✳ الجزء 9 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
اما عند لالة و مالي لي ناض في الليالي عجنات و خمرات و دارتو في الفران حتى طاب و حطات دارت مسمن على حقو طريقو و لباها يفطر عطات ناضت جمعات الزريبه و نكسات لبهيمة و خرجات دجاج و فليلساتها ياكلو لي قسم الله
جمعات البيت و طوات الفراش و دارت العواد و نصبات طاجين بلدي بالدجاج و خضرة فوق منها ستفات حطاتو على العواد و غير بالمهل طيبات
شقا يديها باين و مكايناش شي وحدة في دوار لي متمناها لولدها ولكن رزانة رابحة قدام البراني و لسانها السليط مخلية ولاد القبيلة كلهم حالين فمهم ولكن مواتها كلهم خايفات تمسكن و تمكن و تولي هي مولات الدار الري و شوار
خرجات رابحة دايرة لتامها على وجها مخبية بيه زينها لي كي فتن واخا هكداك عيونها الكبار المكحلين تلف كل واحد على القبلة وصلات السوق و دايرة في يديها ميدونتها لي فيها عتقدى لمها و ليها وقفات عند واحد كي بيع التواب هزات راسها فيه و شافت التوب لي حب خاطرها و بغات
رابحة:بشحال هذه التوب ا سيدي
***(كي شوف فيها هزات فيه عويناتها و هو يتلف):مرحبا مرحبا الآلة بنت شيدي
رابحة:لالة و لالك بنت رسول الله
***(كي ضحك):ايه ايه عليا افضل شلات و شلام هداك ب 20 متقال
رابحة(رخات توب و شافت فيه):واش هبيل كتبيع التوب و بضعف تمانو
***:ا لالة هذه التشوب جاي من بلاد بعيدة و تشوبو من التشوب المشيان تشبني و تشعاودي و تلبشيه بالهنى ان شاء الله
رابحة(شافت جوج رجال دخلو الحانوت مداتهاش فيهم و كملات كلامها):عنديه من عندك ب 10 متقال
***:لاواه ا لالة بنت شيدي مشلكشاي
رابحة(شافت فيه و حمرات عينيها):عنداك تشوفني هكدا و تحگرني راني بنت حرة غرة نلبس غير لي يحلى ليا و هذه التوب الا خديت عنفرح بيه ميمتي العزيزة و نلبسو و نتباها بزيني قدام بنات القبيلة
***:اوا شافي شافي هذه التشوب ما يعشلوه غير الناش الدواقة بحالك شحال عتشدي منو
رابحة:دير ليا منو جوج تفاصيل و كل واحد في لون
مشا دار ليها لي بغات هزات عويناتها الكبار و شافت في الراجل لي واقف قدامها عاطيها بالضهر قد و قامة و عرض و هامة دارت عند السيد خلصاتو و خدات لي بغات مولاي حضر على شطارتها شاف في عنبر و تكلم
عابد:سير انت لقصر حتى نلحق عليك
عنبر:ولكن ا مولاي
عابد:تحرككك ا موحا
عنبر ولول في خاطرو و مشا اما سلطان بقا تابع رابحة حتى وصلات الدوار ولكن دازت على الساقية تما وقفات و عند الغريب دارت و على يديها شمرات
أنت تقرأ
نية السلطان ( الدارجة المغربية ) تيما مبارك
Hành động🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
