لينا بعصبية : اطلع علي فيلا السويفي يا غفران
غفران : مالك يا لينا ايه بس ، متعصبة ليه
لينا حكت لغفران اللي حصل
غفران : طب انتي ليه مقولتيش ليحيي إنك كنتي بتكلميني ليه خليتيه يشك فيكي
لينا : أقوله ايه يا غفران و بعدين هو ماله اصلا
غفران : هتعملي ايه .
لينا : هقول الحقيقة و اللي حصل و انت كمان هتقول اللي صاحبك قاله
غفران : مين قالك أنهم هيصدقوكي
لينا بتفكير : مش عارفة يا غفران بقي انا هروح و اللي يحصل يحصل و كملت بسخرية كدا كدا هما شايفين اني حرامية و خاينة مش هتفرق كتير لو طلعت كدابة كمان
غفران بزعيق : انتي مش حرامية ، انتي احسن و اطيب و اجمل اخت
لينا : ربنا يخليك ليا يا غفران ، ووصلوا الفيلا و لينا رنت الجرس و دخلوا
و الكل كان موجود
لينا : انا مكنتش ناوية ادخل هنا ، بعد اللي حصل بس يلا الظروف هي اللي حكمت
انا عرفت مين اللي سرب الصفقة بتاعتكم
يحيي باهتمام : و مين بقي ، و في الوقت دا دخلت لارا ( فريدة ولارا قاعدين في الفيلا بتاعت ابراهيم عشان هما عايشين في بلد تانية )
لارا : مساء الخير عليكم يا جماعة ، و بعدين شافت غفران و اتوترت ليكشفها
وصلت صور لينا و غفران و نور المصري ليحيي عالتليفون
يحيي بسخرية : قال و انا اللي كنت ناوي اعتذرلك ، جاية تلبسي مين بقي اللي عملتيه
لينا : انت بتتكلم معايا كدا ليه
يحيي : شوفي الصور دي كدا و بعدين اتكلمي
لينا شافت الصور
يحيي بسخرية : قولي بقي أن دي مش صورتك
لينا بتبرير : بغض النظر عن نبرة كلامك بس انا كنت فعلا في الحفلة و دي صورتي
يحيي بمقاطعة انا مش عارف انتي جايبة البجاحة دي منين
غفران بعصبية : ما تحترم نفسك بقي ، انا ساكت من بدري و عمال اقول الراجل خسران صقفة مهمة و مضايق ، انما لينا خط احمر
يحيي باستفزاز : أيوة يعني هتعمل ايه
غفران قرب منه و قال هعمل كدا و ضرب يحيي بالبوكس و قال بنرفزة : جرب بس تقول اسمها علي لسانك
مسح يحيي الدم من وشه و حاول ضرب غفران ، الاتنين كلاهما رياضي
لينا كانت خايفة علي غفران و فهد و حمزة حاولوا يبعدوهم عن بعض
و هنا وقف ابراهيم بينهم واتكلم بزعيق : و الله حاجة كويسة مش عاملين احترام ليا خالص
يحيي : انا اسف يا عمي
ابراهيم : لينا محدش قال انك سربتي حاجة خليكي عارفة اني واثق فيكي اكتر من اي حد و الموضوع دا انتهي دي صفقة و انتهت و خلاص يا يحيي ، و ياريت تعتذر ل لينا عن الكلام اللي قولته
يحيي : انا اسف يا عمي مش هقدر اعمل كدا
لينا باندفاع فهو أول ما تجرأ و اتهمها بأنه خاينة ، علي فكرة انت باعتذارك بكلك علي بعضك كدا مش فارق معايا بس انا جاية عشان الراجل دا و شاورت علي ابراهيم هو بس اللي فارق معايا ، و حابة الفت نظر حضرتك لحاجة انا لو كنت سربت الصفقة اكيد مكنتش هروح و اكشف نفسي كدا و كمان اتصور كدا أنا مش غبية للدرجة دي ، بس انا هسيبك كدا مش عارف مين اللي سرب الصفقة
و أكملت بسخرية و هي بتبص علي لارا : اهااا كنت نسيت ابقي أسأل بنت عمتك المصون كانت فين ، يلا يا غفران
