رنس والعقيد اسر

البارت2

Fatima_Al-juboory

لا تجهد نفسك بالتوضيح ، لان البعض يصغي فقط لما يريد سماعه .
،،،،،،،

نكعت الكراج كُله اخر شي جبت ماسحه ونشفت المي كُله دخلت وصعدت للغرفه بسرعه

حتى لا اتشوفني ودكلي ع حاجه تمددت ونمت ع بطني لان ظهري موتني من الوجع

غفيت ..وهيج مرن الايام بهذا الوضع ماكو يوم اذا ما انكتلنه احنه وامي بي
كول يوم يضربنه كرهت طبته للبيت واتمنه ميرجع للبيت ع الاقل نرتاح
بس حتى من يطلع منخلص تستلمنه مرت عمو ماعرف ليش امي ما تدافع عن نفسها ولا تحجي

معقوله هلكد فقيره وجبانه بس واحد لازم يدافع عن نفسه شويه

جنت دائماً بالليل العب ويا اسر ابن عمو لان مرت عمو العصر ماتخليني العصر اطلع

لازم تخليني اشتغل حتى لو ماكو شغل وجنت اضوج بس يجي بالليل اسر ونلعب سوه

مرات يجيب ويا حبشكلات نكعد نباوع ع تلفزيون جانن اكو قناتين بس الشباب وبعد قناه نباوع عليه
واذا ماكو شي بالتلفزيون نكوم نلعب لو طوبه لو محيبس اتلهه ويا ويضل يلعب وياي منا لمن انعس وانام

هاي من جان عمري خمس سنين وعمر اسر 15سنه

همه محد يحجي ويا ولايضربو لان جبير و ولد مو نفسي انضرب واشتغل
بس من جنت العب ويا ويسولف وياي انسه كولشي يصير وياي

.مرت سنتين من عمري صار عمري 7سنوات
دخلوني مدرسه وجنت حيل حيل فرحانه لان راح يصير عندي صديقات هواي
وادري نفس اسر من يكعد يقرا داومت اول يوم واني فرحانه

عكس اكو بنات يبجن ويخافن جنت لابسه صدريه قصيره وقميص ابيض
وجواها كالون وجواريب ام الكشكش وحذاء تكرمون اسود ابو السير وجنطه وكصيبه وطوك ابيض

جان شعري طويل يوصل لنهايه ظهري ودائماً امي اتسوي كصيبه حتى لا يتكفش واسر جان يحب شعري داومت وجنت فرحانه

تقريباً مر شهر ع دوامي مره جنت العصر طالعه العب ويا بنات عمي ابيت عمو الجبير

جان عدهم حديقه وكراسي ومرجوحه سمعنه صوت صياح عالي كولش عالي

طلعنه وشفنه هوسه يم الباب مالتنه رحت ركض دخلت الكل يبجي
اريد افتهم شكو محد يحجي شي كولها تبجي صعدت ودخلت للغرفه مالتنه ردت امي

ماكو رحت للغرفه الثانيه هم ماكو نزلت جوه سالت عنها زادوا بالبجي واخواني يبجون ماعرف شنو السالفه

جانو اخواني اكبر مني اختي رانيا فرق اني وياها سنتين واخوي ظافر سنة

طلعت للكراج شفت اسر مدنك وخال ايده ع عيونه رحتله ركض وكفت يمه وحجيت

...اسر شكو ليش هيج يصيحون ويبجون ، زين وين امي ليش ماكو
اسر باوع عليها وحس انعصر گلبه اخذ نفس ويمسح وجها وعيونه مغوركة كال ...رنس امج ماكو راحت بعيد
...لا ليش راحت ، ليش عافتني كل مره نطلع اني وياها شلون تعوفني