𝗟𝗢𝗩𝗘𝗵𝗼𝗹𝗶𝗰 [SungJake]

Chapter 23: New life

နေ့ရက်တွေ၊လတွေ အလီလီပြောင်းလဲသွားပြီးနောက် တဖြည်းဖြည်းအဆင်ပြေလာခဲ့တယ်။ ၅နှစ်ဆိုတဲ့အချိန်က ကောင်းကောင်းကုစားနိုင်ခဲ့သည်ထင်ရဲ့။
အခုတော့ သူကောင်းကောင်းရှင်သန်နေတုန်းပါ။

နှစ်ဆယ့်ခုနှစ်နှစ်ဆိုတာက သုံးဆယ်ပြည့်ဖို့ နည်းနည်းပဲလိုတော့တာ၊ ဒါပေမဲ့ ဂျယ်ယွန်းက သူ့ကိုယ်သူကျေနပ်နေရင်း အသက်အရွယ်ကိုတောင် မေ့လျော့နေခဲ့သည်။

အရင်က ဖြစ်ချင်ခဲ့တာဟာ ကမ္ဘာပတ်ပြီးအဆိုတော်လုပ်ဖို့ဖြစ်သော် လက်ရှိ၌တော့ Vocal coach(အဆိုပိုင်းဆိုင်ရာနည်းပြ) ဖြစ်နေခဲ့တယ်။ သို့သော် စင်စစ်ကား နည်းပြမဟုတ်သေးတဲ့ ညွှန်ကြားသူ အဆင့်သာရှိသေးသည်။ လတ်တလောမှာ ဖျော်ဖြေရေးကုမ္ပဏီတစ်ခု/နှစ်ခုရဲ့ သင်တန်းသားတွေကို သင်ပြနေရသည်။ တစ်ဖက်မှာလည်း ဝါရင့်ဆရာကြီးတွေဆီက သင်ယူလေ့လာရင်း ဒါကိုကျော်ဖြတ်နေခဲ့တယ်။

ယင်းကဲ့သို့ ဂျယ်ယွန်းရဲ့ဘဝက ဆိုးလ်မှာပဲအချိန်ကုန်လျက် အေးအေးဆေးဆေးနဲ့ နေ့စဉ်ဘဝကို ဖြတ်သန်းမိသည်။

" နီကိုးလက်စ် အခုတလော ဈေးရောင်းကောင်းတယ်နဲ့တူတယ် "

ဂျယ်ယွန်းဟာ သူ့ရဲ့အလုပ်ချိန်ပြီးတာနဲ့ နီကိုးလက်စ်ဆိုင်ကို တစ်ပတ်၄ရက်လောက်တော့ ပုံမှန်လာဖြစ်သည်။ တစ်ခါတလေကျတော့ ပိုက်ဆံမကုန်ချင်လို့ သူ့ဆိုင်မှာပဲ သောင်တင်ဖြစ်တာလည်း ခပ်များများ။

နီကိုးလက်စ်က ခေါက်ဆွဲဆိုင်နှင့်စားသောက်ဆိုင်တစ်ခုစီ ဖွင့်ထားတာမို့ ဂျယ်ယွန်းနဲ့ ကွက်တိဖြစ်သွားတယ်။ အရင်တုန်းကတော့ နီကိုးလက်စ် သူ့(ဂျယ်ယွန်း)ဆီက ဂုန်းဆင်းသလောက် အခုတော့ အပြန်အလှန်ဖြစ်သွားခဲ့သည်။

" ငါ့ကိုကြည့်စမ်းပါ ဂျယ်ယွန်း။ အားကိုမအားတာ ရောင်းရလွန်းလို့ "

" ဒါနဲ့ ပုံမှန်စားနေကျပဲမလား "

" အွန်း တစ်ခြားဟာပြောင်းစားမယ်။ ထိုင်ဝမ်ခေါက်ဆွဲ အမဲသားနဲ့ "

ဂျယ်ယွန်းက မီနူးကိုတစ်ချက်ကြည့်ပြီး နီကိုးလက်စ်ကိုပြော၏။ သူ့သူငယ်ချင်းက ဆိုင်ပိုင်ရှင်ဖြစ်သော်လည်း ဒီနေ့လိုလူကျတဲ့အချိန်ဆို ကိုယ်တိုင်အလုပ်ထဲထိရောက်လာတတ်တယ်။