{{آسِيَرةّ دٍآعٌشُ}} آشُبًآلَ# بًآشُقُ

البارت الثالث

هلو شلونكم اخباركم اسفه واعتذر عالتاخير لان انا ماخذه وعد تنو لازم يومية انزل بارت بس هاي المرة تاخرت بسبب الضروف هسه يلا نبدي بالبارت
🌹🌹🌹🌹🌹🌹🌹🌹🌹🌹🌹🌹باشق:-سلمنه عالولد وطلعنا انا وجهاد ركب وياي بسيارتي لان هو اجه وياي وفجأه حجا
جهاد:-اكلك ابو عرب اذن انت تعرف كلش زين الحاله خطرة باالانبار ماتنقل شغلك لهنا بالناصرية هم يصفى بالك وهم ترتاح وهم تضمن نفسك لان امك واختك مالهن غيرك اذا صار بيك شي هنه وين يروحن
باشق:- شوف جهاد احترم رأيك وخوفك عليه بس انا ماتمشي عندي هاي السوالف انا رجال عسكري وعيب غليه اشرد من ارض المعركه لو على كص ركبتي مستحيل ومن سابع المستحيلات اشرد من عملي والله علمود شكم جريذي وطلع وصار يسترجل هاي السوالف ماعندي جا انا المن حاطلي رتبه ها شنهي تريدني ان *****ج بيه مثلا لوو اقدره واحترمه واتعب واعمل من اجل بلدي اما بالنسبة لااختي وامي هذني الحمدالله والشكر املاكي وكلشي املكه يصير لاختي واختي تدرس والحمدالله وعاقلة وطالبة كلية طب وتفتهم ثانيا انا مخلي بيتي بصف بيتكم عليمن غير لين مأمن وادري انو انتم عمامي حاسبكم مو ناس غربة وانت وعماد وفارس اخوتي واعرفكم كد الامانة ومادامكم موجودين مايصير شي لان مثل ماهن عرضي ايضا عرضكم
جهاد:-اكيد ومن دون شك بس يخوي امك مالها غيرك خايب غير هي اذا درت بيك ماسك هذا الريح تتخبل صدك تحجي انت اذا متت تموت وراك
باشق:-اسم الله عليه مايصير اله شي وانا هذا قراري وماتراجع عنه لو مهما يصير ياجهاد
جهاد:-بالنهاية الامر يعود الك ياباشق
باشق:-اكيد وصلنه للبيت ودكيت هورن وجهاد وياي راح يفوت عالبيت انطي اسلاحه مال الصيد اخذته منه هذيج المره اول مانفتح فتحته روان باوعتلي بطريقة غريبه درت وجهي لااراديا اباوع جهاد يباوعله ويضحك حمحمت مادري عندي احساس بانو جهاد معجب بروان بس مغلس عالاخير عطت بيه رونه افتحي الباب كبر
روان:-هيي عززه اسفه فتحت الباب بسرعة ودخل السيارة وانا متوترة نزلوا من السيارة
باشق:-صفيت السيارة ونزلت بس اسمع صوت زلم بالديوان وكلت لروان منو هنا
روان:-باشق خويه هذا ع عم عم
باشق:-عمى العماج شبيج احجي صرتي تعتعين
جهاد:-ههههه
روان:-باشق جهاد هذا عمي ابو رائد هنا وجاي يحجي وي امي وجايب ويا ولد كبار ماعرفهم اول مرة يجونه بس مدري شعده واول مافات وهو يحجي ويذب حجي ويكول لامي والله اتطورتي يابتهال ومدري شنو
جهاد:-على كيفج كتيتيهن كت شبيج خايفة روحي لغرفتج ولاتطلعين وانت باشق شبيك ماتمشينا للديوان نعرف شسالفة
باشق:- هذا شعده جاي جنه ورا سالفة
جهاد:-بلا بهاي اكيد مايرادله روحة للقاضي
