يحيي فتح الباب
و سمع اتأخرت ليه دا انا هنا من بدري دي مش مواعيد خالص .
يحيي بهدوء عكس ما بداخله : انتي هنا في المكتب الغلط دا مكتبي انا و مكتب عمي مش هنا .
لينا : بس انا جاية هنا ليك مش لعمك ، ثم أكملت باستفزاز اقعد اقعد يا بشمهندس دا مكتبك بردو
يحيي : طب و الله كويس انك فاكرة أن دا مكتبي و اللي انتي قاعدة عليه دا الكرسي بتاعي .
لينا : متخافش مش ناوية اخد مكانك ، انا جاية اوريك حاجة و ماشية علطول .
يحيي : اتفضلي عايزة توريني ايه .
لينا : انت الاول اتهمتني اني اللي سربت الصفقة بناءا علي شوية صور معاك ، شوف بقي اللي معايا و قولي بنت عمتك كانت بتعمل ايه مع نور المصري في الكافية .
اخد يحيي منها التليفون و شاف الصور و الفيديو
لينا : انا عارفة انك مش عايز تصدق انه مش انا بس احب اقولك أنها كانت موجودة في نفس الحفلة مع نور و كمان روح شافتها النهاردة معاه لما كنا في الكافية ممكن تسألها لو مش مصدق
يحيي : بس دا مش دليل أنها عملت كدا
لينا بعصبية و صوت عالي نسبيا : صوري انا مع غفران في الحفلة كانت دليل بالنسبالك و صور الهانم و هو بيأكلها مش دليل انت بجد مصدق نفسك
يحيي: صوتك ميعلاش عليا
لينا كانت لسه هترد دخل ابراهيم
ابراهيم : لينا حبيبتي اول ما عرفت انك هنا جيت علطول
لينا : كنت بوضح حاجة للمهندس بس من الواضح أنه افترض فرضية و بني عليها حاجات كتير و مصدق الفرض دا مع أن كل اللي قدامه بيثبت أنه غلط بس يلا ربنا يهدي
ابراهيم : انتم بتتكلموا في أي
لينا ببسمة : ولا حاجة ، مش هتوريني المكتب بتاعك
ابراهيم: اكيد طبعا تعالى يا حبيبي تعالي
و بعد عدة ساعات
ابراهيم : ها ايه رأيك في الشركة
لينا : حلوة جدا ما شاء الله
ابراهيم : كل اللي انتي شايفاه دا عملته انا و اخويا ابو يحيي ، ساعدني كتير و كان علطول في ضهري و اي مشكلة كان هو كل اللي ليا لحد ما اتجوزت روح
لينا بابتسامة : ربنا يخليكوا لبعض
ابراهيم : عايز اطلب منك طلب
لينا : اتفضل
ابراهيم : مش عايز مشاكل بينك و بين يحيي
لينا : انا معملتش مشاكل هو اللي غلط فيا و كمان قال إني انا اللي سربت الصفقة مع اني مستحيل اعمل كدا
ابراهيم : انا عارف بس مش عايز مشاكل تاني ، و صدقيني انا متأكد انك عمرك ما هتعملي كدا
لينا : حاضر مش هحتك بيه خالص ، انا لازم امشي بقي عشان روح زمانها مستنية
ابراهيم : طيب استني اجي معاكي
وراحوا فيلا الدسوقي و قعدوا و بعدين انتهي اليوم
في صباح يوم جديد
ابراهيم رن علي لينا
ابراهيم : صباح الخير
لينا : صباح الفل ، عامل ايه يا هيما
ابراهيم بضحك : هو انتي مفيش في قاموسك بابا و ماما و الكلام دا
لينا : طب بذمتك مش انت سمعت بابا كتير من فهد و حمزة و أسر ، انما المميزين بس هما اللي بيفكروا برا الصندوق زيي كدا
ابراهيم : ماشي يا لينا مش هتيجي النهاردة
لينا : لا مش هينفع خالص بتوع الضرايب جايين النهاردة و لازم ابقي موجودة عشان اتأكد أن كل حاجة مظبوطة
ابراهيم : ربنا معاكي يا حبيبتي، لو حصل حاجة كلميني
لينا : اكيد سلام
و نزلت و قالت صباااح الخير
أحمد : صباح النور ايه الجمال دا
لينا : دا أقل حاجة عندي
أحمد : طب يلا عشان نلحق و لا ايه
لينا : يلا بسرررعة قبل ما نور تيجي
نور بزعيق : انا جيت يا اختي يلا ايه مش هتفطري الاول
