✳ الجزء 22 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
جلس قدامهم السلطان و عطا الادن يتقدم الوزير و يتكلم و هو بكل ودن كي تسنط ليهم و لكن الراس هنا و تفكيرو مرة معاهم مرة عند رابحة كي فكر كيفاش يدوز ليها السلطان لي معمرو فكر في النسا جات رابحة و خلاتو يخمم فيها
انت الوزير تكمل و شاف في السلطان:هذة ا مولاي كانو جوج مرافقين واحد عندو حمارة ضارّة وواحد عندو ناقة ضارّة ولدو في ليل وهو ينوض مول الحمارة روّم البكر على لحمارة والدحش على الناقة وفالصباحْ الناقة تبعها الدحش ولحمارة تبعها البكر ومول لحمارة قاليه »اللي تابعاه شي حاجة ديالتو»
عابد:اش هذه الشي كنسمع كتفاصلو بيناتكم
مول الحمارة:ا مولاي الحمارة لي ولدات ليا شنو ندير
مول الناقة:ا مولاي راه غير تخالطو راها ديالي انا
مول الحمارة:الا ديالي أنا
مول الناقة:اللهم ان هذا منكر اللهم ان هذا منكم شهدو يا ناس هذه الشي راه ميدخلش لعقل
الوزير:شنو نديرو ا مولاي
عابد(شاف في الوزير و نطق):مول الحمارة ياخد البكر
قال كلامو و ناض خارج بدون ما يفكر خلا سيد مول البكر يبكي و يخرج و يغوت و مول الحمارة خارج ناشط حيت السلطان جا من جيهتو هو و الوزير تبسم و رد يديه من مور ضهرو و قرب عندو القايد كي شوف فيه
قائد:كي بان ليا السلطان خطا الصواب ا سيدي الا بقا على هذه الحال راه عينوضو اهل القبيلة يحيدوه منها
الوزير:هذه الشي لي بغينا و ولد عمو يجلس في مكانو
قائد:و شنو عنديرو ديك الساعة الا ولا ولد عمو
الوزير:عيكبر لينا الشان و نعودو من القادات الكبار
خرج كي ضحك فرحان من قرار السلطان و غادي جيهت الغابة يوصل الخبار هذه المرة السلطان مفكرش بعقلو و تبع غير حكام من الفوق و الا بقا على هذه الحال راه عيجيبها غير في راسو هذه الخطرة
أنت تقرأ
نية السلطان ( الدارجة المغربية ) تيما مبارك
Aksiyon🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