باشق:-اول مافتت للديوان واشوف عمي ابو رائد كاعد بالديوان ومرتجي عل الحايط ويهز بسبحته اي هو هذا هو هذا نفسه الي سرق طفولتي مني وخلاني مثل المشرد هو هذا نفسه الي سرق خيرات ابو مني وهو جان عايش بنعيم بسبب املاكي انا وانا جنت حسرة عليه هاي الخبزة الحارة سنين انا وامي واختي نضل نوبات بلا عشاء او بلا غدة لان ماعدنا اشوف ولد عمي يرحون للمدرسة باحلى لبسهم وانا ملابسي مشككه قميصي بشكووك من اباطي وامي تخيطه الي مامرة فكر وكال هذولة عايشين شلووون ابد كل همه المال اليوم شجابه شجابه صارلي عنه سنين ماشايفه جنت متجنب اشوفه لان اذا شفته راح اكفر بي واكره بعيشته وانا ابن عشاير وعيب امد ايدي على عمي فما ردت هذا الشي وكلت عادي حتى لو تضل املاكي عنده العيشه مالتي هسه كلش كافي ابوس ايدي وجهه وگفه الحمدالله والشكر باوعلي الولد الاربعه كاموا وعرفتهم هذوله ولده بس هو ضل كاعد واشوف امي الدموع تارسه عيونه وتبجي
باشق بغضب:- كوه لازم اعصابي كلت هلا هلا منور عمنا طاب الديرة
ابو رائد:-هلا بيك يابن اخوي ولو انا زعلان منك
باشق:-اهاااا زعلان تفضلو تفضلو استريح جهاد خويه
جهاد:-غالي ضالين الولد والعم بلا ضيافة اشو
ام باشق:-يلا انا اترخص زلم البيت وصلوا بعد اتحاجوا سويه
ابو رأئد:-والله يابتهال جا انا اعرف عندج ولد وتحد هذا منين
باشق:-ههههههههههه هذا منين هذا ابن عمي عمي الي هو يستحق انادي بكلمة عمي مو مثل عمي الباگني وباگ حلالي وماهتملنه متنا او عشنا كل همه الفلوس
ابو رائد:-شتقصد وللك اشو لسانك طولان انت جا شنهي نسيت اابيت الجنتوا جاعدين (كاعدين) بي لو شنهي
باشق:-هههههههههه بيييت؟؟؟ لا بربك خليه سكته يمعوود خليه سكته المهم تفضل غررد واحجي شعددك اليوم هنا ومنهو السمحلك تفوت والبيت مابي زلم
حيدر ابن عم باشق:-له له له ياباشق جا شنهي احنه غرب غير بيتنه هذا وطلعت عدنا بت عم هم شحلاته ان شاء الله نتناسب وتزيد العلاقة يابو عرب
باشق:-جنت اسمعه ولمن جاب طاري روان ماحس الا والولد مطروح بالكاع اشوف جهاد هجم عليه وكعد فوك كلبه وبوكسيات
جهاد:-جنت اسمع النقاش واكول خل ابقى ساكت اذا طگ الصبر اتدخل بس لمن شفت واحد من الولد كال نتناسب وعدكم بت حلوه ماضل عقل براسي هذا وين شايف روان وهي اصلا ماتعرفهم يحجيه وبكل زود
جهاد:-لكك سااقط ساافل شنهي عباللك هي هيته شنهو ماكو زلم وجايب طاريه عااارات بيكم خيرر ماجنوا هسه اجيتو ياجحوشه كامو هذوله الولد رادو يهدون واشوف باشق صااح بصووت
باشق؛:-كاااافي اسممع ولك ابو رائد تلم كوجت الولد ذوله ويتك وتوولي من هناا لااشررب من دمك وانعل سلفا سلفاك عار اطلللع
ابو رائد:-والله يابن اخوي حسابنه ماخلص وهاي الطرده مانساه عبالك رتبتك هاي تنفعك بعد بكد الشمبارة (دودة صغير)
باشق:-لزمته من ياخته وكع عگاله شوف انا لحد هسه متجنبك بس اذا وصلت لراسي وطخت ادفنك هنا واحسب الله ماخلقك انت وعاراتك هذولة فانصحك تتجنبني وماطخني واذا امحتك مرة ثانيه كدام عتبة الباب راح انسة الاصول وراح تصير اهانتك كدام الناس
ودفعته يلا ولك اطلللع كطيعه اللفتكم السقاط
طلعوا سحل بس احلى شي لمن جهاد دفع حيدر وانطى جلاق يمكن كوه كدرت الم ضحكتي طلعوا ورحت سديت الباب وراهم ودرت وجهي اباوع على جهاد طاكات عروگه والوجه ينكط عرگ
باشق:-هدي شبيك راح تتخبل
