♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:1
"شاد فيدك تحسيه حاكمها وكأنه خايفك تهربيلو من بين صبيعاتو....خطوتو على خطوتك فدروب الضلام والمطر مسرسب قطراتو ....بابتسامتو الخفيفة ينسيك فهزات قلبك وتسارع دقاتو .....كليمة زوينة نضرة تقيلة وبزاااف دالمشاعر مامسموعينش تايتقالو غير بتصرفاتو ....هادا هو الحب بحد ذاتو....!!"
رمشات شفرانها بهدووء مستيقضة من سهوتها ...تأملاتها بلطف وهي رافعة نضرات عيونها البنية للسمااا... قطرات المطر تتسابق على بشرتها اللامعة.. شعرها البني الطويل مسندل للوراء بتقل الماا ...ابتاسمات تدريجياا من جمالهاا وجمال اسلوبها وتفكيرها ثم نطقات بصوت هاذئ شبه مسموع
****:سهيت وانا كانسمع ليك...كاتضلي الوقت كله ساكتة وكي تاتهضري ماتاتخلي للكلام كلام،متأكدة غايجي نهار وتعيشي هاد القصة الرايئة فالحب ..ودابااا خلينا نحيدو من تحت الشتا غايضربنا البرد...ونمشيو نيت راه تأخر الوقت
ردت برواء: نتي خودي طاكسي ...انا باغا نتمشاا شوية
****(بهلع): لا ماتقوليش ليا غاتمشي على رجليك فهاد الجو المغتم والشتا خيط من السمااا ؟؟
****:ماقلتهاش...عرفتيها بوحدك ...!!
لمعان الأرض بالشتاا وأوراق الشجر المفتفتة مزينة طريقها ...صوت خطواتها مامسموعش من رطوبة حذائها وتبلل ثيابها ... طافت ريحت التراب كي يدوق مياه المطر الغريز من جناب أنفها ...وهي من عشاق هاد الرائحة اللتي لا مثيل لها ...غلقات عويناتها مستنشقاها بهذوء وبنفس الهذوء فتحاتهم الى أن توقفت أرجلها وتوقف نبض قلبها ....!
زهق صوت الخلعة من بين شفايفها بلا مايشاورها ....رفدات يدها حاطاها على صدرها و تسوخرات ببضع خطوات للوراء متبتة نضرها فالشخص لي قدامهااا.
هو جر خطوة للأمام مقرب ليها وهي طلعات حالتو ونزلاتها بعينيها محللة اي نوع من الناس ممكن يكون .
كان شخص بملامح سودااء ..شعره اسود بتحسينة شبابية مدلي بعضه على جبهتو والباقي للجنب...بتريكو اسود كول ساتر عنقه توبو سلاسي، مصوف، ومونطووو طويل من نفس التوب ونفس اللون،مع كاط طالع .... كان شخص لابساه النقاوة ولابس السخاوة...ريحتووو الرايفة سابقاه وفخامتو عاكسااه ....غير مضهره الخارجي تايبين أي نوع من الناس هو..
خف همها وارتاح خاطرها كي استنتجات انه ماشي اي شخص...من لباسو تايبان شخص ماينخافش من طرفو...ابتاسمات بالمهل مواجهة نضراتها لنضراتو قبل ماتنطق براحة.
***:كانعتادر... كانضن قطعت طريقك بلا مانرد ليك البال ....[سكتات شوية]....ءء الحال مضلم و كنت ساهية مع الجو .
وللات حدرات عينيها كي لقاتو ماجاوبهاش ...ململات نضراتها فجنابها متهربة من الجو المحرج مستنياه يعدرها ...كايبان ليها مرتابك باغي ينطق وماباغيش...كأنه مرعوب من الموقف أو من شيء آخر....ثم رجعات نطقات من جديد
***:اذن...كمل طريقك...كانعتادر مرة خراا
قبل ماتململ من حداه طلع صوت هاذئ وفنفس الوقت قوي من حلقووو ...
***:نتي طبيبة؟؟
وقفات للحضة مستوعبة سؤاله وبهدوء ادارت رأسها مجاوباه
***:اه...علاش هاد السؤال؟
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
Action▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
