_ انا بحبك اوي يا حور لي عاوزه تسيبيني
_وانا مش بحبك يا علي
على:لا انتِ كدابة أنتِ بتحبيني وانتِ قولتيلى قبل كده انك بتحبيني
حور وهي بتحاول تخبي دموعها:افهمني يا علي انا فهمت ال انا كنت فيه ده مش حب
علي:حور عينيك بتقولي انك بتكدبي عليا،هو انت مخبيه عليا حاجه،قوليلى والله وانا معاكي
حور قامت من مكانها وخلعت الدبلة من ايديها وسابتها على الترابيزه ومشيت
علي:حور يا حور بلاش تسيبيني كده يا حور
____
والدة حور:لي عملتي كده يبنتي لي يحبيبتي كده
حور ببكاء:غصب عني يماما غصب عني،انا بحبه اوي ف كان لازم اعمل كده
والدة حور:كنتِ قوليله الحقيقه يبنتي وهو كان هيقف معاكي
حور:عاوزاني اقوله ان انا عندي سرطان في الدم يماما !! يماما انا مش عاوزاه يتوجع معايا علي يستاهل كل خير يماما مش ذنبه انه خطب واحده زيي انا عاوزاه يشوف حياته مع حد ظروفه احسن مني
والدة حور ببكاء:لي يبنتي بتقولي كده م انت ان شاء الله هتبقى كويسه واحسن من الاول كمان
حور:الله واعلم يماما هبقى كويسه ولا...
عزة والدة حور:هششش متكمليش يحبيبتي متكمليش،بلاش توجعي قلبي بكلامك ده انا ماليش غيرك يبنتي
عزة اخدت حور في حضنها وحاولت تطمنها شويه
______
مازن:مالك يا علي في اي
علي: مفيش يمازن تعبان بس شويه
مازن:لا يا علي في حاجه انت من وقت م جيت من بره وانت مش طبيعي خالص
علي بعصبيه:قولتلك يمازن مفيش حاجه انا همشي احسن سلام
مازن:يا علي خد بس مش قصدي اعصبك والله
علي مشي من مكتبه وساب مازن يفكر مع نفسه لي علي متعصب وملامحه متغيره كده
______
في منزل علي
علي دخل غرفته وقفل على نفسه ومسك تليفونه وفتح الواتساب وبعت مسدج ل حور على امل ان هي ترد عليه
_____
حور:شوفتي يماما شوفتي عاوز يوجع قلبي ازاي اكتر م انا اصلا موجوعه
عزة:طب ردي عليه يحبيبتي متسيبهوش كده
حور:ده بيقولي انا لي عملت كده وانه بيحبني انا مش عارفه ارد اقول اي
عزة:يحبيبتي صدقيني ال بتعمليه ده غلط انتي عارفه انه بيحبك ف بلاش تكسري قلبه كده
حور: بالعكس يماما انا قبل م اعمل كده فكرت كتير،انا مش عاوزه بعد م يحصلي حاجه ينكسر وميقدرش يقوم على رجله تاني مش عاوزاه يتعلق بيا اكتر من كده
عزة:يبنتي قولتلك مش هيحصلك حاجه انتي لي بتقولي كده خليكي عندك امل وثقة بربنا يحبيبتي
