل شوية بتفلتي من اللي بخططه ليكي ، اااااه ، بس انا مش هسيبكوا تتهنوا ابدا .
نرجع للمستشفي ،
الدكتور خرج و لينا جريت عليه و قالت : هااا عايش صح ، الدكتور ابتسم ليها و قال الحمدلله نبض القلب رجع تاني و إن شاء الله بعد 24 ساعة هننقله غرفة عادية .
لينا حضنت احمد بفرحة الحمد لله .
الدكتور اظن ان وقفتكوا هنا ملهاش لازمة ممكن حد بس يفضل معاه و الباقي يبقي يجي بكرة .
لينا قالت : انا .. انا هفضل معاه ، و بصت لروح و قالت حضرتك روحي و انا هفضل ، روح قالت بعياط 😢😢 : لا انا هفضل معاكوا هنا مش هقدر اسيبه .
و وافق الدكتور علي أن روح و لينا يفضلوا ، و قال لازم حد يخلص ورق المستشفي ، احمد بص ل لينا و قالها انا هتصرف .
و احمد راح دفع مصاريف المستشفي و راح ل لينا و قالها انا هروح اجيبلك هدوم و اجي علطول ، نور بصت ل لينا ، لينا قالت لها و هي بتحضنها متقلقيش انا كويسة روحي انتي ارتاحي .
نور : خلي بالك من نفسك و حضنتها و مشيت هي و احمد .
روح تليفونها رن ، ردت كان فهد و اخواته ايه يا ماما كل دا يحصل و متتصليش بيا احنا في الطريق و جايين .
نور قالت : خليكوا يا حبيبي لينا معايا و كدا كدا مينفعش حد تاني فيكوا يبقي موجود ، تعالوا الصبح .
فهد : بس يا ماما ، روح بمقاطعة مفيش بس انا مش قادرة اتكلم تعالوا الصبح و هاتوا معاكم هدوم عشان بابا .
فهد باستسلام : حاضر يا امي اول ما الدنيا تنور هتلاقينا عندك.
و عدي الوقت و ابراهيم اتنقل غرفة عادية ، و الكل موجود في المستشفي احمد و فهد و اخواته و غفران و روح .
روح و لينا هما اللي بيباتوا معاه.
روح قالت : انا هروح اجيب قهوة عشان انا كدا بنام اجيب ليكي معايا .
لينا : لا شكرا لحضرتك ، روح سابتهم و خرجت لينا قعدت قدام ابراهيم و قالت : بقي كدا كنت عايز تمشي من غير ما نتكلم سوا أو حتي نقعد مع بعض ، بس لا انا مش هسيبك و مسكت أيده ، يلا بقي قوم بلاش السكوت دا .
ابراهيم فاق و ضغط علي ايديها و قال بتعب لينا حبيبتي انتي هنا ولا انا بحلم
لينا ردت بعياط : انا هنا جنبك انا هنا .
ابراهيم بتعب : انا اسف ، سامحيني أن سيبتك كل دا .
لينا و هي بتمسح دموعها بلاش تتكلم عشان ماتتعبش ، نبقي نتكلم بعدين ، روح كانت بتسمع الحوار و بتعيط 😭😭
ابراهيم نام و تاني يوم صحي من النوم حس أن في حاجة تقيلة علي رجله بص يشوف ، لقي راس لينا ساندة علي رجله حس أنه مبسوط ، و بعدين قال لينا
لينا قامت بخضة انت كويس في حاجة بتوجعك ثانية واحدة هناديلك الدكتور
ابراهيم بحب : خليكي معايا انا كويس و هبقي احسن لو فضلتي جنبي .
لينا : انا جنبك اهو بس لازم الدكتور يشوفك ، روح صحيت و قامت ابراهيم انت كويس الف سلامة عليك يا حبيبي انا هروح اشوف الدكتور.
الدكتور بعد ما فحص ابراهيم لا الحمدلله انت احسن بكتير
ابراهيم : هو انا ممكن اخرج امتي .
الدكتور : مينفعش انت فقدت دم كتير و فصيلة دمك مكانتش متوفرة بس احمد بيه كان موجود و هو اتبرعلك ، فلازم تصبر معانا هنا فترة لحد ما نتأكد أن حضرتك كويس ، اه وكمان احنا بلغنا البوليس عشان دا شروع في قتل.
و طبعا فهد و حمزة و أسر راحوا المستشفي و احمد و نور و غفران ، و فضلوا موجودين مع ابراهيم.
ابراهيم اتكلم و قال لاحمد عرفت انك اتبرعتلي بدمك شكرا ليك انت أنقذت حياتي مرتين مرة لما ربيت لينا و المرة التانية لما اتبرعتلي بدمك انا مش عارف اشكرك ازاي.
أحمد : مفيش شكر ولا حاجة أنا ممكن اعمل اي حاجة عشان خاطر لينا .
و باب الغرفة خبط
فهد فتح الباب ، و لينا شافت اللي خبطت
و قالت انت ، ايه اللي جابك هنا و عايز ايه ، احمد شافه و قال اهدي يا لينا عيب دا ضيف بردو .
ياتري مين الضيف ؟؟؟
يارب البارت يعجبكم 💜
أنت تقرأ
أحبها و انتهي الأمر
Romanceهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
