MABARACIYAH

chp 17_18

*(¯'*•.¸,¤°´✿.｡.:*քʀօʄɨƈɨɛռȶ աʀɨȶɛʀֆ*.:｡.✿'°¤,¸.•*´¯)*

             *MABARACIYAH*
           (mai harshen damo)

тнε αвιℓιтү тσ gυι∂ε ιs тнε мσsт ιмρσятαηт qυαℓιтү α ωяιтεя cαη нαvε, ωε *_ρяσғιcιεηт ωяιтεя's αssσcιαтιση_* ωιℓℓ sнαяε тнεsε qυαℓιтιε.
          

_haƙƙin mallaka_
_*sadi-sakhna*_
(Yar mutan Jama'are)

                                       

Paid book #400
3131951977
Auwal sadiya
First bank

Mai turo kati kuma ta wanann number MTN
09035784150

Mutanen niger su tuntubi wanann number
+227 97 21 16 15

Naƙara shafin free har zuwa page 20,zuwa lokacin inka shiryah kazo a fara dakai ranar juma'a.

      _____________________
Assalamualaikum barkan mu da wannan lokaci *ABMAR COLLECTION* ina nan na kawo muku kayana masu kyau da sauki👌🏻
KAMAR SU:-
Atamfa, Atamfa Mai golden,💁‍♀️
Lace ,Shadda lace
Yadi, Shadda
Abayas💥
Kids wear
Takalmi, jaka, mayafai💥
Sleeping dress, kananan kaya na gayu🔥kayan kitchen,
DA DAI SAURANSU ina Sokoto ina tura kaya ko ina da izinin ubangiji mai son kayana pc ina maraba daku siyan daya ko sari👏🏻domin neman karin bayani sai ku neme ni ta wannan number waya👉08101521252
nagode kwarai da gaske💃💃

                                       

