شَاهَيَنَةٍُةٍُ نَذرَ ۦٰ ͢˓الَحَوًّاافَيَ🕊 - ⁽💜
..البارت 28..
elma-98
الوحدة يد باردة ، الأغنيات جيوب ..
هز راسه الها..
رسُل : احجي شي الخاطر الله
منتظر : رسُل كلتيها قضيتي ماأگدر اتنازل
هزت راسها بخيبة : مشكوريين سمعتونا
طلعوا غمضت عيوني بقهر
نظر : شنسوي؟
منتظر : مابيدي شي
كلثوم : حالياً انتوا مو وحدكم مثل قبل وياكم اختكم واني فكروا ضعف خوش وبالنسبة الي ماأسحب خاف الكم نية وتأثرتوا بخوتكم وايامكم
قطر : مثل مگالت ماما اي قرار تاخذونه يأثر علينا كلنا لأن صرنا
اربعة مو اثنين وحدكم فهمتوا؟
منتظر : ماتغيير شي ماأسحب وحتى لو مراح يطلع من السجن لأن
انتم هم رافعين من طرفكم وهواي حجي ماألنا فايدة منه
.. مسح ع راسي
منتظر : لاتفكرين زايد العلينا سووينا
نظر : هو هيج ..تصبحون ع خير
: وانتِ من اهله
دخلت للغرفة ايدي ع راسي شلون يربي تعبت حَيل كعدت ع سرير
ندك الباب
نظر : تفضل..دخلت "كلثوم"
كلثوم : الج خلك نحجي
نظر : اكيد تفضلي
..كعدت بصفي ولزمت ايدي بكل حنان
كلثوم : شوفي بنيتي الدتعيشوا صعب مقدرة هالشي والحياة الجديدة البديتوها وياي دتأثر عليكم وحقكم ع راسي بَس لاتنسون هو حرمكم مني وحرمني منكم خان ابوكم الجان مأمن بيه كلشي سووا حرام اني مو وحدي عانيت اكتشفت انتوا هم عانيتوا ..مسحت ع وجهي ..سمعت ع نظام الي متعبج وخلاج بهالجدية سمعت عن معاناتكم بطفولتكم من منتظر عرفت كلشي ..باست ايدي..اسفة يروح امج ع مريتي بيه
نظر بجيي : عادي يعني تعودنا اعرف الهذا السبب اني هم منعت منتظر يسحب الدعوة بعد مجانت اله نية فترة ويسحبها يعني قبل لاندري انتِ هم رافعة دعوة
كلثوم : طمعهم خرب حياة اولادهم هم هسة منو فلح هو؟ ..هذاك نايم متختخ بالسجن ونجلط..صبرية؟ معلولة تنتظر خبر عنه لو ولدهم المساكين طاحو بيها وهمَ لاألهم ولا عليهم عاشوا بمال حرام وهسة نحرموا منه بسبب افعاله هاي بنته تطلك منو وياها المسكينة
رفعت راسي : رسُل تطلك؟!
كلثوم : سمعت عدها مشاكل وي زوجها
نظر : شمدريج منين سمعتي؟
كلثوم : مو من احد ..اجت تحلل للحمل يمنا وحجت وي صاحبتها
نظر : ايي؟
كلثوم : متگدر حتى لو تريد طلعت حامل
شهگت : عززا
كلثوم : الله يعوضها بطفلها
نظر : آميين يارب استغفرالله راح كلشي منها
كلثوم : شلون؟
نظر : هو اقصد من ناحية زواجها مرتاحت بيه وابوها وهيج ..
كلثوم : خوش اجيت اكلج حتى لاتفكرين ارتاحي
أبتسمت : الله يريحك ..رجعت شعري لورا اذني
كلثوم : مرتاحة وي ليث ؟
..هزيت راسي بصمت
كلثوم : كلشي الا السكتة ع مو زين
نظر : الحمدلله دنتأقلم ع بعض
كلثوم : خوش إذا هيچ
نظر : وخاصة وكفته بهذه المحنة اكبر سبب لأطمئناني وياه
كلثوم : شلون ؟
نظر : الرجال الي اهتم بيه اني واخوية ولافكر يأذيني بهيج وقت واني خطيبته كلشي يسوي علمود راحتي من اصير زوجته
أبتسمت كلثوم : الرجال بفعله صدك ..إن شاءالله ظنونج صح ..
تصبحين ع خير
نظر : وانتِ من اهله
أنت تقرأ
شاهينة نذر الحوافي
De Todoانا الشاهِينَة التي تَبحث عَن حُريتها.. عَصفت بي الأقدار مِن كف إلى كف و لا كف يرحم كل مَن يراني يريد كسر اجنحتي.. هل سأقاوم واستمر في الطيران ام ستنكسر؟ اجنحتي ع يد الظلام مانعين الحُرية :شاهينةة منوو محاول يكسر جناحاتچ
