_مبقتش قادرة اكمل جري يا أحمد
_معلشِ م هو لازم تجري المسافة دي كلها
سندت ايدي على الحائط ال جمبي وبحاول استوعب قد اي انا حمل تقيل على خطيبي اوي كده
__احمد بجد انا مبقتش قادرة
__اعمل اي يعني يا حور م انتِ ال تخينه ف لازم تعملي شوية رياضة علشان تخسي
__م انا عارفة ان انا تخينه يا احمد مش محتاجة انك تفكرني ب كده يعني بس والله بحاول كتير وانا تعبت
_حور انا مبقتش قادر استحمل شكلك ده بجد
_طب اي ال خلاك تيجي وتتقدملى وتخطبني يا أحمد طالما انت مش قابل شكلي ده
_غلطة يا حور كانت غلطة وكنت بحاول اصلحها اهو واساعدك بس انتِ ال مش عاوزة تقبلي ده
_والله كنت بحاول اخس واعمل دايت واروح الچيم بس مغيش نتيجة بتحصل،وبعدين حتى لو عاوز تساعدني تساعدني بطريقة محسش بيها انك كارهني اوي كده
_بصي يا حور انا خلاص زهقت بجد،خايف اتجوزك واجيب عيال بنفس وزنك ده
_اتفضل دبلتك اهي يا أحمد،وحقيقي كل كلمة قولتهالى هتتردلك
________________
_مالك يحبيبتي قاعدة لي كده ومش بتتكلمي
حكيت لها كل ما حدث
_انا من الاول مكنتش مرتاحاله اصلا وكويس انك عملتي كده وحافظتي على كرامتك
_الحمد لله يا ماما
_متزعليش يا حبيبتي كويس انك اكتشفتي شخصيته قبل ما تتجوزوا
__________
_انا شوفت بنت حلوة اوي وعاوز اتجوزها
_حلوة اوي يعني تستاهل قلبك يا أحمد؟!
_ايوه يا ماما دي تتاكل اكل
_طالما كده انت مستني اي بقى
_خلاص هنروح نتقدملها بكره اي رايك
_طيب انا معاك ف اي حاجة
_______
_بس انا يا ماما مش عاوزة اتجوز دلوقتي خالص
_يا حور يبنتي انتي بقالك 8 شهور بترفضي اي حد بيجيلك من وقت م ال اسمه أحمد زفت ده سابك
_انا ال سيبته يا ماما مش هو ال سابني
_طيب يا حبيبتي، اقعدي مع ال جاي ده ولو مارتحتيش ليه ارفضيه على طول
_ماشي يا ماما
___________
_احلى حاجة ان فترة الخطوبة مش كبيرة
_ايوه صح عندك حق انا مش برتاح لما فترة الخطوبة تبقى كبيرة كده
_بس اي رايك اختيارى حلو صح؟
_من امته وأحمد ابني بيبقى اختياره مش حلو،هي مره واحده بس ال اختارت فيها غلط والحمد لله صلحت الغلطة دي
__________
__اي رايك في حمزة بقى الفترة دي
_محترم جدا يا ماما والله وحقيقي ربنا عوضني بيه
_طب الحمد لله يحبيبتي
________
بارك الله لكما وبارك عليكما وجمع بينكما في خير
__
_نورتي بيتك يا عروسه
_تسلم يا أحمد بجد انت لطيف اوي
_هو انتِ لسه شوفتي حاجة ده انا لطيف ولطيف ولطيف
_نعم!!
