الشخص : طلبك اللي انتي عايزاه موجود بس كله بتمنه .
لينا : نعم ...
الشخص : مش انتي بتدوري علي متبرع انا عندي المتبرع
لينا بلهفة : تمام انا موافقة علي اي حاجة هو فين عشان نتفق
الشخص عينه لمعت بطمع : بصي يا استاذة انتي تديني رقمك و أنا هكلمك و نتفق
لينا ادته الرقم ، و بعدين سابت الشخص دا و دخلت عند أحمد اللي سمعت صوته العالي
لينا : اهدوا يا جماعة في ايه يا احمد في ايه يا نور
نور بعصبية : تعالي يا لينا شوفي ابوكي مش عايز يعمل العملية ليه
أحمد : انتي عايزاني استغل أن حد محتاج فلوس مقابل اني اخد جزء منه انا مستحيل اعمل كدا
لينا : طب اتبرع انا
أحمد : لا طبعا اللي مقبلتش اني اعمله في الناس هقبله علي بنتي لا يعني لا
لينا كانت لسه هنتكلم ، احمد متفتحيش الموضوع دا تاني
لينا : امال لو عارف ان انا عايزة اعمل التحاليل عشان اتبرع
أحمد بزعيق : طبعا مستحيل إذا كنت مش راضي الغريب يتبرعلي ، أوافق علي بنتي لا يعني لا مش هعمل عمليات و الموضوع اتقفل
لينا كانت لسه هتتكلم احمد قاطعها بزعيق انا خلصت كلامي ، و الدكتور دخل عشان يطمن علي احمد
الدكتور : الحمدلله حضرتك احسن النهاردة بس لازم نلاقي متبرع بسرعة وخرج
لينا خرجت وراه لو سمحت يا دكتور هو انا ممكن اتبرع لبابا
الدكتور : هو ممكن لو التحاليل بتاعتكوا تمام
لينا : طب انا عايزة اعمل التحاليل دي
الدكتور : تمام اتفضلي معايا
لينا عملت التحاليل
لينا : شكرا يا دكتور بس انا عايز اطلب من حضرتك طلب ياريت احمد ميعرفش اي حاجة عن التحاليل دي ولا اي حد دا سر بيني و بين حضرتك
الدكتور : اكيد طبعا مش هقول لحد
لينا رجعت لاوضة احمد
أحمد : ايه يا لينا اتأخرتي كدا ليه و كنتي بتعملي ايه
لينا : هاا.. لا انا كنت بتكلم مع الدكتور و عملت شوية مكالمات عشان الشغل و كنت بخلص ورق عشان كدا اتأخرت
أحمد : طيب يا حبيبتي
لينا تليفونها رن و كان ابراهيم و بيعرفها أنه جاي هو و يحيي و روح عشان يطمنوا علي احمد
و بعدها تليفونها رن تاني برقم غريب
الشخص : انا جبت المتبرع و عايزين نتفق
لينا حاولت تتكلم بغموض عشان احمد ميعرفش اللي هي بتعمله
لينا : طلباتك ايه
الشخص : مش هينفع نتكلم في التليفون احنا نتقابل
لينا : تمام فين المكان
الشخص : المكان ........ هنتقابل كمان نص ساعة سلام يا استاذة
في اللحظة دي دخل ابراهيم وروح يحيي كان أتأخر عشان يركن العربية
لينا : منورين يا جماعة و سلمت عليهم ، طب انا هستأذن ورايا مشوار مهم هخلصه و ارجع علطول
يلا سلام
و خرجت و نزلت الجراچ اخدت العربية و مشيت وصلت المكان
لينا : ايه المكان دا مفيش حد خالص غيري انا غبيه ايه اللي جابني هنا ، و صبرت نفسها كله عشان احمد
لقت حد بيخبط علي شباك العربية
و نزلت
لينا : مين حضرتك
الشخص : محسوبك المعلم سيد ، اللي هيتصرف ليكي في المتبرع
لينا : اهاا ... طلبات حضرتك
سيد : عشرة مليون
لينا : نعم دا ليه كل دا ، هو هيتبرع بحياته دا فص من كبده يعني
سيد : و الله يا سنيورة دا يدوب عالاد
لينا : يفتح الله ، متشكرة جدا ليك ، ولسه هتمشي لقت خمس اشخاص موجودين حوالين العربية
وسيد ضحك انتي فاكرة أن دخول الحمام زي خروجه و لا ايه
لينا بشجاعة مزيفة : انت مجنون ولا ايه وسعوا كدا
سيد لسه هيمسك ايديها لقي حد كان بيمسك أيده
يحيي بزعيق : ايدك لو اتمدت عليها انا هقطعهالك
و اتخانقوا و ضرب رجالة سيد و كان في واحد من لسه كان رايح ناحية لينا عشان يضربها بسكينه و في لحظة كان يحيي واقف قدامها و اخد الضربة مكانها و كلهم جريوا لما سمعوا اصوات عربية البوليس
لينا بعياط : يحيي انت كويس ، انا اسفة والله
يحيي بوجع :انا كويس يلا نرجع تعالي و أنا هخلي حد يجيب العربية و ركبوا العربية
يحيي بزعيق : ممكن اعرف كنتي بتعملي ايه في المكان الزفت دا ، انتي ايه مبتفكريش خالص ازاي تواقفي تيجي مكان زي دا و مين دول
لينا بعياط : انا ..... قاطعها يحيي : انتي ايه ، انتي مش شايفة شكلهم كان عامل ازاي ، كنتي هتعملي ايه لو حد كان خطفك ولا مد أيده عليكي
لينا و هي بتمسح دموعها : أنا مكنتش عايزة كل دا يحصل انا كنت بدور علي متبرع عشان الحق ابويا و الموقف اتعاد مليون مرة هعمل كدا .
