غفران : مش عارف يا لينا بس شكلها كدا و استغفر الله العظيم صاحبته أو حبيبته 😂😂 .
لينا يخربيتك يا غفران فصلتني 😂😂 ، و فجأة البنت لفت وشها و لينا شافتها و طلعت لارا بنت عمتها ، لينا في نفسها غريبة ايه اللي جايبها هنا و ليه واقفة جنبه كدا فاقت من شرودها علي خبطة من غفران .
غفران : لينا مش بتردي ليه .
لينا : ايه يا غفران الايد التقيلة دي ، في حد يخبط حد كدا .
غفران : بقالي كتير بنادي مردتيش ، و بعدين دا انا ابو الحنية كلها .
لينا : طيب يا حنين أنا راحة التواليت انا ، عينك تروح كدا تروح كدا هخليك كفيف .
غفران بضحك اهم حاجة اتعلمتها معاكي غض البصر دا لو مراتي مش هتعمل كدا .
نرجع لفيلا الدسوقي
نور : احمد خلاص متروحش ، انا عارفة أنهم غلطوا في حقها بس افرض لينا زعلت انك روحت .
أحمد بعصبية : انا متعبتش في تربية بنتي عشان يجي ابراهيم و قرايبه يقولوا أنها حرامية ، متقلقيش مش هعمل حاجة و سابها و مشي و بعد فترة وصل لفيلا ابراهيم ،
الشغالة فتحت الباب ،
أحمد : مساء الخير ، ابراهيم بيه موجود .
الشغالة : أيوة أقوله مين حضرتك .
أحمد : قوليله احمد الدسوقي .
ابراهيم جه و كان معاه يحيي عشان كانوا بيشوفوا هيعملوا ايه في اللي حصل و قال : ازيك يا احمد ، في حاجة و لا ايه لينا كويسة ؟؟
أحمد: لا الحمد لله لينا تمام
ابراهيم :تحب تشرب ايه
احمد : انا مش جاي اشرب ،انا كنت جاي اقولك كلمتين و ماشي علطول .
انت لما جيت عشان تاخد مني لينا انا كنت خايف عليها بس قولت لا دي عائلتها الحقيقية و بعدين اذا كان انا بخاف عليها من الهوا و مش بستحمل عليها حاجة فما بالك بيك انت و انت بتقول انك ابوها الحقيقي
بس ان حد من عيلتك يتهمها أنها حرامية دا اللي لا يمكن اسمح بيه ابدا ، إذا كنت انت متعرفش لينا ، فأنا اعرف بنتي و نور عيني اللي انا كبرتها قدام عيني كويس اوي و عارف اد ايه هي بتتعب عشان شغلها فاكيد و استحالة تاخد تعب حد و لو عايزة تاخد منك صفقة في الشغل هتاخدها بتعبها مش بالاساليب الرخيصة دي ،
انا جاي عشان اقولك انك لازم تدور علي اللي سرق منك شغلك ، اه و اخر حاجة أنا عمري ما هسمح لحد يزعل لينا تاني او يكون السبب في أن دموعها تنزل حتي لو كان انت .
ابراهيم : في ايه يا احمد انا استحالة اخلي حاجة تزعل لينا هو بس سوء تفاهم حصل و أنا اوعدك أنه هيتحل ، مش كدا يا يحيي
يحيي باحترام : اكيد طبعا يا عمي .
أحمد : اتمني كدا سلام .
روح راحت ورا احمد
روح : احمد بيه
أحمد : ازيك يا مدام روح .
روح : انا الحمدلله تمام ، انا بس كنت عايزة اطمن علي لينا ، و كمان عايزة استأذن حضرتك اني اجي ازورها بكرة .
أحمد : لينا كويسة الحمدلله ، اكيد حضرتك تنوري في أي وقت و أنا هبلغ لينا .
روح : انا بس ليا طلب اخير كنت عايزة رقم مدام نور عشان كنت عايزة اعرف لينا بتحب ايه و بتكره ايه و كدا يعني .
أحمد : اكيد طبعا.
نرجع بقي للحفلة
نور اخد لارا وراح ناحية غفران
نور : غفراااان حبيبي وحشتني كدا هو لازم يبقي في مناسبة عشان اشوفك .
غفران : نور و اخده بالحضن معلش يا نور بقي انت عارف الشغل كتير .
نور : ربنا يكون في عونك اه اعرفك لارا
لارا : اتشرفت بمعرفتك .
غفران : الشرف ليا .
لارا طب عن اذنكم يا جماعه اشوف صحابي و مشيت .
نور : اه صحيح اومال مين اللي كانت واقفة معاك دي اوعي تكون اتجوزت من ورايا .
غفران بضحك : يا عم دي لينا اختي جواز ايه
و في اللحظة دي وصلت لينا
غفران : كل دا تأخير
لينا بمرح و لم تنتبه لنور : دول هما عشر دقايق اوعي يكون حد عاكسك يا غفران و انت حلو و مسكر كدا
غفران : يابت افصلي شوية و بعدين هو انتي سايبة اي بنت تيجي جنبي ، نور ضحك و هنا غفران قال :
اعرفك لينا اختي ، و دا يا لينا نور صاحبي
نور المصري : اكيد الأستاذة لينا الدسوقي دي في غني التعريف ، منورة حفلتي .
لينا بخجل فهي لم تنتبه له : متشكرة جدا لحضرتك .
غفران : مقولتش لارا دي خطيبتك و دا لفت انتباه لينا .
نور : لا ياعم انا مش بتاع جواز دي بقي تبقي السبب في الحفلة دي.
لينا كات الفضول هيخليها تسأله ازاي يعني بس في اللحظة دي كان التليفون رن فاستاذنت و راحت ترد عالفون
غفران : دا ازاي يعني يا نور ؟؟
نور ببساطة : خالها صحاب شركة مشهورة و هي المنافس بتاعي و عرفتني معلومات مهمة عن العرض
غفران بصدمة 😲😲 : ازاي حد يعمل كدا في عيلته ياريت لو ناوي تتجوز بلاش دي يا صاحبي عشان اللي يبيع اهله ممكن يعمل اي حاجة غلط ولا ايه ، لينا وصلت و قالت مش يلا يا غفران ولا ايه
و استأذنوا من نور المصري
نور و هو بيوجه كلامه لينا : اكيد هنتقابل تاني
لينا ببسمة مصطنعة : إن شاء الله ، و أكملت بصوت منخفض لا و مشيوا
غفران و هو بيكلم لينا :البنت اللي انتي سألتيني عليها جوا ياريت تبعدي عنها
لينا بتساؤل: ليه يا غفران اشمعنا ؟؟
غفران : عشان البنت دي مش كويسة خالص تخيلي و حكي ليها اللي نور قاله .
لينا بعصبية اطلع يا غفران علي فيلا السويفي
يا تري ايه اللي لينا هتعمله
و ايه اللي هيحصل
اتمني البارت يعجبكم 💜
أنت تقرأ
أحبها و انتهي الأمر
Romanceهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
