قمري انتي

قمري انتي البارت الرابع

قصة # قمري أنتي

علي : واكف كلبي يتكطع العن العادات والتقاليد الي تفرقني عن حبيبتي

اجه محمد اخو قمر خايف ويصيح بابا بابا محمد راح يذ*بح قمر ركض ابو محمد واخو

ركضت وراهم حته انقذ حبيبتي ركض ابويه جلب بيه يابويه لاتكضني اترجاك

ابويه : ابني مايصير اجفه الشر الولد راح يذ*بح البنت من وراك

علي : خفت عله قمر حصره بكلبي شكبرها بقه ابويه لازمني تمنيت س*لاح باايدي واذح*هم كلهم وخلص منهم ومن عاداتهم وتقاليدهم واخذ حبيبتي

اجه ابو قمر كال اتعذر منكم ومنكم السماحه شفتو بعينكم البنيه ابن عمها يريدها

ردو الشيوخ كالو هذا هو من الله خلق الدنيا والبنيه لابن عمها بس احنه ماندري متدرون صارت ضجه وكلام تفكيري يم قمر ممركز وياهم كامو يطلعون

علي : يابه وين يردون

ابويه : امشي ابني البنيه مو قسمتك

علي : يابويه لا تكول هيج اترجاك وكف الشيوخ قنعهم احجي ويه ابو قمر

أبويه : ابني مو قسمتك

اخذني شحط لسياره هو واخويه كاظم

علي : وكفت يم السياره مارضيت اصعد

أبويه : جا بويه البنيه راح يذ*بحو*ها من وراك لاتعاند واصعد

صعدني بالكوه كلها شغلت سياراتهم مشينه اسوق وتنزل دموعي امسحهن باايدي واضرب عل ستيرن كلبي يوجعني حصره والم وحب وحيره احسه كام ميستوعب كم المشاعر الي بي

ابويه واخويه كاظم يصبرون بيه ويكلولي مو قسمتك حسيت نفسي ختنكت محتاج انفس عن نفسي وكفت السياره بمكان مقطوع نزلت اركض عطت عيطه

ابويه يكول الكاضم عوفه خلي حته يرتاح عطت من كل كلبي

حسيت براحه بس كلبي بعده يوجعني جابلي كاضم بطل مي غسلت وجهي صعدنه بالسياره ومشينه وصلنه بيتنه تلكتنه امي ورقيه وزينب

طلعت لغرفتي كبل ماحجيت ويه احد
مددت عل جربايه افكر شلون راح احلها

بالي يم قمر خطيه هسه سولها حته اخاف اخابرها خاف اخذو موبايلها شلون هسه ياربي حلها اترجاك

صارت نص اليل دكيت عليها وكفت رقيه يمي حته اذا رد احد ثاني اخلي رقيه تحاجي واذا هيه ردت احجي وياها دك الموبايل

ردت بشهكه جاي تبجي كالت
الوووو.....

----
،

قمر : راح أرجع وياكم بالقصه من خابرني علي وكالي احبج بيومها مانطيته أي أمل كتلة محجوزة لأبن عمي بس هو جان مصر يكلي احبج كالي وافقي حته أجي اطلبج ماوافقت وقطعت أي أمل عنده وقفلت الخط ويا وبجيت من كلبي مادري ليش معقوله حبيته معقوله بهل سرعه معقوله هذا الحب الي يحجون عليه من اول نضره