لينا بصت لاحمد بصدمة 😲😲 معقول يكون هو خطفها و حرمها من أهلها ، طب ليه ، ليه يعمل كدا ، لا اكيد هو ميعملش كدا اكيد علي بيكدب عشان يخليني ابعد عنه ، مش يمكن انتي بتهربي من الواقع ، طب لو هو اللي خطفك هتعملي ايه هتسامحيه و لا لأ ، فاقت من شرودها علي صوت احمد
أحمد : لينا انتي كويسة ، بنادي عليكي بقالي كتير مش بتردي عليا ، و علي كان بيقولك ايه
لينا : هاا...لا مفيش انا بس سرحت شوية ، كنت عايز حاجة .
أحمد : كنت عايز اقولك انك اغلي حاجة في حياتي و أن انتي السبب في كل اللي انا في دلوقتي ، انتي متعرفيش انا بحبك اد ايه .
لينا بحيرة بس مبينتش : انا كمان بحبك ، خلص انت الورق و أنا ورايا مشوار .
أحمد : خلاص يا حبيبتي روحي وانا هستناكي في البيت.
لينا نزلت و ركبت العربية ، و تليفونها رن و كان غفران
غفران : لينا الندلة اللي مش بتتطمن علي اخوها ، وحشتيني.
لينا : غفران حبيبي ازيك معلش انا عارفة اني مقصرة في حقك بس و الله مشاكل في الشغل ، بس انت اتصلت في وقتك كنت لسه هكلمك .
غفران : عادي يا حبيبي ولا يهمك ، انتي كويسة فيكي حاجة .
لينا : كنت عايزة أشوفك انا مش كويسة خالص يا غفران ، انت فين .
غفران : انا في المكتب ، انتي فين و أنا اجيلك
لينا : لا خلاص خليك انا هجيلك ، بعد فترة وصلت لينا لمكتب غفران ،
لينا :عم اسماعيل ازاي حضرتك عامل ايه .
اسماعيل : انا الحمدلله ، ازيك يا لينا يا بنتي عاملة ايه
لينا : الحمدلله يا عم اسماعيل اهي الدنيا بتخبط فيا و اهو لسه مكملة
عم اسماعيل : يا بنتي ربنا لما بيحب حد يختبر صبره و كله هيعدي يا بنتي .
لينا : و نعم بالله ، ها في حد مع غفران جوا
اسماعيل : لا مستنيكي جوا ، ثواني هديله خبر
لينا : تمام ماشي ، اسماعيل اتفضلي يا بنتي ، لينا دخلت : غفران .
غفران حضنها : وحشتيني اوي ، لينا : وانت كمان ، ايه يا عم هتفضل حاضني كدا مش هنقعد ولا ايه و لا دا فراغ عاطفي .
غفران : انا تقوليلي فراغ عاطفي ، اتنيلي اقعدي
لينا : مقبوله منك يا عمنا.
غفران : تشربي ايه اجيبلك عصير ، لينا بمقاطعة عصير ايه هو انا بنت اختك هاتلي قهوة عشان دماغي مش قادرة .
غفران :و ماله ياختي ، و طلب قهوة ، ها ايه اللي حصل .
لينا : حكت اللي حصل مع علي ، و بعدين عيطت تفتكر احمد خطفني يا غفران .
غفران : احمد ما يعملش كدا يا لينا ، طب جربتي تسأليه .
لينا : خايفة يا غفران افرض أنه هو خطفني ساعتها ايه اللي هيحصل انا هعمل ايه مش هقدر استحمل خالص ، انت متعرفش احمد ايه بالنسبالي احمد صاحبي و اخويا و حبيبي و ابويا ، انا راسمة لاحمد كيان جوايا محدش يقدر يتخيله ، و مش هستحمل أن حد يهز صورته في خيالي ، انا لحد دلوقتي مش مصدقة اللي حصل انه مش ابويا و بعدين عيطت
غفران : لينا حبيبتي اهدي ، احمد اكيد مش كدا ، لينا بصت ليه بأمل تفتكر.
