_هنفرح بيكي امته بقى
_شوفتيني كلاون؟!
_طب يبنتي قطر الجواز عدا
_لسه في اوبر هبقى اركب فيه
_هتتجوزي كبيرة كده
_مش احسن م اتجوز بدرى واطلق؟!
_هتخلفي متأخر وعيالك هيقولولك يتيته بدل ماما
_هما هيشتكولك؟!
_مين هيوافق يتجوزك اصلا
_وانتِ مالك
______
_في شاب كلم باباكي وعاوز يتقدملك يحبيبتي
_زي ال كلموه قبل كده برضوا؟!
_لا يحبيبتي ده شاب محترم جدا جدا وكمان عارفينه
_تمام يماما ال فيه الخير يقدمه ربنا
______
_حقيقي يماما انا مبسوطة ان فترة الخطوبة مطولتش اوي كده وكتب كتابنا كمان يومين
_ربنا يسعدك دايما يحبيبتي ويفرح قلبك
_______
بارك الله لكما وبارك عليكما وجمع بينكما في خير
_م انتِ خلاص بقيتي حلالي بقى
_عاوز اي يعني
_حضن يداوى القلب والجراح
بابتسامه:طالما هيداويلك جرحك اوك
_________
_نورتي بيتك يعروسه
_ربنا يخليك يارب
______________
_اقعدي انتِ أنتِ انهارده باين عليكي تعبانه خالص
_لا انا كويسه والله خليني اكمل ال بعمله بقى
_لا انا هكمل انا الغدا اسمعي الكلام
__حاضر
________
_عاوز اقولك على حاجه يمكن أنتِ لحد دلوقتي متعرفهاش
_حاجة اي
__انا بحبك من زمان اوي بجد، انا حاولت اجتهد في شغلي وتعبت كتير اوي علشان لما اجي بيت الحج ابقى جاي وانا عارف ان انا هبقى قد المسئوليه عارفه كنت بدعي ب اي طول م انا بصلي
_بتدعي ب اي
_ان محدش يخطبك ولا يتجوزك غيري والحمد لله ربنا استجابلي وكانت احلى دعوه دعيتها
_انا مبسوطة اوي بجد من الكلام ده،ربنا يخليك ليا يارب واقدر اسعدك دايما
_________
_عندي ليك مفاجأة
_مفاجأة اي؟!
_انا حامل
_اي ده أنتِ بتتكلمي بجد؟!
_ايوه والله بجد
_يا احلى خبر سمعته في حياتي،هبقى اب انا مش مصدق نفسي
__________
__بجد انا مبسوطة اوي انهم طلعوا توأم
_انا ال مش قادر اعبر عن فرحتي دي والله
_ربنا كبير اوي والله مكنتش مصدقه ان الفرحة دي كلها هقدر اعيشها
_______________
_خليكي مكانك بقى كده ومش عاوزك تتحركي من مكانك خالص
_لي بس انا ممكن اساعدك
_لا أنتِ لسه والده مينفعش تقومي من مكانك
_حقيقي انا فخوره بيك اوي ربنا يباركلى فيك يارب
_ويباركلي فيكِ يحبيبتي
_____________
_يا زينه الولد مش عاوز يبطل عياط شكله كده جعان
_حاضر يحبيبي جايه اهو اخده منك
_يا زينه والبنت كمان بتعيط اسكتهم ازاي
_لحظه انا جايه
______
_دول حبايب مامي مش بيعرفوا يسكتوا ويبطلوا عياط غير لما اخدهم في حضني
_طب اعيط انا كمان يعني؟!
___________
_حلو الفشار ده
_هو انا بعمل حاجه وحشه اصلا؟!
_لا ده انت الحلو كله يحلو
_بس بقى خليني اعرف اسمع الفيلم الاكشن ده
_فيلم اي ده ماتش الزمالك
_م هو اي ماتش للزمالك بيبقى فيلم اكشن بالنسبه ليا
_طب انا عاوز اسمع الاهلي؟!
_لا الزمالك أهم وبعدين اصلا اي الرخامه دي جايبين ماتشين في نفس الوقت لي
_حقك عليا هبقى اقولهم هاتوا كل ماتش في وقت مختلف
_اه ياريت
_اقلبي بقى وهاتي ماتش الاهلي
_لا لا معلش مقدرش بجد هموت لو مسمعتش ماتش الزمالك
_لا بعد الشر عليكي طب اتفرجي اتفرجي وانا هسمعه لايڤ على الفون
_ايوه جدع كده
___________
_العيال مش عاوزه تسمع كلامي خالص
_معلش اليومين دول كل العيال بتحب تعاند كتير
_انا بحس ان انا لعبة في وسطهم خالص
_لا متقوليش على نفسك كده يحبيبتي
__________
_المصاريف زادت علينا اوي اليومين دول
_ان شاء الله يحبيبتي ربنا يفرجها متقلقيش
_الولاد عاوزه ادفعلهم فلوس الدروس المدرسين بقوا بيفتروا اوي وغلوا المصاريف
_ده رزقهم وان شاء الله انا هقبض بكره واديكي المصروف وان شاء الله هتفرج
_ان شاء الله يارب
_________
_قولي للولاد يحضروا نفسهم يلا علشان نطلع نخرج
_اي ده اي المناسبه
_هو لازم مناسبه يعني!؟
_لا مش قصدي بس انت جاي مبسوط من الشغل شكل كده في جاجه
_لا جدعة قدرتي تفهميني وتلاحظي ده
_اي ال فرحك اوي كده بقى؟!
_اترقيت في شغلي وبقيت انا المدير
_يا فرحة قلبي ،بجد انا مبسوطه اوي
_من وقت م دخلتي حياتي وانتِ وشك كان دايما حلو عليا
_يارب دايما يبقى وشي حلو عليك كده يحبيبي
"منذُ اَول لَحظة واَنا مُصاب بكِ"♥️✨
مفيش حاجة اسمها القطر هيفوت انت ال ممكن تفوت وتغرق لو اختارت غلط
الاختيار الصح هو اعظم شئ في حياتك لا تهتم بكلام الاخرين ولكن اهتم كيف تصنع في المستقبل♥️
لــ شيماء كمال