جهاد:-عندي موضوع وياك مهم ومااريد اطول بي ابد وهسه راح افتحه كدامك وكدام خالتي ام باشق
باشق:-خير ان شاء الله فوت فوت
ابتهال بدموع:-ولك يمه شسويتوا وهي تلطم على وجهه يمه هذا مو بعيده عنه يسوي بيك شي يمه انا شعندي غيرك بس انت الي من هالدنيه شسويت 😭😭
باشق:-اجيت يمه ومسحت دموعه شيسوي خل يسوي لاتخافين هسه هو مو مثل قبل الدنيا دارت صار كلشي اريده انا يمشي وعلى مزاجي اكدى اتحمل كل الاهاين بس مالت يقرب ناحيتجن انتن ادفنه وهو عدل والله
جهاد:-ههههه هو دخل اشوف واحد منهم يعتب الباب بس خل هيج المحه مجرد لمحة لا حرام بالحرم راح اسوي نفسي ضعيف بالرياضيات واجي احسب الله ماخلقهم
باشق:-هههه جديدة هاي مالت تحسب الله ماخلقهم خوش قصف
جهاد:-شكد دمك باررد لك انت ليش مخليهم لحد هسه انا لو ابدالك ادفنهم وهم عدلين هذوله العارات وخاصه هذا ابو شارب يكول فتيلة (يقصد على ابو رائد)
باشق:- دفوت فوت عالديوان وتعال نحجي وكللنه شنهي سالفتك
جهاد:- امشونه واحنه جاي نريد نفوت للديوان شفت روان واكفه باب المطبخ ودموعه تنزل بغزارة كلبي لجمني هاي طفلتي حبيته من اول ماشفته وهي جاهل جنه نجي نقرى انا وباشق وهي جانت صف ثاني ابتدائي تجي تلعب فوكنه اذكر جانت وكحه وتركب فوك ضهري واذا غثيته تجيبله اي سي مكص دولكه تلبكني بي وكحه اتعودت عليه اموت عليه من اتخرجنه انا وباشق وهي بعده صغيرة اشوفه يوم يوم تكبر وصارت بالمتوسطه وتحلى اكثر واكثر وملامحه ومعالمه الانوثيه صايرة تبين من  انسى روحي اتمنى نضرة وحده منه مىاقبه حتى من تروح للمدرسة خاف لبسه حصر خاف يصير بيه شي طول الوكت اراقبه صرت اعشك حتى التراب التمشي عليه حبيته وهي بالاول متوسط من اشوفه طالعه اول شي اتخبل مرة من المرات جانت فاتحه الباب وتباوع عالجهال بلعبون وهي كاعدة بصف الباب جانت بالثاني متوسط يمكن ومندمجه والحجاب طايح ماضل عقل براسي ضليت افشر واسب وهي كاعدة تقدمت سيارتي من كدام بيتهم وكفت عطت بيه كومي منا كاعده باب البيت اناا علمج ساقطه هسه اجيج لو ماجيج نازعه الحجاب والرايح والجاي يباووع موو فووتي خطيه بوكته خافت وركضت نست الباب مفتوح وتركض وتعثرت وصارت تبجي ولزمت رجله وتبجي منه نزلت من السيارة وفتت للبيت شبيج شبيج بابا جاوبيني شبيه رجلج لج ليش تركضين اجت امه على صياحه يا شجاج يمه شبيج تبجين جهاد:-امشي كومي تعاي اكعدي هنا عالكرسي كعدته وكالت امه
ابتهال:-يايمه جهاد شجابك هنا
جهاد:-اتلعثمت وكتله ها خاله مرت سيارتي منا من الدرب والباب مفتوح واشوفه كاعده لازم رجله وتبجيكلت خاف بيه شي
ابتهال:- يا ولج يمه شبيج
روان بجي:-يمه العب جنت اركض وطحيت
😭😭💔
جهاد:-يلا ماصار شي ماصار شي اذا تردين اخذج للمستشفى نشوف شبيه رفعت راسه وباوعتلي بدموع عيونه حمر ونفس الوكت احسه معصبه شكله يضحك ويكسر الخاطر نفس الوكت كالت
روان بانفعال:-غحمه الله والديج ماغيد (روان عدله لدغة بالراء)
جهاد:- والديج يلا على غاحتج
اشوف خالتي طكته ضحكه
ابتهال:-يا ولك يمه جا انت شبيك هم انلدغت شنهي