غفران : اكيد و بعدين هو فيه حد بيخطف حد و بيربيه ، انا شايف أنه عشان ترتاحي لازم تسألي احمد
لينا : خايفة اتوجع ، غفران : الوجع احسن من الشك انتي كدا مش هتعرفي تعيشي و انتي شاكة و مش عارفة الحقيقة .
و حاول يضحكها ايه القمر دا صحيح ، هي أمي كان لازم ترضعك كان زمانك متجوزاني دلوقتي .
لينا بمرح : انا اتجوزك انت ياااه عالزمن 😂😂 ليه من قلة الرجالة .
غفران : دا انا الف مين يتمناني شاب طول بعرض وظيفة و عضلات .
لينا :كفاية تواضع بقي يخربيتك هتموت.
غفران فضل يضحك ، لينا انا همشي بقي عشان ابراهيم بيه مستني
لينا سابت غفران و راحت عند ابراهيم
ابراهيم بلوم : كدا لينا تغيبي عليا يومين كاملين .
لينا معلش و الله كان غصب عني في حد كان سرق ملف المناقصة و أنا اضطريت اشتغل يومين كاملين عشان الحق اقدم الملف .
روح : مش كفاية كلام في الشغل تعالوا نتغدي ،
ابراهيم : ماشي يا ستي خدي يا لينا الورق دا ، لينا : دا ورق ايه .
ابراهيم : دا شهادة ميلاد باسمك الحقيقي و جواز سفر و كدا .
لينا بتوتر : شكرا لحضرتك .
عالسفرة فهد : الكل بيتكلم عن المناقصة اللي شركة الدسوقي خدتها مبروك و احمد قال إن انتي اللي عملتي الملف .
لينا : احمد ساعدني جامد احنا عاملنا الملف مع بعض ، بس هو بيقول كدا عشان بيحبني.
ابراهيم : بالمناسبة يا لينا مش شايفة أن المفروض تيجي تشتغلي مع اخواتك في الشركة .
لينا : ليه المفروض انا مبسوطة وانا بشتغل مع احمد
فريدة (لازم تضايق لينا) بتقليل لأحمد : انتي اكيد مش بتقارني شركات ابراهيم الكبيرة بشركات احمد .
لينا : انا بحب المكان هناك عشان كل حاجة عملتها مع احمد و ليا فيها ذكريات و كمان شركات احمد من اشهر الشركات في الوطن العربي و ياريت حضرتك متحاوليش تقللي من احمد تاني .
روح : متزعليش يا لينا هما بس بيقولوا كدا عشان الناس هتتكلم كتير أن ازاي سايبة شركات باباكي و بتشتغلي مع المنافس .
لينا : انا مش بشغل نفسي باللي الناس بتقوله كدا كدا مش هنرضي الناس انا مرتاحة هناك .
ابراهيم : خلاص وقت ما تحبي شركاتي موجودة.
لينا : ربنا يطول في عمر حضرتك.
لينا روحت و احمد و نور كانوا ناموا
لينا قامت من النوم عشان تصلي الفجر و بعد ما خلصت صلاة فضلت تعيط
أحمد دخل ليها بقلق مالك يا حبيبتي في حاجة بتوجعك
لينا : قلبي بيوجعني اوي ، احمد قولي يا حبيبتي اتكلمي
لينا : انا عايزة اعرف اللي حصل زمان
أحمد اخد نفس و قال انا كنت زمان شغال مع أبويا في الشركة بتاعته و نور مكانتش خلفت و أصرت أننا نروح عند الدكتور في القاهرة ، و بالفعل روحنا و عرفنا وقتها أن نور عندها سرطان في الرحم و ........
لينا بصدمة: ايه ..
ياتري ايه باقي اللي حصل زمان ؟؟
يارب البارت يعجبكم 💜
أنت تقرأ
أحبها و انتهي الأمر
Romanceهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
