✳ الجزء 24 ✳
♥نـــــــــــــية سلطــــــــــــــان♥
🔥 رابحة زين العابدين 🔥
✏ حكايات تيما ✏
🌸تيما مبارك🌸
دخل السلطان لجناحو و جلس و هو كي حك لحيتو و يخمم تبعو عنبر و موسى حانيين راسهم و كي شوفو فيه كي خمم يفصل و يخيط جلسو حداه و كي تسناوه يتكلم
عابد:گلتي ليا ان باها مشا يسقي الما بالما
موسى:ايه ا مولاي هذه الشي لي قالت ليك ديك بوبريصة
عابد: غادا بغيتو يكون عندي في السروية
عنبر:علاش ا مولاي و سمح ليا الا سولت غير الفضول فيا
عابد:باها بيه عنجيبها ليا و قسوحية راس ليها ليه عنهرسها بيها
عنبر:هي الأولى ا مولاي
ناضو خرجو من تما منين دخلات ام هاني تبسم مع ولدها جلسات حداه و خدات كويس اتاي و كتشوف فيه
ام هاني:شكون هذه رابحة لي سمعت عنبر كي دوي عليها
عابد:شفارة قولي
ام هاني:مالها
عابد:والو بيني و بينها شي حساب
ام هاني:و من فوقاش مولاي السلطان عندو حساب مع النساء ياك كتقول غير نية و ما فيديهم حيلة
عابد:المرة غير لفعة
ام هاني:اوا الله يكتر الخير ا ولدي دابا ميمتك لفعة
عابد:مقصدتش هذه الشي ا مي
ام هاني:المهم غادا عنجمع بنات لقبيلة لموسم الرمان و وحدة منهم عتكون ليك عروسة ان شاء الله الا طاح الفال و ابن الموراد ان شاء الله
ناضت خرجات و خلاتو كي شوف عاد فاق على كلامها رجع سلطان جلس كي يفكر فيها و تفكر عيونها لي وصفهم بيها مول الناقة ناض مشا هز الريشة و خدا الوح و القلم و جلس حدا الشرجم كي طل على الساقية و بدا كي رسم بدون ما يشعر و كل مرة يفكر كي لقا راسو كي فكر غير فيها حتى كمل لوحة و بعد القلم و تبسم
عابد: مول ناقة بغا يوصف و معرفش العينين عسل مصفي و العقل تابت اما الشْعَرْ كِاللِّيلْ كْحَلْ وْطْوِيلْ شحال ما بغيت نقصى و نغضب دكائك و طولت لسانك على الحق جنب المظلوم كنلين اش درتي ليا يا رابحة يا مولات القلب الحنين
مشا جلس و هز برات اتاي كب ليه كويس كي تنغم بيه و قدامو رسمتها يخضر عويناتها بيه تبسم ابتسامة نابعة من القلب حط الكاس و تجبد كي شوف في السقف باش غادا يصبح على باها و يوريه
أنت تقرأ
نية السلطان ( الدارجة المغربية ) تيما مبارك
Aksi🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 كان حتى كان في قديم الزمان لمّا كان الحبق والسوسان في حجر نبينا العدنان عليه الصلاة والسلام بسم الله العظيم أستهل الحكاية "ن...
