قاعدة ف اوضتى بقرا قرآن
الحاجة الوحيدة اللى بحس انى مرتاحة وانا بعملها انا عمري ما كان ليا صديقة مقربة وقت لما احس ان الدنيا بتضيق بيا اكلمها واشكيلها اعيطلها فتضمنى تشيل عنى شوية من حمل شيلتة كتير لدرجة انحنيت من تقلة
ماما ست تعبانة وهى والسرير واحد قلبها يا دوب بيدق للنفس اللى بتتنفسة علشان تعيش مليش غيرها فى الدنيا اخاف احكيلها مشاكلى تموت من الزعل عليا وقتها هيبقى خسرت اخر امل ف انى اعيش بعد وفاة بابا كان اقرب حد ليا فى زعلى ف فرحى جمبى خسرت كتير من بعدة بس انا واثقة من ربنا وواثقة انة هيعوضنى خير
انا اشتريت تذكرة الجنة وهدفع فيها صبر عمرى كلة ربنا قال ان بعد العسر يسرا
لو ربنا فضل يديلنا الحلو علطول مش هنحس بمتعتة هنحس انة عادى
لكن ربنا من حكمتة بيبدا بالشدائد فى الدنيا بعدين يعوض بالفرحة ف بلسم المتاع يداوى جروح القسوة اللى شوفناها من قبل ربنا رحيم وبعد الصبر اكيد جبر
اتنهدت براحة بعد ما ختمت سورة البقرة فى وقت قليل السورة دى قريبة اوى لقلبي فيها فوائد كتير بس لمن يفقة
شيلت المصلاة وحطيتها مكانها وحطيت المصحف مكانة وخرجت علشان اجهز لماما الغداء علشان الدوا بتاعها وعلشان اسمع دعوتها اللى واثقة ان نجاحى سببة دعواتها ليا اللى مبتخلصش
الساعة بقت خمسة قررت اخد روايتى وانزل ع البحر شويه اشوف الغروب واستمتع بالرواية اللى مهما قراتها مش بزهق رواية عشق الزين
يمكن قرات روايات كتير كانت احسن منها جدا بس دايما بيجذبنى للرواية حنية البطل قد اى كان زين حنين على ليليان متفاهم رغم المشاكل اللى حصلتلهم والصدفة اللى جمعتهم وكان ممكن يتجوز غيرها بس ربنا اراد يجمعهم وبطريقة مكنتش تخطر على بال اى حد رغم مشاكل شغلة ورغم مشاكل عيلتها ورغم قوتة وحبروتة الا انة كان دايما سندها التفاهم بينهم كان كفيل ينسيهم اى شقاء ف الدنيا
بحس انى ف يوم هقابل حد زي زين يعوضنى عن اى حاجه وحشة ان الله مع الصابرين
بصيت للسما وركزت لدرجة انى مكنتش حاسة بالناس اللى ماشية ورايا ولا اى صوت
_الجو برد النهاردة صح
بصيت جمبى لقيت واحد قاعد جمبى وماسك نفس الرواية بتاعتى مركزتش يمكن صدفة
بص تانى ف روايتة وقالى
_بحبك
اتفاجات بس اى دا هو عبيط انا اول مرة اشوفة حد يحب حد ف دقيقتين
_رد عليا وكانة بيقرا افكارى وقال: انا عارفك من زمان اوى من يوم وفاة والدك الاستاذ سمير الله يرحمة
هنا وصوتى طلع بلهفة: انت كنت تعرف بابا هو حضرتك قريبنا
مد ايدة وقالى انا احمد بن طارق صاحب والدك استاذ سمير الله يرحمة
بصيت قدامى بزعل تانى فكرت انى هعرف قرايبنا اللى محدش كان بيرضى يحكيلى عنهم حاجه
بصيت علية لقيتة مركز على عيوني وبيقول: مكنتش اعرف ان فى قمر بيظهر قبل معادة
اتكسفت وبصيت ف الارض
احمد: ولحمرة خديك دقات لم يعهدها قلبي من قبل
اتكسفت اكتر انا اول مرة حد يقولى كلام زى دا. قومت من مكانى وانا حاضنة روايتى وقررت اروح بيتنا
بس اتفاجات بية بيقولى: والله ولو اراد القدر لنا البعد لاحارب القدر من اجل نظرة حب
وبعدها قام وقف قدامى وقال: والله مينفعش افضل انا افكر فيكي ليل مع نهار علشان اللحظة دى وفى الاخر متروديش عليا
بعدها كمل كلامة وقال: لا تسألني عن الندى فلن يكون ارق من صوتك"
انا كنت بتمنى الارض تنشق وتبلعنى وقتها من الواد القمر اللى كل كلامة شعر دا يخربيت حلاوتة استغفر الله يارب انا مش قصدى اعاكس بس هو اللى قمر بقا هه
جريت من قدامة بس سمعت صوتة بيقول جهزى نفسك بالليل الساعه ٨ هتكونى خطيبتى يا هنا