_اتفضلي اتفضلي
_______
_طالعة قمر صح يا ماما
_ده قمرين مش قمر واحد يا حبيبت ماما
_____
بارك الله لكما وبارك عليكما وجمع بينكما في خير
__
_اتفضلي يا حور نورتي بيتك الجديد
_تسلم يارب
_هتفضلي واقفه كده،اشيلك طيب ولا اي
_لا لا هدخل اهو
___________
_يوووه بقى اي الشغلانه دي بقى بقالي سنتين متجوزك ومستني جملة انا حامل يا أحمد
_يا احمد م انا كل م اقولك تعالي نكشف تقولي لا،انت خايف ل يكون العيب فيك ولا اي
_انا؟! لسانك ده لو لفظ اي لفظ مش عاجبني تاني انا هقطعهولك
_طب ما تسمع كلامي وتعالي نكشف ونرتاح
_ماشي يا زينة
_________
_حمزة
_ايوه يا حبيبتي
_بقالي سنتين عاوزة أسألك سؤال بس مترددة اوي
_سنتين؟! لا اسألي عادي
_لي قررت تتجوزني انا بالذات
_ازاي يعني مش فاهم
_يعني انا تخينه اوي وكمان بعد م ولدت سلمى تخنت اكتر وبردو مستحملني
_يا حبيبتي هل انا جيت في يوم واشتكيتلك؟
_م هو علشان مجبتش واشتكيتلي ف زاد فضولي ان انا اعرف
_بصي يا حور تخينه مش تخينه دي حاجة مقدرتش تمنع حبي ليكي
_يعني اي؟! بس انت مكنتش بتحبني غير بعد م اتجوزت
_ومين قالك كده؟
_قصدك اي
_قصدي ان انتِ اول واحده واخر واحده عيني شافتها وحبيتها كنت على طول بشوفك في الجامعة وقولت هي دي مراتي خلاص،ووقتها كنت جاي اتقدملك بس عرفت انك اتخطبتي واول م عرفت ان محلصش نصيب قررت اجي اتقدملك
_بجد؟! يعني انت كنت بتحبني
_ايوه كنت بحبك وحبي ليكي بيزيد كل يوم بس اقولك على حاجة
_اه طبعا قول
_ الكلام ال هقوله ليكي دلوقتي مش قصدي بيه اي حاجة وحشه، عاوزك تتشجعي كده وتحاولي تخسي شويه علشان والله ده غلط عليكي انتِ وانا خايف عليكي
لما سمعت كلامة وكمية اللطافة ال ف كلامة وعامل حساب اي كلمة قبل م يقولها ليا ويجرحني وحقيقي تشجيعة ليا اداني دافع قوي ان انا احل مشكلة وزني
________
_طلقني يا يا أحمد
_يا زينة والله دي حاجة مش بايدي
_ماليش دعوة طلقني، طول الفترة دي كلها وانت محسسني ان انا فيا مشكلة علشان مبخلفش وانت ال طلعت عقيم
_يا زينه افهميني انا بحبك
_برضو ماليش دعوة انا عاوزة اطلق،عاوزة ابقى أم عاوزة اسمع كلمة ماما
_طب وانا؟!
_دي مشكلتك بقى حلها مع نفسك،المهم تطلقني دلوقتي بدل م اروح قسم الشرطة واعملك قضية
_انتِ طالق يا زينه،وورقتك هتوصلك عند بيت اهلك
_شكرا اوي
_______
_حمزة انا تعبت اوي
_طب خلاص اقعدي ارتاحي شويه وبعدين كملي مشي
_حاضر،هرتاح بس شويه واكمل مشي على المشاية الحلوة دي،بجد حلوة اوي اول مره اجربها
_________
_بقيت وحيد يماما ومفيش اي واحده هتقبل تتجوزني لو عرفت ان انا عقيم
_متقولش كده يبني
_اومال اقول اي يا أمي انا اول م عرفت ان انا عقيم م جاش في بالي غير جملة واحده
_جملة اي
_يوم ما كنت خاطب حور قولتلها جملة ودلوقتي حسيت بيها
" خايف اتجوزك واجيب عيال بنفس وزنك ده" ودلوقتي ولا هقدر اجيب حتى عيل افرح بيه في الدنيا دي ولا عمري هسمع كلمة بابا
_______
_عارف يا حمزة بجد انا ارتاحت اوي لما وزني قل اوي عن الاول وبقى شكلي طبيعي
_انا ال مبسوط علشان شايفك مبسوطة كده
_شكرا على دعمك ليا طول الوقت شكرا على كل كلمة حلوه قولتلهالي ،انا بحبك اوي بجد
_وانا بحبك
"مـنْ يُحبك يَتقبلك كـَما انت"
لـ شيماء كمال
