_مالك يحبيبتي انتِ كويسه
_مش عارفه يا بابا بجد حاسه ان انا تعبانه شويه
_طب قومي البسي وتعالي اخرجك احلى خروجة،يلاا قومي بقولك
_لا يبابا انت كمان تعبان ومش قادر تروح في مكان
_لا يحبيبت بابا انا بقيت كويس والله،قومي اسمعي كلامي
_خلاص حاضر يحبيبي هقوم اهو
_____
_تعرف يا بابا صحابي كلهم شافوني تعبانه لما كنت معاهم في الجامعة محدش قالي مالك خالص،انا زعلانة اوي يا بابا
_بصي يبنتي في الزمن ده متستنيش حد يسأل عليكي كل واحد بقى بيقول يلا نفسي
_عندك حق يا بابا ربنا يخليك ليا يارب
_____
_حلو اوي الشاطئ ده،ريحة المايه تحفه والهوا لطيف بجد كنت محتاجه اجي مكان زي ده
_خلاص كل يوم نيجي نشم الهوا اللطيف ده مع اتنين ايس كريم شيكولاته
_بس انت مش بتحب الشوكلاته
_هحبها علشانك
______
_بابا بابا البلوزه بتاعتى اتقطعت وانا كنت عامله حسابي ان انا هلبسها انهارده
_متزعليش يحبيبتي هاتي وانا اخيطهالك بسرعة
_بس يبابا مينفعش الراجل يعمل الحاجات دي
_لا يحبيبت بابا ده عمره ولا كان عيب ولا حرام وكمان انتِ بنتي وحبيبتي وكل حاجة ليا بعد وفاة ماما الله يرحمها
_الله يرحمها يارب
______
_شكلك تعبانه اقعدي وانا اعمل الاكل انا
_بس انا كويسه
_بس انا شايفك مش كويسه يبقى خلاص تقعدي ترتاحي
_خلاص ماشي واهي فرصة اكل من ايدك الحلوين دول
_مش هيجي حاجه جنب اكلك بردو
_بتكسفني كده يعني
_____
_بابا انت رايح فين
_رايح اصلي في المسجد يحبيبتي
_طب ممكن اجي معاك اصلي انا كمان في المسجد
_طيب قومي اتوضي والبسي الاسدال او العباية وتعالي يلا
_بجد؟! يعني انت موافق
_ايوه طبعا موافق م انتِ عارفه مبقدرش اقوولك لا
_بحبك اوي اوي
__________
_بابا انا مش موافقه انا مش عاوزه اسيبك لوحدك يا بابا،احنا مالناش غير بعض مش هقدر اسيبك
_وبابا عاوز يفرح بيكي،وبعدين انا مش هبقى لوحدي م انتِ لما تتجوزي هتيجي تزوريني كل يوم علشان انا كمان مش هقدر اعيش من غيرك
_لا يا بابا انا مش عاوزه اتجوز ،انت اصلا بابا وحبيبي وابني وكل حاجه ليا
حط كفه على وشي وبيمسحلي دموعي بحب
_بلاش بقى تخليني ابكي انا كمان،عاوز افرح بيكي قبل م اموت بقى
_بعد الشر عليك يروح قلبي ان شاء الله انا وانت لا
_الموت عمره م كان شر،اكيد هيجي يوم واروح اشوف أمك ست الكل
_بس بقى يا بابا بلاش الكلام ده علشان بتوجع اوي
_طب اي قولتي اي بقى
_خلاص موافقة يحبيبي ،وهجيلك كل يوم وكل دقيقه اشوفك
______
_كم من ايام مضت دون ان أشعر بها حين كنت اشيلك بين يديا ،كم من اياماّ مضت عندما كنت اتغزل فيكي وحبيبتي تغار منك!! كم من اياماّ مضتت اتمنى ان ولو كانت لا تنتهي،احببتك كثيرا يا ابنتي احببتك حب لا ينتهي
ضمني الى صدره بكل حب والدموع مغرقة عينه
_كنتُ انت الامان بالنسبه لي يا ابي ومازلت.
"لو تعلم يا ابي كم من الفخر ينتابني عندما أتبع اسمك باسمي♥️"
_تم
لـ شيماء كمال
