♛_زوجــة الـقـائــد_♛
✦•وإنـي بــشـموخـك وصـرامــتـك سيــدي الـقـائد قد ثمــلت عـشــقا•✦
Prt:8
زاد خطوتين لعندها وهي تراجعات تاليتين للوراء ولكن كان قربهم فتيل يفرقهم شبر والقليل...حط بؤبؤ عينيه الأخضر الغامض كعتمة الليل ف فنضراتها المرعوبة ...تحسست مسامعه صوت انفاسها المتصاعدة وصدرها تايطلع وينزل قدامه ...لاحض شدة خوفها منه وعدم قدرتها فتثبيت نضراتها عليه ثم نطق بصوت خفيف شبه مهموس ضربت حرارة انفاسه على ملمس بشرة وجههها وغلقت جفونها مستمعة لكلامه
****:ماعنديش مشكل ...ماكانساومش الرخيص ...وماعزيزش عليا الفابور.
كاينين جوج حوايج تايثيرو اعصابي ويهزو من غضبي ...[كثرة الفضول ...وكثرة القول.]خليك مطيعة ادكتورة ...كيفما دخلتك للمنطقة نقدر نخرجك ...وكيفما قادر نبقي على حياتك...بكل بساطة نقدر ننهيها .
حاساه يخمم للحرف قبل مايطلعو ،كلمة ورا ختها موزونة ومتقونة...ثابت الشخصية وصارم العقلية وتايق فهضرتو وقدراتو ....ثقبت نضرها فيه بحدة وحاولات تتعاصا فالرد وماتخضعش لتهديداتو ...تبسمات على جنب بشكل استهزائي وبعدات عليه بخطوة قبل ردها بقسوة .
****: بكل ثقة وبلا رحمة أو شفقة تاتوصل ليا الفكرة الأخيرة لحياتي؟
استغرب من جرأتها فالرد وتماطلها فالعناد وهي كاتحاول تسايرو على قد مستواه ثم نطق
****:وراضي بحقارتي.
ثاني رد سميم ينطق به وماتايخليلها فين تزيد بكبريائها وغرورها ....جاب التمام لتعافيرها وتناقيرها وحدهم ليها....بالرغم من لطافتها وطيبة قلبها وثقتها وهدوء شخصيتها الى انها قوية و بطبعها لا تستسلم وتخضع بسهولة ...حادة التفكير ،عنيدة وراسها قصح منها ...ولكن فهاد الحالة ماعندها فين ترمي رجليها ...تعالات معاه وتماشات مع صلابة شخصيتو وقساوة كلماتو وحاولات تتقاد معاه فمكانتو .. ولكن العالي يبقا عالي والمرتفعات مرعبة احيانا ....لهاذا هدءت من كيدها وروءت من خوفها ورجعات علات فيه عينيها بقولها .
****:واش يصحابلك انا فموقف يستاهل نكون فيه مطيعة؟...بسبب طيبتي نقدت حياة انسان وغايكون هو السبب فنهاية حياتي ...الإنصاف خدا مجرى ثاني والعدل فحقي كان اناني ...حتى أنا بغيت نخرج من هنا بهذوء وسلام كيفما دخلت بهذوء لتحقيق السلام.....خليني نمشي فحالي الله يخليك...!!
تعابيرو مالت للحنية وملامحو البغيضة تلاشت شوية ...تسوخر اللور ونطق بجريدة طويلة بعض الشيء غيرت لون الموقف وزرعت الأمل فقلب الدكتورة الجريئة
****:الجو مخنوق فالمنطقة الجيش مشدد الحماية ..من هنا ل 3 أيام غاينقص التجوال اللليلي والمراقبة الرادارية وتما غانلقاو ليك حل تخرجي بيه من هنااا بسرية ...فالوقت الراهن خليك غير هنا و ماتعتبيش باب الدار لبرا....ماخاص تاواحد يعرف بوجودك وإلا غانطيحو فمشاكل لا تعد ولا تحصى ..بلا ماتحاولي ديري شي تصرف صبياني وخليك عقلانية ادكتورة .
✦•مـــلاك هـــانســل ✦•
أنت تقرأ
♛ زوجــة الـقـائــد ♛ ملاك هانسل ( الدراجة المغربية )
حركة (أكشن)▪#زوجــة_الـقـائــد▪ بأنِأّمًلَ:مًـــلاکْ هّـانســـِـلَ 🍂وإني بشموخك وصرامتك سيدي القائد قد ثملت عشقا🍂 قـالت "سـأكون وطـنـك " فـرد"الأوطــان تـحـتل" •عن قائد في الجيش ...ثابت الشخصية وصارم العقلية...حضوره جنازة وغيابه مجاري دموي...
