ورقة بينَ ثنايا الكتب

رَمِيّة نَّرْدُ

لا تنسى اضيء نجمتك الساطعة وتعليقك ليسعدني

تعليقات بين الفقرات لطفاً
________________

رأيتُ قلباً غافِلاً فـَ سَرَقتُهُ
والـسِّطو بَين العاشِقينَ حلالُ .

_____________

زهراء

البارحه بالليل البيت كله گام يركص من الفرحه حنت اشوف فرحهم من عيونهم وأركان جان طاير بيه وربي اجمل يوم چان البارحه عمتي گلبت البيت هلال وعمي فخور انو حيصير عنده حفيد وحتى فاطمه الي چانت متكابه فرحت وضلت تركص ويانه كلنا عبالك اول مره تحمل هيج حسسوني هههه

من كعدت الصبح تحضرت ولبست ملابسي وصدك اريد اخذ بكلام ركن بعد هاهيه كافي كعده بالبيت لازم ارجع اكمل قبل چانت طموحي بالدراسه كلش قويه هسه مادري شنو تغير بس گطعت وعد بيني وبين نفسي انو مستحيل اعوفها لأنها سند اليه رغم اني متزوجه وماناقصني شي ! بس حلو الانسان من يعيش بجال نفسه وتعبه مو تحت سلطه أي احد

كملت كُلشي ورحت كعدت أركان الي چان نايم و َيشوخر من التعب هاي الايام كُلش اقلق عليه صحته بتنازل لا ياكل لا يشرب كاضيها شغل بشغل مرات مايحي البيت الا الساعة وحده لو ١٢ بالليل وكل مايجي اضل ادوس على ضهره لان يوجعه كتله يروح الدكتور بس ماقبل

_"ركن ركوني زعير الليل اكعد ترا حلگي نشك واني اكعد بيك "بالبدايه غزل ودلع وكذا بس مايحس واحد مايجي الا بالقسوه

اركان:" زهراء تعبان دوسيلي رجليه"

_" ترا ميصير من الصُبح هيج اليوم لازم تروح لدكتور افتهم شسالفه مفاصلك كلها تعبانه"

أركان :" چا شسوي بالعباس الشغل كله فوگ راسي وهذا وائل السگط مادري يمته يجي"

_" باوع انت شتغل بنضام يعني من هالساعه لهل ساعه اذا تضل هيج ينشلع گلبك واذا هاي اني اطلع وياك اشتغل مابيها شي "

اركان:" تشوفين نفسج گدها زهيره خانم؟ "

_" ليش لا ! ترا خاف عبالك وزني قليل وجسمي صغير ماكدر لاعيناي بالعكس القوه كلها بيه انت بس سلمني الشغل وخل اصير مسؤول الا اركص لعمال تركص"

أركان /" اطربيني بـالله شتسوين"

_" اول شي اسوي من يبدي الشغل اشغل اغاني للكل علمود ميحسون نفسهم مجبرين على هالشغه بالعكس الشغل يصير كله فرفشه ويشتغلون بنشاط ثانيا ممنوع منعا باتا شرب الچاي والجو حار هو الجاي اكبر الاسباب للفشل والعراقيين لازگين بيه
ثانيا مدري رابعا اجيبلهم عصائر فرش من حجي زباله يشربون اصابعهم وراها خامسا اجيب اجهزه تدليك نداري اجسامهم شويه وبس والله"