✳ الجزء 7 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
قالت ليه امي الغولة واخا حتى هذا نظر و دارت هاذاك الشي اللي قال ليها و كل مرة تجي تطل عليه يخرج ليها الفتاحة حتى لهذاك النهار خرج ليها المخيط و جبداتو من المطمورة و بغات تذبحو و هو يقول ليها حديدان الحرمي
حديدان: آ مي الغولة انا دابا سمين بزاف و فيا شلا شحمة غادي تاكلي نصي و نصي يشيط ليك تلوحيه غادي تضيعي فيه اللهم سيري عيطي على اهلك و احبابك و ديرو عليا الزردة و خلي بنتك تذبحني راني ساهل
امي الغولة:حتى هذا نضر ا وليدي ا حديدان
وهذاك الشي اللي كان امي الغولة مشات و خلات بنتها تكمل الشغل ، فاش جات البنت تذبحو قال ليها
حديدان : دابا نتي جايين اهلكم و احبابكم و يشوفوك هاكا شعرك مغطي وجهك و حالتك حالة اجى نصاوب ليك ونقاد ليك وفاش تولي زوينة ذبحيني راني في ساع تنطيب
تبسمات بنتها و تاقت بيه الهبيلة وعطاتو راسها باش يقطع ليها شعرها و هو يذبحها و لبس الجلد ديالها و طيبها و فاش جات امي الغول مع احبابها حط ليهم ياكلو قالت ليه
امي الغولة: آجي ابنيتي تاكلي معانا
حديدان :انا كليت ا مي فاش كنت نطيب غير بالصحة و عطيني هاذوك السويرتات ديال دار حديدان نمشي نشوفها كيف دايرة راه حتى نتوما غادي تبغو تشوفوهاعطاتو امي الغولة السوارت و مشى حمى الدار مزيان و طلع فوق السطاح و بقى كي شوف و هاهي الغولة جايا هي و احبابها رمى ليها جلد بنتها من الفوق و بدا تيضحك و قال ليها
حديدان : هاكي جلد بنِيْتك آ وكالت بنِيّتها
امي الغولة( بغضب): درتيها بيا يا حديدان الحرامي🥀رجوع🥀
خلات البنات كي ضحكو على حديدان و امي الغولة حيت دارتها بيه عوتاني شافت فيهم رابحة و كملات كلامها
رابحة:من كثرة الغيظ ديال امي الغولة و الفقصة لحقاش حديدان دارها بيها ثاني بغات تهرس الدار و تدخل و مع هو حماها كيف تضرب تاتلصق و هاكا وقع لحبابها كاملين و ماتو و انتصر حديدان الحرامي على امي الغولة ومشات خبيرتي من واد الواد و بقيت انا مع الناس الجواد
تورية(كضحك):عبر عليها
رابحة:واييه و نوضو البنات العشية تعاشات و غوات مي و نكبر با با معنفلت يحساب ليهم راني تجليتناضو البنات دارو رزمتهم على ضهرهم و زادو كي ضحكو و يعاودو حتى كل وحدة وصلات الخيمتها مردوش البال لمولاي السلطان لي كان واقف جهة الگصب و سمع خبير رابحة و تبسم
أنت تقرأ
نية السلطان ( الدارجة المغربية ) تيما مبارك
Acción🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...