17••18

Hmmm kawai nace daga nan muka shiga cikin gidan sashen inno,dan dama ba yau na farajin karna tambayeta ba,dan haka ba abin mamaki bane a wajena.
Itama inno da ta kalleta yanda nayi tayi,dan abune kaman sabo a wajenmu a tafi da yaro kuma ya dawo.
"Khamriyyah kece kuwa nake gani?"
"Eh nice inno,na sameku lafiyah?"
"Lafiyah ƙalau ƴar nan,yaya mariƙannaki toh?"
"Uhmm ƙalau suke inaga,dan rabona dasu munyi kusan shekara"
"To a wajen wa kike tsawon lokacin?"
"Ina wani gidane daban,suna da mutunci sun riƙeni sosai"
Tana maganar da alama bata son faɗa,wanda hakan yasa itama inno tayi shuru da tambayar tata.
Leƙawa take tana neman anty juwairah inaga da khairiyyah.
"Sabrah inasu khairiyyah ban gansu ba"
Jan hannunta nayi mukayi ƙofar su anty juwairan,ɗakin muka shiga khairyyah tana zaune ita kuma anty juwairah tana kan kujera sunajin littafi na audio.
Saurin sake wayar sukayi da ear piece ɗin lokacin da suka ga khamriyyah a bayana.
Fitowa tayi suka rungume juna itada anty juwairah,kowa yana dariya tareda mararin sake ganin juna.
"Ƴar kanwat dama zan sake ganinki,na ɗauka mun rabu kenan tunda aka tafi dake"
"Ahah anty gani na dawo gareku babu sauran tafiyah kuma"
Sakinta tayi tasake rungume khairiyyah ma wacce ita ma dariyar take.
"Khairiyyah meyasa baki sake girma ba kin wuce sabrah sosai ba,kika barta ta fiki har haka"
"Kijimin anty khamriyyah kema ai sabrah tafiki girma duk da kin fita"
Kaimata duka khmariyya tayi tana haɗe fuska ita a dole an faɗi gaskiyah,dukkanmu dariyah muka saka,ta dawo za'a cigaba kenan.
"Yanda kuke kallona da mamaki kaman idan mutum ya tafi bazai iya dawowa ba ya tafi kenan,ni banga abin mamaki ba,dama fah nace zan dawo.
Kenan idan maryam ma ta dawo mamaki zakuyi irin nawa?"
Fuskarmu ce tayi saurin sanjawa lokacin data sako sunan maryam a hirar,bayama anty juwairah wacce lokaci daya idonta ya kawo kwallah.
Kallon mu take da alamar tambaya cike da son jin abinda yake faruwa,amma kuma bata furtaba da bakinta,dan ita mutum ce da bata son a dameta da tambayoyi,itama kuma tana ƙoƙarin ganin bata dameka sai taji mai yake ranka ba.
Matsawa nayi inda take ina jan majina alamar zuciya ta so take na zubar da hawaye,dan ji nayi abin yadawomin ɗanye a cikin raina.
"Khamriyyah maryam ta tafi baxata dawo ba,an cutar da itah mu kuma an yaudaremu an maida mu tamkar dabbobi wanda za'a ɗauka sanda ake so sanann kuma a kashe babu abinda za'ayi"
Labarin abinda ya faru da maryam na bata tundaga farko har karshe,duk da inayi ina tsayawa saboda yanda abin yake cin raina,anty juwaira kam tuni ta zube a ƙasa tana kuka.
"Khamriyyah sunyi abinda suka ga dama,sun kasheta sun jefar da gawarta,tamkar itaɗin batada daraja irin ta ƴan adam,sanann ga shaidu nan sun nuna wanda sukayi aikin amma kuma an sakesu suna yawonsu tamkar basuyi ba,saima aka ce ƙazafi mukayi musu,sai mun biyasu tara,da ƙyar aka ƙyalemu saboda daga gidan marayun gwamnati muke"
Tunda nake bata labarin dukkanmu kuka muke,amma ita a tsaye take kaman kungi,ta dunƙuke hannunta tareda cije fatar bakinta,idonta kuwa tamkar garwashi yana ruruwa a cikinsa.
Hannunta na kama wanda yake kusada ni amma na gagara buɗeshi ,kallonta nake da alama bata cikin hayyacinta,abinda muka fadane yasaka ta haka kokuma ta tuna wani abu a cikin rayuwarta wanda ya jefata cikin yanayin.
Hannuna na saka ina kaɗawa a kan fuskarta amma da alama batasan inayi ba.
Jijjigata na farayi dan ta fara bani tsoro,
"Ke khamriyyah meya faru dake,kina jina kuwa"
Suma anty juwairah ganin hakan yasa suka matso domin ganin mai yake faruwa.
Dukkanmu haɗuwa mukayi muna jijjigata amma tamkar dutsi haka jikinta yayi.
Sai can kaman wajen minti talatin kafin taja wani zazzafan numfashi mai sauti.
Kallon cikin idona take da alama sanann ta dawo cikin hankalinta,ƙiƙƙifta idanuwanta tayi tareda ƙoƙarin mayar da hawayen dayake son fitowa a idonta.
Mamakine da tausayinta ya kamani ganin yanda hawayen kuwa yake komawa har yazamo babu ko ɗison hawaye a idonta.
A halittar mace da kuka aka santa idan wani abun ya sameta,shikansa na mijima idan abin yayi yawa yakan zama ya zubar da hawaye domin samun salama a zuciyarsa,to ita kuma mai yake damunta da take hukunta kanta ta hanyar hana kanta zubar hawaye.
"Khamriyyah lafiyarki kuwa,,naga kaman kin shiga wani yanayi yanzu"
Jijjiga kai tayi tareda ƙirƙiro murmushi kana tace
"Ahah kawai abinda naji daga bakinkune yasaka ni,amma ita wanda akayiwa ta ƙaremata,ta huta tunda ta koma ga mahaliccinta,babban abinda ya ɗagamin hankalin shine ganin karayar zuciya da kuma ƙunci akan idanuwanku,wanda kuma babu yanda zakuyi ku ɗau fansa domin jin sauƙin hakan.
