_اي رايك يا رحيم في البنطلون ده؟!
_جميل بس لو واسع سيكا هيبقى اجمل
_بجد؟!
_بجد
_طب خلاص هجرب الواسع
_________
_عندك حق طلع جميل اوي
_شوفتي بقى
_طب البس عليه السويت شيرت ده؟!
_عارفة لو اوڤر سايز هيبقى جامد
_انا عارفه انت لي بتقولي كده بس حاضر هلبسه اوڤر سايز
_________
_زينه م تقومي تنامي بقى
_لا انا عاوزة افضل نايمه على كتفك كده واتفرج على التليفزيون
_الوقت أتأخر يحبيبتي
_انت عاوز تنام؟!
_لا
_يبقى خلاص اي المشكلة بقى لما افضل سهرانه
_خلاص براحتك يحبيبتي
_انا عاوزة ايس كريم حالا
_دلوقتي ؟
_ايوه دلوقتي
_انتِ عارفة الساعة كام؟!
_لسه بدرى يحبيبي
_بدرى اي الساعة 3 الفجر
_طب انا عاوزة ايس كريم
_اي أنتِ هتعيطي خلاص هروح اجيبلك وامري لله
_بحبك
_______________
_رحيم انا زعلانه اوي
_لي بس يحبيبتي
_علشان انا مش زي باقي البنات
_ازاي يعني؟!
_يعني مش بعرف اطبخ لجوزي خالص
_واي المشكلة يعني
_مشكلة طبعا انت متجوز واحده مش بتعرف تتطبخ
_واي المشكلة؟
_انت كل حاجة عندك اي المشكله؟!
_يحبيبتي هو انا جيت واشتكيتلك وقولتلك أنتِ مش بتعرفي تطبخي
_يعني انت مش هتزهق مني علشان مش بعرف اعملك الاكل ال بتحبه؟
_لا يحبيبتي
_____________
__ بكره خطوبة صاحبتي ومش عارفه البس اي
_تعالي ونروح نشترى احلى فستان ولا تزعلي
_اي ده بجد؟
_ايوه طبعا بجد
_________
_الله يا رحيم الفستان ده حلو اوي
_لا يحبيبتي ده ضيق عليكي خالص
_ده فرح يا رحيم والكل بيلبس كده
_هل لما نيجي نقف قدام ربنا هنقوله معلش يا الله اصل الكل بيلبس كده
_لا طبعا
_يبقى خلاص نشوف فستان تاني
_حاضر
__________
_رحيم طلقني
_هششش روحي العبي بعيد
_طلقني يا رحيم
_يا بنتي سيبيني بقى اسمع الماتش
_اي ده ده ماتش للزمالك
_ايوه تعالي اتفرجي معايا انتِ بتحبي شيكابالا
_ايوه ايوه ده اسطورة يبني
_ولا عبدالشافي بقى! جبار
_اي ده يحكم المفروض فاول صح يا رحيم؟!
_لا ده المفروض طرد مباشر ازاي الحكم ساب حاجه زي دي
_اللعب كمل عادي والحكم معملش حاجه
_يلا يلا يا زيزو
_هيييييييه جووووول
_ياريت الجول جه من بدرى علشان الحضن البرئ ده
_اي ده،ايوه صح طلقني
_يخربيت نكدك يشيخه
_انا نكدية؟!
_لا لا مش قصدي ده أنتِ ست البنات كلهم
_طب طلقني
_اهو الماتش خلص اهو والنكد مش عاوز يخلص
_ايوه يعني انا نكدية اهو؟!
_اي ال انا بقوله ده،انا ببوظ الدنيا اكتر م هي بايظه
_طب طلقني يا رحيم
_كل ده علشان مش بتخلفي يا زينة
زينة بحزن: كده مش هعرف اجيبلك بنوته او ولد عسل زيك كده ويقولك يا بابا
_م انتِ بنتي وحبيبتي ومراتي يا زينة
_لا انت بس شفقان عليا
_طب بصي في عيني كده،هل عيوني بتقولك ان انا شفقان عليكي،ولا بتقولك بحبك ومقدرش استغنى عنك
_بتقول بتحبني ومتقدرش تستغني عني
_يبقى خلاص عاوزك متقوليش كلمة طلقني دي تاني
_يعني مش هتيجي في يوم وتقولي هتجوز واحده تانيه غيرك زي م بيحصل في الافلام؟
_اتجوز واحده تانيه لي يا هبله وانا عندي ست البنات كلهم
_بحبك
_وانا بحبك
"دمتِ لـِي زِينة اُزين بِـهاَ وجْهي حـِيِن اُشيِب"
لــ شيماء كمال
