Lunes...
Alas syete na papasok na naman
Sa gilid ng kalsada'y doo'y magaantay
Ng jeep na magdadala sa akin sa patutunguhan
Ngunit badtrip ang dami kong kasabay!
Bakit ba kasi 1:60 ang ratio ng jeep sa pasahero
Hindi sana sasakit ang aming mga ulo
Sa di kalayuan may jeep ng paparating
Sa wakas, ako (at sila) ay makakasakay din
Buti na lang at sa akin ay tumapat
Isang hakbang lang at ako na'y makakaapak
Sa gara-garang jeep, puwet ko ay makakalapat
Parang katapusan na ng mundo,lahat ay nag-unahan
Tulak dito, tulak doon, siksik dito, siksik dun..
Buti na lang ako ay nakapag-almusal
Ng konting tinapay na hotdog ang palaman
Sa kamalasan ako ay naunahan
Ng isang lalaking malaki ang katawan.
Salamat sa Diyos at ako ay nakasakay na
Malas nga lang sa aking nakatabi
Isang matandang babae na may amoy na matindi
Di ko na lang pinansin hanggang ang jeep ay umariba
Pinagmasdan ko lahat ang aking mga kasabay
Ang iba'y masaya,ang iba'y matamlay
Sa bandang unahan ay aking napansin
Isang babaeng maganda at mukhang mahinhin
Pinaganda pa lalo dahil sa kanyang make-up
Mamula-mulang pisngi tulad ng ketchup
Ngunit aking napansin ang mata niya'y malamlam
Parang may kalungkutan siyang dinadamdam
Sana kahit isang saglit siya'y makita kong ngumiti
Ngiti na magmutawi sa kanyang manipis na labi..
Sa aking tapat naman isang lalaking gagalangin
Suot na uniporme, propesyonal sa unang tingin
Makinis ang balat at mukhang mestisuhin
Ngunit ng ito'y magsalita ako'y biglang napailing
Boses babae ang loko, taenga ko'y natuliling
Bakla pala si sir at ako'y lihim na natawa
Gwapo pa naman, yun pala'y isang fafa. whew!
"Bayad po!" sambit ko sa matandang drayber
Sabay abot ko sa mama sa aking unahan
Na dalawang taong pagitan sa aking kinauupuan.
Eto naman isa kanina ko pa napapansin
Di pa nagbabayad ang lalaking patpatin
Nagtutulog-tulogan hanggang makarating
Di ba siya naaawa sa pobreng drayber?
Na sa konting barya lang, maagang nagigising
Upang sa pamilya'y makapagpadala kahit burger.
Sari-saring pasahero, sari-saring pagkatao
May babae, may lalaki, dalaga, binata't matanda
Ano kaya ang kanilang mga iniisip?
Masaya ba ang kanilang mga pamilya?
Ang iba'y may kausap, ang iba'y nakaidlip
May naghihikab, may nagtetext, may nabibilang hanggang sampu
May maganda, may pangit at may hitsurang pwede na
May mataba, may payat, mayroong may kargang bata
Ang iba'y maamo ang mukha, ang iba ay galit
Dahil sa bagal ng jeep na bumibilis ng pilit
Hay, konting tiis na lang makakarating na din
Sa aming kanya-kanyang patutunguhan
Isang kanto na lang ang aming iikotan
At isang malutong na "Para!" ang aming sasabihin
Sa tabi na lang at kami'y bababa na
Sa wakas mahihiwalay na ako sa aking katabi
Sa matandang babae na may amoy na matindi
Tapos na ang tulakan at siksikan...
Anak ng...Di pa pla, my LRT pang sasakyan.
Panibagong tagisan ng lakas at ng kakayahan
Tulad ng nangyari sa jeep na nilulan..
Parang hamon lang ng buhay na dapat labanan
Dahil kung hindi makakaya ika'y mapagiiwanan..
