၂၀၁၄ ဒီဇင်ဘာ ၁၅ ။
ဒီဇင်ဘာ၏ ဆောင်းကား မြောက်လေ သွဲ့သွဲ့နှင့်အတူ ကျွန်မ၏ ဆံသားများအား ရှုပ်ပွအောင် လေပြေလေးများဖြင့် ကျီစယ်သွား၏။ ထိုလေများနှင့်အတူ ကျွန်မ၏ နှုတ်ခမ်းသားများမှ အပြုံးပန်းတစ်ပွင့် ရှိခဲ့ပြီး ကျွန်မ အအေးဓါတ်က်ို အံတုနေလိုက်သည် ။
"ကောင်မလေး ရှိန်းခေါင် သွားမှာဆို တရုတ်ကနေ ဝင်တာ အဆင်ပြေမယ်နော် ၊ ကန်ပိုက်တီကနေ တရုတ်ပြည်မှာ ကားစီးပြီး ဟိုဘက်ဆက်သွား ။ တစ်ကြောထဲပဲ "
ဦးကျော်ဌေး ပြောသော ထိုစကားလုံးများပင် ကျွန်မ၏ အတွေးစများ၌ ရှိလာခဲ့ပြီး ကျွန်မ ဒီခရီးကို ရွေးချယ်လိုက်ရျ် အဆင်မပြေဖြစ်သည်ကို တွေစခြင်းများစွာဖြင့် တွေးစနေမိပြန်သည်။
ထိုအခါတုန်းက ကျွန်မဟာ တည်ငြိမ်စွာရှိနေရင်းနှင့် ဦးကျော်ဌေး၏ အကြံပေးချက်ကို စကားတစ်ခွန်းနှင့် ငြင်းခဲ့သည်။
" ကျွန်မ စွန့်စွန့်စားစား သွားချင်တာမလို့ ဦးကျော်ဌေး စကားကို စိတ်မကောင်းစွာနှင့် ငြင်းပါရစေ"
ဦးကျော်ဌေးဆ်ိုတာ အခြားသူတော့ မဟုတ်။
ကျွန်မ၏ စွန့်စားခြင်း ခရီးကို အစ ၊အဆုံး ကူညီပေးမည့် သူ ၊ ဖေဖေ၏ မိတ်ဆွေ ခရီးသွားအေဂျင်စီ တည်ထောင်ထားသူတစ်ဦး ဖြစ်သည်။
"ငွေလှိုင်း ၊ နင်ဆိုရင်ရော ဒီလို အတွေးမျိုး ဝင်မလား ။ နင်ဆိုရင်တော့ ဝင်မယ်လို့ ငါမထင်ဘူး ၊
နင်က adventure (စွန့်စားသူ)သမားလေ ။"
ကျွန်မ၏ နှုတ်မှ ထိုစကားလုံးများ ဖြစ်တည်ရင်း
ကျွန်မ၏ ခြေလျှင်ခရီးကို လမ်းပြ၏ ခေါ်ဆောင်ရာအတိုင်း လျှောက်နေလိုက်သည်။
"ကောင်မလေး ခေါင်လန်ဖူး ရောက်ပြီ ။
ဇန်ဟေ့ အထိ ဆိုင်ကယ်လမ်း ရှိတယ် ၊
ဆိုင်ကယ်နဲ့သွားမလား "
"ခြေလျှင် လမ်းရော ရှိလား ဦးကြီး ။
ကျွန်မ ခြေလျှင် လမ်းကို ပိုစိတ်ဝင်စားလို့ "
ထိုအခါ လမ်းပြဦးကြီး၏ မျက်နှာ သိသိသာသာကို အံဩရိပ်သန်းလာပြီး
"ငွေတတ်နိုင်ရဲ့သားနဲ့ ခြေလျှင်လမ်းကို ရွေးတာ မင်း တစ်ယောက်ထဲပဲ တွေ့ဖူးသေးတယ် ၊
ကလေးမ ။ ခြေလျှင်လမ်းဆိုရင်တော့ ကလေးမ ခေါင်လန်ဖူးကနေ ရှိန်းခေါင်ရောက်အောင်
ငါးရက်လောက် အချိန်ဖင့်မှာပဲ ။ ခေါင်လန်ဖူးကနေ ဇန်ဟေ့ထိဆို နှစ်ရက်အိပ် သုံးည သွားရအုံးမှာ ၊ ဒါတောင် ဟိုဘက် ဆက်ရမှာတွေ မပါသေးဘူးနော် ။ ခြေလျှင်ဆိုတော့လည်း ခြေလျှင်ပေါ့ ၊ ကဲ --! ဒါဆို ဒီမှာ တစ်ည နားတာပေါ့ "
YOU ARE READING
"မီးအိမ်ရှင်မလေး ---!" (complete)
De Todoကချင်ပြည်နယ် မြောက်ဖျားပိုင်းက ရှိန်းခေါင်ဟု အမည်တွင်သော ရွာလေးကို ဇာတ်အိမ်တည်ထားပါတယ် ။ ( ပုံလေးသည် pinterestမှ ယူသုံးထားခြင်း ဖြစ်သည့်အတွက် crdအပြည့်အဝ ပေးပါသည် ။) ကခ်င္ျပည္နယ္ ေျမာက္ဖ်ားပိုင္းက ရိွန္းေခါင္ဟု အမည္တြင္ေသာ ရြာေလးကို ဇာတ္အိမ္တည္ထာ...
