قمري انتي

قمري انتي البارت الثاني

قصة # قمري أنتي
‏الكاتبة هدى سامي

........
،

قمر : تعبانه حيل من الشغل وكفت وياهم اضيف واطبخ لان هو ابن عمي ومثل اخويه واحنه بحساب بيت واحد شتغلنه كلنه وركصنه هوايه مهدود حيلي بس ماكدر انام ابويه كالي اغسل الصحيات واملي البرميل مال المي بالصحيات نتضرت لنص اليل لحد ما الكل نام

عدنه خطار من الجنوب من البصره صديق ابويه وابنه واخو وابن اخو خلي اكوم مااطول الكل نام كمت طفيت الضوه مال الطرمه كمت انقل مي وره البيت عدنه براميل حتياط اخذ بالصطل وافرغ بالبرميل الي بالمرافق عل سريع ركض ركض قبل لا احد يكعد مليته خلصت غسلت الصحيات عل سريع

بالضلمه اشتغل حته محد يشوفني بس اكو شوية ضوه جاي من المطبخ خلصت غسلت ايدي طلعت

تلاكيت ويه ولد اجتي عيني بعينه جفلت ردت اعيط حطيت ايدي عله حلكي بشهكه بقيت صافنه عليه متفاجئه هو هم جفل بقه صافن عليه متفاجئ ماشفت ملامحه لان الضوه مال المطبخ بعيني كال

_انتي بشر لو ملاك لو جن

ردت امشي سمعنه صوت

متت بدمي خاف واحد من ولد عمي اذا شافونه ثنينه يذ*بحونه رتبكت ارجف

من خوفي ماعرف شسوي جريته من ايده ختلنه يم حايط المرافق كوه دحست روحي ودحسته وياي جان الحايط بضهرنه ومقابيلنه براميل مال نفط المهم حشكنه رواحنه بالكوه من الخوف المكان ضيج جنت اني من جهت الحايط وهو مقابيلي

حجيت همس ياربي عديها عله خير اذا شافونه ولد عمي يذ*بحونه هسه شسوي اهمس بخوف واتلفت باوعت عليه صافن بوجهي صحيح ضلمه بس ضوه القمر وضوه خفيف من المطخ همس
منو انتي.......؟ ماجاوبته حايره بضيمي

حجه بهمس
جا هذا لون عيونج حقيقي لو عدسات........؟

أني بيا حال اريد بس اخلص من هل مصيبه دفعته حته اطلع جرني حشكنه نفسنه اكثر لان سمعنه صوت واحد يمشي

جان حيل قريب مني حسيته نفسه تسارع كام صدره يصعد وينزل لا اكدر ادفعه المكان ضيج هذا صوت واحد يمشي كمت ارجف خوف نزلت دموعي كال

_اششش حرامات هاي العيون تبجي

_همست ياربي عديها عله خير بقيت برعب ارجف شويه وراح الصوت صارت هدوء

دفعته كتله ابتعد خل نطلع سويلي درب حته اطلع كال

_اوكفي منو انتي ....
انتي بنت عمي ابو محمد........؟

حجيت بخوف اترجاك انسه الي صار وانساني تره اذا احد عرف يذ*بحوني عفته ومشيت ابجي من الخجل ومن الموقف الصار

هذا الولد اكيد من الخطار الي من الجنوب شكد عيب هسه شيكول عليه مشيت أتختل حته محد يشوفني دخلت بفراشي اختض خجل ومن الخوفه الي اكلتها