يحيي حاول يهدي نفسه ، و لينا بتعيط عشان الموقف اللي هي اتحطت فيه
يحيي : خلاص بقي متعيطيش ، عشان ابوكي ميشوفكيش كدا .
لينا : انت عرفت مكاني ازاي
يحيي : كنت بركن العربية و شوفتك و انتي نازلة و مستعجلة
لينا : اهاااا..... شكرا انك انقذتني ، انا عارفة اني غلطت بس انا معرفتش اتحكم في نفسي لازم اضمن أن احمد يبقي كويس
يحيي : محصلش حاجة .
وراحوا المستشفى لينا لقت غفران هناك و حكت ليه اللي حصل كله و أنها عملت التحاليل و أن احمد رفض أنه يعمل العملية قاطعهم الدكتور
الدكتور : انسه لينا
لينا بلهفة : ها يا دكتور النتيجة ظهرت ها ينفع اتبرع صح
الدكتور ببسمة : أيوة ينفع و لو حضرتك موافقة ممكن احدد ميعاد العملية
لينا : تمام انت حدد المعاد وانا جاهزة
غفران طب يلا ندخل لاحمد ولا ايه
لينا : يلا و دخلوا
أحمد : ايه يا لينا كنتوا فين كل دا
لينا : كنت ... اه كنت بكلم الدكتور و خبطت غفران عشان يتكلم و يقنع احمد أنه يعمل العملية
أحمد : ليه كل دا
غفران : اصله كان بيقول أنه لقي متبرع
أحمد : انا قولت لأ مش هعرض حد للموقف دا
غفران : دا واحد ميت و عائلته قررت تتبرع باعضاءه عشان تساعد الناس و كدا يعني حد مش عايش اهو يا احمد
لينا بعيون متسعة و هي تحدث نفسها : يا ابن ال ..... يا غفران وديني لاربيك
غفران : ها يا احمد قولت ايه وافق بقي
أحمد بعد وصلة من الزن من غفران و لينا وافق
لينا طيب يا غفران تعالي عايزاك
و اخدت غفران وراحوا أوضة فاضية
لينا و هي بتجري ورا غفران
لينا : انا يا غفران الكلب حد ميت و الله ما هحلك
غفران بضحك : مش انتي اللي قولتي اقنعه الله
لينا : قولت تقنعه مش تفول عليا و الله ما هسيبك
غفران بضحك : خلاص بقي يا لينا ميبقاش قلبك اسود
وقفت لينا بتعب : قطعت نفسي يا غفران
و تاني يوم الصبح
لينا جمعت ابراهيم و روح و اخواتها
لينا : يا جماعة انا قررت قرار ولازم تعرفوه
فهد : في ايه يا لينا هتتجوزي ولا ايه
لينا : يا جدع بعد الشر ايه اللي انت بتقوله دا ، الكل ضحك
لينا : انا قررت اتبرع لاحمد بفص من كبدي
ابراهيم بصوت عالي : ايه
لينا : ............
ابراهيم : اللي بتقوليه دا استحالة يحصل
ياتري ايه اللي هيحصل في البارت الجاي
يارب البارت يعجبكم 💙
واسفه عالتأخير
أنت تقرأ
أحبها و انتهي الأمر
Romantizmهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
