يتيمة منذ صغري

البارت الاول

كنت دائمًا الطرف الذي يقول أنه لم يتأثر، ثم يعود لغرفته ويصرخ، يصرخ بكل قوّته وينام مثلما لو أنه لن يستيقظ.
.
.
.
.

بِقِلَمَ أّلَګأّتّبِهِ ❤️

مروه حمزه

————————❣️

بديت اقره امتحاني وجنت تعبانه حيل ومنايمه الضهر كملت دراسه وكلت اي الحمدلله واخيرا خلصت جانت الساعه ب 4 العصر كلت اكوم اشوف وين وتين واكل لان ميته جوع

تالين : هلو ماما ميته جوع شمسويه غده

اشواق: هلا حبيبتي مسويه باميه وتمن صبي واكلي

تالين: مممم احب الباميه

اشواق: الف عافيه حبيبتي

تالين: وتين وين اليوم غايبه وما شفته بس من رجعت من الدوام

اشواق: نايمه لو ع تلفون اكو غيره

وتين : ها ها داتحجون عليه سمعتكم

تالين: هلاو هلاو اشرقت وانورت عيني لو باقيه نايمه وطابكته الباجر الصبح ونازله اصبحين ليش هيج متعبه نفسج

وتين: شو انتي اسكتي ام راس اني نعسانه

اشواق: وتين ليش ما داومتي اليوم مو عندج دوام

وتين: اي بس ما عدنه شي

اشواق: ديلا لعد كملن اكل
وتين وتالين: تمام هسه

كاعدين دا ناكل ونسولف جان يجي عثمان

عثمان: السلام عليكم
وتين وتالين: وعليكم السلام
وتين: هسه نور البيت يلا تعال بوجهك عدل للگدر

عثمان: شمسوين غده
وتين: باميه ولحم وتمن وعندك الاحساب

عثمان: وي وي صبولي

ومرت الايام والاحداث بشكل عادي وروتين عادي بين الدراسه والبيت ومناكر وتين وتالين اجتي امتحانات الثالث متوسط جانت بسنه 2016 وجنت اريد اطلع معدل عالي وما حبيت ادخل خصوصي حتى يكون نجاحي بتعب واصرار

خلصت الامتحانات على خير وبركه واجه يوم توزيع النتائج ونجحت من الثالث بأمتياز ومعدل 98 فرحت حيل وصار عندي اصرار وحلمي بدي يقرب اكثر واكثر

صرت حاليا رابع علمي وصار عمري 17 سنه وجانت مرحله دراسيه سهله نجحت من الرابع علمي وهماتين بأمتياز وصرت خامس علمي وصار عمري 18 سنه

وبتاريخ (2018/3/4) الساعه 3:00 الضهر

اجه عمي صالح على بيتنه ومخبوص
ودخل وراه بابا ويصيح فهمني شنو صاير غير افهم

عمي صالح يصيح ولك ياااسر ابني ابني راح مني شسوي كول شسوي ويدك على راسه

ياسر: احجيلي مو كلبي فتيته

صالح: ولك محمد داعم جماعة من اهل الناصريه همه 4 زلم 3 مكسرين واحد ميت وهوه وحيد اهله

ياسر: يا ستار يا ربي هاي شوكت صار الحجي ونقلتو الولد للمستشفى

صالح: اي نقلتهم بس ابني مدري وينه راح ابني خابر ابو الولد ويكول الدم بالدم

ياسر: خويه هدي بالك وان شاء الله خير كول يا الله والي بي خير يصير

صالح: يا خير يمعود وابني راح يكتلو شسوي هسه اني

ياسر: خابرت على محمد خطه مشغول مره مرتين الثالثه جاوبني
محمد: ها عمي بسلا مات الولد والله ما متقصد اني

ياسر : على كيفك ابني كول يا الله بعده عايش وين انت هسه تجيني
وانتضرت يجي محمد وكاعدين اني وصالح على نار مصيبه وكعت على راسنه بيوم وليله واحنه كاعدين اجه اتصال من المستشفى جان عثمان واخو محمد يمهم كالو الولد مات واهل الولد عمامه وابو متخبلين وهددونه اصير دم

تالين: من سمعت ابويه هيج يحجي اني وتين وامي
صحنه يبووو رحنه بيه ولك محمد اشسويت

وره اسبوع اجوي ناس ما اعرفهم من الناصريه ومسلحين وكعدو عمامي وياهم ودزوا على شيخ العشيره وصارت كعدت عشاير بين العشيرتين آل....
وعشيرة......

اتفقوا علي فصل وكالو انريد فصليه يا عزه فصليه
طبعا عمامي رفضوا رفض قاطع بس اهل الولد كالو لو دم بدم لو فصليه نريد منكم كالو عمامي ان شاء الله خير نردلكم جواب

راحو اهل الولد واجوي عمامي وكالو يردون فصليه لازم وحده من البنات عمي ياسر كال بنتي وتين خط احمر وعمامي الباقين رفضو

كال عمي صالح ما بقه غير تالين كال عمي ياسر شلون وميصير ويتميه وحرام كال لا عادي هيه يتيمه يصير

اني كمت ابجي شلون هيج يحجون ويريدون ينطوني فصليه
تالين:ولج وتين سمعتي صخام الصخمج تالين وين هسه انطي وجهي وين تالي عمري اروح فصليه وصرت ابجي بهستريه كدام عمامي كام عمي صالح وضربني راشدي وكلي اسسس ولا كلمه تروحين ورجلج فوك ركبتج ع مود ابني محمد انجمعت الدمعه بعيوني وصرت ابجي معقوله حلمي راح يروح مني معقوله اروح فصليه واني بعدني صغيره عمري 18 سنه مشايفه من عمري شي ف بيومها سكتت وما حجيت شي وكلت راح امشي وراهم على مود ما يموت ابن عمي خابروا عمامي وكالولهم بموافقتهم على الفصليه واجوي لميت ملابسي وحضرت جنطتي والدمعه بعيني وتين يمي تصبر بيه وتبجي ويايه وتعاركت وياه ابوها وما تحجي وياه ع مودي ودكوللهم واما اليتيم فلا تقهر يجي يوم وتتحاسبون عليها واني ساكته وما الي حس

اجوي الناس وجايبين سيد وياهم وعقدنه واني ما شايفه الي زوجته ولا اعرف اسمه صعدني رجال جبير بالسياره دفعني حيل تعورت برجلي صحت اخ وبجيت وكلي اسكتي لا تبجبن لا هسه احركج حطيت ايدي على حلكي واني ابجي واباوع وتين وعثمان يبجون عليه وعثمان تعارك ويه اهله وطلع من البيت زعلان
انطلقنه للناصريه واني خلصت الطريق كله ابجي وصلنه الناصريه وكلبي احسه يرجف من الخوف ....

يتبـಿـع🌸

————————— ❣️

💕🍒

مـﺂ بـيــن قـلــهہ ﺂلـحــظ

و ﺂلـطـمــوح الـكبيـر

ﺂحـلامــي ﺂلــي رﺂحــت

مــدري گـيــف ﺂرجـعـهـا

بًقُلَمً أّلَکْأّتٌـبًهّـ 🌸

مروه حمزه😊

احبكم ❤️