و مشيوا
لينا : انا اسفة جدا يا غفران انت كويس صح
غفران : أنا كويس يا حبيبتي متقلقيش ، و حاول تغير الموضوع ها نتعشي برا
لينا : تمام ، انا بحبك اوي يا غفران شكرا
غفران : انتي عبيطة يا بت انتي ولا ايه ، بس انا كمان بحبك يلا صاحبك علي عيبه بقي 😂😂
و بعدين رجعوا البيت و لينا قررت انها لازم تثبت ليحيي انها مش هي اللي سربت الصفقة
دخلت الفيلا و كان احمد بيسمع موسيقي هادية
لينا بمرح لنفسها اهم حاجة في البنت رقتها عشان كدا واحد اتنين تلاتة
احماااااااااااد وحشتني
أحمد بضحك : في ايه يا مجنونة ، انا خلاص فقدت الامل فيكي
لينا : ليه كدا يا احمد دا انا حتي رقيقة و خجولة
أحمد : انتي خجولة ، اومال مين اللي مهزق ابن عمه من كام يوم
لينا ( بصوت سلوي خطاب ) : مصممين يخرجوني عن شعوري و أنا من جوايا ست مؤدبة
أحمد بضحك : يخرب عقلك يا لينا مش كدا ، ها اتبسطتي
لينا : و الله يا والدي كل حاجة كانت تمام لحد ما قابلت لارا و يحيي
أحمد باستغراب : ليه ايه اللي حصل ، لينا حكت اللي حصل
أحمد :خلاص طالما ابراهيم مصدق اني معملتيش كدا يبقي اي حاجة تانية مش مهمة
اطلعي نامي و استريحي عشان مدام روح جاية بكرة
لينا : طيب تصبح علي خير يا ابو حميد ، بقولك ايه صحيح اما انا لقيتلك عروسة إنما ايه حاجة فخمة
أحمد بضحك: لا ياختي انا بحب مراتي و مش عايز اتجوز
لينا بخوف مصطنع : هي واقفة ورايا صح
نور : بتقولي حاجة يا لينا يا حبيبتي
لينا : انا دا انا بقول لاحمد أنه مهما يلف مش هيلاقي زيك ابدا
نور بضحك : والله
لينا : مش انا كنت بقول كدا يا احمد ، قبل ما أحمد يرد ، لينا بتمثيل ايه دا انا تعبت فجأة ولازم ارتاح و جريت علي اوضتها وسط ضحك احمد و نور عليها
و في صباح يوم جديد
صحيت لينا بدري و اخدت إجازة من الشغل عشان خاطر روح هتقعد معاها
و اتفقوا أنهم يروحوا كافية
لينا و روح وصلوا الكافية و هما قاعدين و بيتكلموا و بيضحكوا
لينا شافت لارا و هي داخلة بس لارا ماخدتش بالها من لينا و روح ، لينا مهتمتش غير لما شافت نور المصري داخل المطعم
روح : في حاجة يا لينا
لينا : بصي كدا مش دي لارا ، روح أيوة و بتعمل ايه هنا مع نور انا لازم اشوف ايه اللي مقعدها مع الراجل دا
لينا : استني كدا شوية ، و استنوا بحد ما لارا و نور طلبوا أكل و نور كان بياكل لارا ، لينا استغلت الوضع و صورتهم فيديو و صورتهم كام صورة
لينا : بقول لحضرتك ايه روحي استني عند نور عندي مشوار مهم هعمله و اجيلك
روح : تمام
لينا راحت الشركة بتاعت يحيي
و علي الجانب الآخر
يحيي كان داخل الشركة بكل ثقة وسط همسات الموظفات عليه
و لسه بيفتح الباب
سمع صوت بيقول
اتأخرت ليه دا انا هنا من بدري ، دي مش مواعيد خالص
يا تري مين اللي في المكتب ؟؟؟
ولينا هتعمل ايه بالصور ؟؟
يارب البارت يعجبكم 💙
أنت تقرأ
أحبها و انتهي الأمر
Romanceهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
