The Hided Love In Imperial Harem [ Rebirth ]

အခန်း ၁၉

Unicode

အနောက်ဆောင်ကြီးသည်မငြိမ်စဖူးငြိမ်သက်နေသည်က ၁ လကျော်ကြာသွားပြီဖြစ်သည်။ သို့သော်
မုန်းတိုင်းမလာခင်ငြိမ်သက်နေသလို ကြောက်မက်ဖွယ်ကောင်းလှသည်။

ထို ၁ လအတွင်း မယ်တော်ကြီးသည် ဘုန်းကြီးကျောင်းတွင်ဝတ်ပြုရန် ထွက်သွားသဖြင့်
အနောက်ဆောင်တွင် ရာထူးအကြီးဆုံးဖြစ်သည့်
ယဲ့ရှုဖေးနဒ့ စုန့်တဲဖေး သည် အားလုံး၏ အာရုံစိုက်ခြင်းကို ခံရပြီး ယဲ့ရှုဖေးသည် သိုဝှက်၍နေနေသည့် တစ်ဖက်တွင် စုန့်တဲ့ဖေးသည် ထောင်လွှားပြီး ဧကရီတစ်ပါးလို အနောက်ဆောင်၏သခင်လို ပြုမူနေတော့သည်။

သို့သော် အရှင်မင်းကြီးသည် နာမကျန်းဖြစ်နေသည်ဟု ကြားထားရသည့် ကွေ့ဖင် ၏ အဆောင်နှင့်
ကျန်းဖင် ၏ အဆောင်မှအပ ဖေးမိဖုရားများအဆောင်ကိုမကြွပေ။

" သခင်လေး ဆေးသောက်ဖို့အချိန်ပါ "

ကွေ့ကျောက်ဟွား ခါးသက်နေသည့်ဆေးကိုမြိုချပြီး
သမားတော်ကိုလက်ထုတ်ပေးလိုက်သည်။ စွန်းဟုန် ပိုးပဝါဖြူကိုခံပြီး စတင်စစ်ဆေးလိုက်သည်။

အရှင်မင်းကြီးသည်ဘဏ္ဍာတိုက်မှဆေးပင်များကိုပင်အသုံးပြုပြီး ကွေ့ဖင်နှင့် နန်းသွေးလောင်းလျာကို ကျန်းမာစွာ မွေးဖွားနိုင်စေရန် ကြိုးစားနေသဖြင့်ဘုရင်ကို တစ်ဦးအနေဖြင့် အလိုက်အကဲသိစွာ
ကွေ့ဖင်အား ပညာကုန်သုံး၍ ကုသပေးနေခြင်းဖြစ်သည်။

ကွေ့ကျောက်ဟွား ခပ်ပူပူလေးထွက်နေသည့် ဗိုက်ကို စမ်းကြည့်ပြီး ပြုံးလိုက်သည်။ ၄လနီးပါးဖြစ်နေသည့် ဗိုက်သည် သာမန်ထပ်ပိုကြီးနေသဖြင့် သမားတော်သည် အမြွှာဖြစ်နိုင်သည်ဟုဆိုလာသည်။ ကျောက်ဟွား စိတ်ကျေနပ်စွာ ပြုံးလိုက်သည်။

မင်းသားဖြစ်ရမည်၊ မင်းသမီးဖြစ်ရမည် ဟူသည့် ရည်မှန်းချက်မျိုးသူ့အတွက်မရှိပါ ၊ သို့သော် မင်းသားတစ်ပါးကိုမွေးနိုင်ခဲ့ရင် သူကိုယ်တိုင်ရော
သူ့သားပါအန္တရာယ်များကြုံလာနိုင်သဖြင့် အနည်းငယ်တွန့်ဆုတ်နေသည်။ သို့သော် မင်းကြီးထံမှ ဆေးပင်များ၊ ဆေးလုံးများကျေးဇူးကြောင့်
ကလေးသည်ကျန်းမာသန်စွမ်းစွာမွေးရန် ရာခိုင်နှုန်းများလာ၏။