[COMPLETED] မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်

[၂၀.၁] တင်းခဲ့ရင်းလီ|တင္းခဲ့ရင္းလီ

"အဓိကဇာတ်ဆောင်၏မူပိုင်ဇာတ်ကြောင်းလွှဲပြောင်းခြင်း + ဒီကနေ့၏ခွန်အားကြီးသောအမွှေးဖွာမြေခွေးလေး။"
(၁)

........................................................................

ရှုလင်ကျားကိုယ်တိုင်ပင်သူဘာကိုရိုက်လိုက်မိမှန်းမသိပေမဲ့ တိုက်ခိုက်မှုအသံကအရမ်းကိုကျယ်လောင်လွန်းသည်ဟုခံစားမိ၍ သူ့ခန္ဓာကိုယ်ပေါ့ပါးသွားသော် သူ့မျက်လုံးတောက်ပသွားရသည်။

သူရုတ်ခြည်းတောင့်တင်းသွားရကာ သူလက်တွေ့ကိုပြန်ရောက်လာကြောင်းသိလိုက်ရပေသည်။

ကျင့်ကြံကြသောလူများတွင်အမြဲတစေပင် "ရုတ်တရက်ဉာဏ်အလင်းပွင့်ခြင်း"ဟူသောဆိုရိုးစကားရှိသည်။

အချိန်တဒဂ်လေးအတွင်း၌ ရှုလင်ကျား၏အတွေးတို့မှာတက်လိုက်ကျလိုက်နှင့် သူ၏ဝမ်းနည်းမှုနှင့်ပျော်ရွှင်မှုများမှာဆန်တက်လာပေသည်။ သိသာစွာပင်၊ သူဟာငယ်စဥ်ကတည်းကလေ့လာခဲ့သောဓားရေး၏တားမြစ်ချက်ကိုချိုးဖောက်လိုက်သည်ပင်၊ ၎င်းကဒုက္ခရောက်ဖို့ရန်အလွယ်ကူဆုံးနည်းလမ်းပင်။

သို့သော် ဤအခိုက်သူနိုးလာသော် သူ့နယ်ပယ်ကားတိုးတက်လာပြီး ပွင့်လင်းကြင်နာကာ အထိန်းအကွတ်မဲ့ပျော်ရွှင်သောခံစားချက်တို့ပင်ရှိလာသည်ကို သူတကယ်ကြီးတွေ့လိုက်ရသည်။

သူ့ကျောပြင်တလျှောက်ချွေးအေးများစီးကျလျက်ရှိကာ ကျောပြင်ရှိဝတ်ရုံတစ်ခုလုံးရွှဲရွှဲစိုနေသည်ကိုသူခံစား၍ရသည်။ သူ့ဘယ်လက်ထဲတွင်ကိုင်ထားသောကျောက်စိမ်းပြားမှာ အရိုးထိတိုင်အေးစိမ့်လုမတတ်ပင်။

ပတ်ပတ်လည်တွင်ဆူညံသံများစွာရှိနေပြီး လူအများစုမှာအာမေဋိတ်သံများလုပ်လျက်ရှိပေမဲ့ ဘာဖြစ်သွားမှန်းသူတို့မသိကြပေ။ ရှုလင်ကျားကြည့်နေရင်းဖြင့် သူ၏ဇာတ်ကောင်အဆင့်ဘားတန်းမှာရုတ်ခြည်းအရှေ့တိုးသွားပေသည်။

ဤနည်းဖြင့် သူသည် "ဖြတ်လျှောက်"ဇာတ်ကောင်အဆင့်နှင့်နီးကပ်လာချေ၏။

ရှုလင်ကျားမရေမရာဖြစ်သွားကာ မတ်တပ်ထရပ်၍ ဘာဖြစ်သွားလဲကြည့်ချင်နေမိသည်။