لينا : هفطر في الشركة يلا يا احمد ، سلام و جريت برا
ووصلوا الشركة
و بعد شوية وصل مأمور الضرايب
احمد:طارق بلغ الأستاذة لينا أن مأمور الضرايب حضر
طارق : حاضر ، و راح عند لينا ، يا استاذة المأمور حضر
لينا : تمام يلا يا طارق عالميتنج روم ، ها الملفات تمام و اتراجعت صح
طارق : كل حاجة تمام و انا كمان راجعتهم ، و دخلوا
لينا : مساء الخير
يارا الشافعي ( مأمور الضرايب ) : مساء الخير
لينا بصدمة : يارا ازيك عاملة ايه
يارا : لينا الدسوقي وحشتيني
لينا : انا تمام ، من أمتي الكلام دا و مقولتليش ليه
يارا : لسه من قريب خالص و بدأنا من اسبوعين و انتم رابع شركة اجي ليها و لسه شركة السويفي كمان يومين بس انتي عارفة لازم نزولنا الشركات يبقي مفاجئ
لينا : أيوة طبعا يلا ولا ايه
و قعدوا يراجعوا الورق و بعد يوم طويل و قدروا الضرايب
يارا : انا كدا خلاص خلصت
لينا : مع أن التقدير بتاعك كبير بس انا كمان تمام
يارا : بس مقولتيش انتي لسه مخلصتيش دراسة ازاي عرفتي تعملي كل الملفات دي و ترجعيها الشغل مظبوط بالمللي
لينا : عيب عليكي احنا شغلنا كله في السليم ، اما بالنسبة للملفات فعشان انا اشتغلت من بدري و خبرات و كدا
يارا : أيوة فهمت ، انا بقي لازم امشي عشان خلااص مش قادرة
لينا : ولا أنا ، اكيد هنتقابل تاني
يارا : اكيد وودعوا بعض
لينا حاولت تكلم ابراهيم بس مش بيرد فكلمت روح
روح : لينا حبيبتي وحشتيني
لينا : وانتي كمان ، بقولك ايه هو ابراهيم مش بيرد ليه في حاجة
روح : لسه مجاش من الشركة غالبا في مشكلة في الشغل
لينا : طيب أنا هروح ليه هناك
روح : مقولتليش يحيي عمل ايه لما شاف الصور
لينا بلامبالاة: العادي قالي مش دليل و مصدقش متشغليش بالك هبقي اكلمك تاني
وصلت لينا الشركة ، وراحت علي مكتب ابراهيم
خبطت و دخلت
ابراهيم : لينا حبيبتي و قام حضنها في حاجة ولا ايه
لينا : لا بس انا كنت بكلمك و أنت مكنتش بترد
ابراهيم : مفيش بس تليفوني سايلنت عشان كان عندي اجتماع ، المهم عملتي ايه مع بتوع الضرايب
لينا : كله تمام احنا جامدين بردو
ابراهيم : طيب يا عم الجامد في ملف براجعه استني و نمشي سوا
لينا : طيب ، اه صحيح بتوع الضرايب جايين كمان يومين ليك هنا
ابراهيم : بجد ، انا كدا كدا كنت هراجع الملف بتاعهم
لينا : هات نراجعه سوا
و راجعوا الملف
لينا بعصبية: انت ازاي تمضي عالكلام دا انت و يحيي ، دا تهرب ضريبي واضح
ابراهيم : ازاي الكلام دا ، وريني كدا و بص عالملف ، و نادي السكرتيرة خلي يحيي يجي حالا
يحيي : خير يا عمي في ايه
لينا : في انكم هتتحبسوا عشان التهرب الضريبي دا و غرامة كمان ، ازاي تمضي عالملف دا
يحيي : تهرب ايه ، وريني كدا و شاف الملف
يحيي : لا يا عمي في حاجة غلط مش دا اللي انا مضيت عليه الملف التاني انا وديته لمحاسب وراجعه و أنا كمان راجعته
لينا : مش وقته الكلام دا بتوع الضرايب جايين بعد بكرة
يحيي : ايه احنا لازم نشوف محاسب بسرعة يعمل الملف و كلم المحاسبين اللي يعرفهم و محدش وافق عشان الوقت ضيق
يحيي : انا خلاص ضعت يا عمي
ابراهيم : لينا انتي اللي عملتي الملف بتاعكم تقدري تعملي دا
لينا :.........
ياتري لينا هتوافق ولا هترفض
اتمني البارت يعجبكم 💜💜
أنت تقرأ
أحبها و انتهي الأمر
عاطفيةهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