كدبت ودانى اكيد اتطرشيت مش معقول بالسرعة دى
روحت وانا مش عارفة اسيطر على قلبي اللي هيخرج من مكانة
مش معقول من الرواية والبحر انا كل يوم على البحر بس الفرق احمد كلامة كان حلو منكرش اول مرة احس انى فرحانة كدا يمكن علشان كلامة جة ف وقتة محطتش ف دماغى وبصيت فى الفون الساعة كانت 6 ونص اكيد مش هيجي انا بتخيل فضلت افكر فى اللى حصل وكلامة لحد ما نمت
صحيت تانى يوم مستغربة هو انا نمت كل دا يظهر من الارهاق وفجاة افتكرت انى لازم انزل الشغل بتاعى تانى لان فلوسنا بدات تخلص وعلاج ماما لواحدة عايز ثروة
بس اى دا لحظة كدا احمد يعنى مجاش ابتسمت بسخرية وقولت وهييجي لى انا مين علشان يحبنى ويبقى نصيبى استغفرت ربنا واتوضيت علشان اصلى الضحى يظهر انى فوت صلاة الصبح زى ما محستش بآذان الفجر
دخلت وعملت الروتين بتاعى جهزت الفطار لماما ونضفت البيت وجهزت الغدا وكالعادة الساعة خمسة ومعاد الغروب وانى انزل ع البحر
معرفش لى بس دى كانت اول مرة احط ملمع شفاة
لا لا محدش يبصلى كدا اكيد مش علشان احمد انا مشوفتوش غير مرة
بصيت لنفسي برضا ونزلت بروايتى كالعادة بس مجاش
يوم واتنين ونفس المكان بنفس الرواية ف نفس الوقت واحمد مش موجود يعنى كان بيهزر لما قالى بحبك يعنى هو لحق والا انا اللى اتهبلت شكلى
منكرش كنت متضايقة أنا اه محبيتوش بس انبهرت بية بشكلة القمر بكلامة اللى يخطف القلب بضحكتة بالغزل الفصحى بتاعة بالشعر اللى قالهولى هو لفت نظرى وخلانى اعجبت بية
فات اكتر من شهر وبدات انساة هو كان شخص ف يوم او ساعة وعدو وعادى يعنى
نزلت ع البحر ف يوم بس المرادى من غير رواية و من غير موبايلى نزلت اتفرج على البحر وجمال الشمس وهى بتختفى بعد ما لونها بيحمر
فجاة سمعت صوت بيقول
مالى لا ارى جمال الطبيعة الهذه الدرجة جمالك طاغٍ
انا قدرت اميز صوتة ف لحظة دا احمد اكيد ياااة اول مرة اكتشف ان صوتة وحشنى
بصيت ورايا بس حاولت ابين انى عادية هو ميفرقش لا وجودة ولا غيابة
اووف محدش يبصلى كدا نا مكنتش زعلانة او عايزة اشوفة هه
قالى وهو بيمثل وكانة انصاب بطلق فقلبة: اه قلبي وقع صريع عنيكي متبصليش كدا بعيونك اللى تخطف دى
اتكسفت وبصيت قدامى
قالى: اسكتى مش مروح من اخر مرة لما شوفتك بس للحظ عملت حادثة
بصتلة ومقدرتش اخبى اللهفة اللى ف عيني وف صوتى وانا بقولة: يلهوى وحصلك حاجه انت كويس صح مموتش
ضحك وقالى: لا موتت وانا وانتى فى الجنة اصل انا حالف انى هبقى قدرك فى الدنيا وفى الاخرة
بصتلة وابتسمت
وقف وشكلة كان مستعجل وقالى: يالله يالله انا مش هستنى هنروح لمامتك دلوقتى احنا لازم نتجوز حالا
اتصدمت وبقولة: نعممممم
احمد: اه والله يالله الماذون هيجي عند بيتكم واكيد اهلى هناك
انا: يعنى انتو مجهزين كل حاجه وانا مليش راي والا اى
احمد: انتى موافقة يالله بقا
انا بصوت عالى: لا لااا لااااا مش هتجوزك فين رايي ف الموضوع مستحيل اتجوزك مستحيييييييييل
(بارك الله لكما وبارك عليكما وجمع بينكما فى خيير)
اى دا يقطعنى هو انا مقولتلكوش مش انا بعمل المستحيل عادى واتجوزتة
احمد: انا وافقت بعد ما اتحايلت عليا
انا: احمااااد
احمد: خلاص انا اللى اصريت
كمل كلام وعيني فى عينة وبيقول: اتدرين يا قمري والله لم احتار قط عندما اراكى بجانب القمر فلا ضوء القمر ولا جمالة ياتى بقربك ذرة
وكمل كلامة وهو بيقول: بحبك
انا: مش هتزهق منى؟
احمد: بحبك
انا: احمددد
احمد: بحبك
انا: وانا كمان بحبك يا احمد
"ان بعد العسر يسرا❤🫂"
تمتتت
بقلمى وداد محمد
~~~~~~~~~~~