جهاد:- ههههه وحيل بعد يلا انا اترخص منكم
روان بهمس:-~~كلعة ~~
جهاد:-احس كالت شي بس غلست وكملت طريقي وانا اضحك من يومه وروان تخاف بس اخزرة تكعد عاقلة الدور مو هنا الورطه الورطه كبرت وصارت نحلى اكثر واكثر وانا مكضيه امباوع طك صبري اريد تكمل دراسة ماريده نحبني وتلتهي وتعوف دراسته متانيه وكاعد على اعصابي بس لمن خلصت سادس انا كلت خلص بعد لازم اطلب ايده واتزوجه بس التهيت بالشغل وامور الدنيا ومن شفت اليوم الحجي الصار يمي وشلوون هذا القندرة يحجي اتخبللت كلشي الا روان هاي بنتي ماطيه مايطخه زلمه غيري فقررت افتح الموضوع وادري باشق مايردني
هسه نرجع للواقع
باشق:-دخل جهاد وامي للديوانيه وكعد وكلتله تفضل جهاد خويه شنهو موضوعك
جهاد:- شوف يابو عرب عز الله الموضوع الرايده منك هسه جنت لازم اكوله من زمان بس الضروف ماسمحتلي بس لمن شفت الصار اليوم كدامي كلت لازم احجي
باشق:-خير ان شاء الله وشنهو الموضوع ابوع لامي تبتسم وجنها تعرف شعده
كال:- باشق انا طالب ايد اختك روان على سنة الله ورسولة ورايده وعزالله من زمان عاجبتني وانا مشتريه وهي اصل وفصل ويكفي تكون انت اخوه وبنيه عاقلة وفاهمه ودارسة ورابيه كدام عيني انا فانحتك بهذا الموضوع خاف لاسامح الله يجيك واحد يريده منك علمود يصير عندك علم انا عاجبتني وهذا الموضوع الردت اكوله واتمنى ماتردني خايب وانا اتشرف تكون اخوي واخو زوجتي من بعد اذنك واذن ام باشق اكيد
ابتهال:-والله يايمه النه الشرف اناسبك وانت اصل وفصل ورجال والنعم منك وانا اعرفك وتربيت بيتي انت وباشق الله شاهد نفس الشي وانت كامل مكمل وماعندي اي اعتراض تكون بنيتي مريتك هم تنحفض وتنصان وانت كد الامانة بس بالنهاية الامر يعود لواليه اخوه وناخذ شوره وشور البنية
جهاد:-بلا بهاي اكيد بس ابو عرب شو ساكت
باشق:-هههه والله غير تريد الصدك مصدوم بس من ناحيتي اعتبره الك كبع واخذ بعد اخيك بس لازم بالبدايه ناخذ ࢪأية راضيه او لا
جهاد:- شوف انا ماكلك هاي خطبه انا هسه فاتحتكم بالموضوع بس علمود تعرف انا رايده وشاريه والا المثله يسنحق اجيبله وجاهه اله اول ماله اخر انا هسه بس اريد اعرف راضين لو لا علمود مادز الناس وتاليه يتفشلون وانتم حاجيتكم وحدنا لين اعرفكم ومتربي عدكم وانتي ياخاله مثل امي وانت اخوي الماجابته امي لذالك اجيت حاجيتكم
باشق:-والنعم منك واتشرف بيك ابو باشق اهلا وسهلا بيك بس ناخذ، شور البنية رضت عساك ماتاخذه بدون عرس براحتك وان مارضت والله بخوي تعذرني
جهاد:-اول شي صدمتني شني هذا باشق النوب
باشق:-😂😂😂بغل يلوكلك هذا الاسم
جهاد:-هههههه اتشرف يكون ابني شايل اسمك ابو عرب وهسه انا لعد اترخص وباجر النسوان من الصبح يمكم
ابتهال:-اهلا وسهلا يمه
باشق:- كبل لاتمشي هاك سلاحك لاتمن بي عليه بعد مالي خلكك
جهاد:-وحك هو علي انت العار مو عمك عود انا منطيكياه برحابة صدر بس انت موش خوش
باشق:-دهاك هاك وضمه بجيبك هالسالفة
جهاد:-ههههه يلا انا اترخص تصبحون على خير
الكل:-اجمعين