ردو صوب اللي يالسين
روضة يلست
ميود : يله عيل انا بترخص
بطي : مرخوص، الله يحفظك عاد تعال الاسبوع الياي ما نصبر عنك نحن
ميود : وياك،، اعرف انك ما تصبر عني تراني اقولك انت حرمتيه ما تصدق
يوسف : ياخي عرفنا انه حرمتك ست مرات قلتلنا
ميود : عنبوه بياكلوني خل اسير احسن
زايد : لا لا ما بناكلك
ميود ضحك : جي ولا جي بسير يله شي ف خاطركم؟
الشباب : سلامتك
ميود : الله يسلمكم،، يله مع السلامة
راح عنهم ميود ويوهم ثنينه
بطي : حمود الخايس اشتقت لك
محمد : ياخي لا تتخقق علينا ب جمالك
بطي : زين خلاص
يلس محمد
شما : سلطان بلاك جي واقف
سلطان : منو هاي؟
زايد : بنت خالوه امل
محمد : تصدقون ما انتبهت ان في وحده يالسه
فطوم وهي تضحك : لازم نسوي اعلان ونكتب فيه البنت اللي ف بيت خالوه امل روضة بنتها،، كل واحد ايي ويسأل
سلطان يلس : انزين ليش ساكته نبا نسمع صوتج
روضة : شوفو حتى هذا نفس مشكلتهم
كلهم ضحكوا
زايد : ياخي بطوييي
بطي : امرررر
زايد : قول قصيدة
بطي : قصيدة
زايد ضحك : استغفر الله،، اقصد عد علينا قصيدة جي زين؟
يوسف : اونه قول قصيده ههههههه
بطي : شو قالولك منو انا عشان اقصد؟
محمد : انت بطوي اللي يقصد من الخاطر
فطوم : شو وضعنا من بينهم
سلطان : جب انتي،، يله بطيان عن ه الحركات إقصد
زايد : عاد بيذلنا
روضة : الحمدلله والشكر
سلطان : يله عد قصيدة وبعزمكم ع العشا
يوسف : يله السالفه فيها عشا دخيلك إقصد
بطي : زين زين حشا،، شو من القصايد تبون
زايد : انا انا بختار
سلطان : عن تموت
زايد : لا ما بموت،، ابا يا حبيبي فيك ظني ما يخيب
بطي : بس هاي قصيره ولا بعد مب من كلماتي
زايد : ما يخصني انا ابا اسمعها