Wanann shine abinda yafi bata min rai fiyeda mutuwar maryam ɗin,sannan kuma su wanda suka aikata suna nan lafiyarsu ƙalau babu abinda ya samesu bayan mu kuma muna nan da tabon abin a cikin ranmu."
Hannuna na sakala na rungumota jikina,sai duk naji babu daɗi dana fadamata abinda ya faru.
Gani nake kaman laifina ne dana faɗamata,gashi yanzu ta shiga wani yanayi a sanadiyyata.
Inno ce ta aiko yarinyah a ƙiramu,hakan yasa muka bar ƙofar zuwa sashennamu.
Wow inno ranar ta burgemu,a kajinta datake kiwo da ta yanka mana guda biyu,nasan ma banamu bane na dawowar khamriyyah ne.
Da daddare muna zaune ana ci wayar anty juwairah tayi ƙara,kallonmu tayi ta kasa ƙasa kafin ta ɗauki wayar zuwa ɗakinmu.
Sigina nayiwa khamriyyah wacce ta ɗagamin gira alamar ƙarin bayani.
"Uhm uhm shine fah ,yayannamu ne a makaranta suka haɗu lokacin dayake kaiwa ƙanwarsa,ko kuma idan yaje visit,baki ganshi ba kyakykyawa dashi,mun kusa shan biki kawai"
Dariyah khamriyyah tayimin tareda miƙa min hannu muka tafah saiga anty juwairah ta fito,hararar wasa takai mana,inda ganin hakan yasa muka fiske muna dariya ƙasa ƙasa.
"Munafurcina kuke koh,to kuyi da gaske yace wani satin zaizo domin su gana da baba shehu,sai ku shiryah"
Tsalle na tashi na daka tareda faɗawa kanta muka jube a ƙasa,dukkanmu kowa dariyah yasaka,ita kuwa khairyyah sarkin rawa,tashi tayi tafara takawa ana mata tafi.
"Tabbb!! Ai da zazzafan biki a gidannan,dama na anty shamsiyyah bamuda wayo,wannan kuwa ba mai hanamu raƙashewa a bikinnan,koya kika ce khamiriyyah?"
"Kika faɗa a hankali,bikin antyn mu ta kanmu,ai event ɗinmu daban zamuyi shi,sai kunkuminmu ya gurmuɗe dan rawa"
Khairyyah ce ta faɗa,har sanann bata zauna ba sai tsalle tsalle take,khamriyyah ce ta kalleta tareda cewa
"Ana ta zancen biki kina da event ɗin rawa,ke wanann na rasa a ina kika koyo rawa haka"
"Hmm ita da su suhaila sukeyi a makaranta,terayen hostel kikeji"
Harara tayi tareda tsayawa da rawar.
"Kutt rashin mutunci!..nice ma teruwar,ai gwanda ni bana guduwa jeji idan za'ayi aiki,idan an kamani a yimin duka,ko kuma zuwa tsokanar seniour da daddare"
Anty juwairah ce ta kalleni jin abinda khairiyyah ta faɗa,da alama buƙatar ƙarin bayani take
Ganin haka yasa na tashi na shiga ɗakinmu ina ɗaga musu muryar "saida safe".
Har na isa wajen katifata ina jiyo dariyarsu,kuma nasan dani suke ganin na gudu.
Wani farincikine ya jiyarceni ganin dukkanin fuskokinsu sun dawo da annashuwarsu,sanann har cikin raina naji daɗi yanda anty juwairah ta samu mijin dazai aureta,mai sonta sanann mai ƙaunarta,koba komai zata bar wanann gidan bayan tsawon lokacin data ɗauka a ciki.
Dan duk cikin yaran da'ake riƙewa tafi kowa daɗewa a wannan gidan,sannan bawai halinta ne ya hanata rashin miji da wuri ba ,saidai ƙaddara,shiyasa mukafi yin murna data ce mana zaizo yaga iyayenta.
Cikin magagin bacci naji shigowar su khamriyyah suma suka kwanta,sannan kenan suka tashi a hirar.
Idan aka ce kaddara to abune da yariga fata,duk yanda kakai ga son tsallakeshi to bazai taba tsallakuwa ba dole sai ya sameka,kuma dama hausawa suna cewa "kana naka allah ma yanasa"
Mungama dariyah da hira mai daɗi mun kwanta,bamu san ƙarewar kwanciyar hankalinmu kenan,sanann kuma faruwar ƙaddarar shigarmu cikin aikin da bamuyi mafarkin shigarsa ba kenan,daren ranar shine farkon komai sannan darene da bazan taba manta shi ba a tarihin rayuwata,darene daya kafa tarihi a birinin zuƙatanmu wanda yazame mana tabo abin tunawa a koda yaushe.
Cikin daren gari yayi tsitt kowane bawa yana kwance domin samun hutu,bakajin komai sai ƙarar halittun da sukuma sanann suka fito domin samun abinda allah ya horemusu,ƙarar bugowar ƙofar mu ta kuma muryar namiji ne ta sani firgit na tashi tareda jan hijabina a gefe na saka.
Bakina ba abinda yake ambato sai innalillahi wa inna ilaihi raji'un,mai yafaru kuma barayi suka shigo mana gida,mudai bamuda abin duniyah bare suce shi suka zo suka ɗauka.
Tsawa ya dakamana wanda hakan yada mukayi firgigit kowa ta tashi daga kan katifar tata.
Waje suka tunkuɗomu muka fito,dayake akwai nepa tarau tsaƙar gidan yake da haske,kallon mutanen gidan mukayi sahu sahu kowa ya jikinsa rawa yakeyi,dan bai san mai zai faru ba.
Muma sahun layin muka bi inda mukaga wani a tsakiyah yana zaune,gefensa kuma anty juwairah ce a tsugunne tana kakkarwa,to mai ya haɗasu da itah kuma da zai jata kusada shi?
Sauran mutanen gidan aka fitar dukka,kowa sai kuka yake,du inno kam suna rungume da ƙananan yaran wanda suke ta kuka,an tasosu tsakar dare.
Tsawa ya daga mana tareda nuna mana bindiga,wanda hakan yasa kowa yayi tsit kaman ruwa ya cinyeshi.
Sanye suke dukkansu da baƙaƙen kaya sannan kuma da yasaka baƙar fuska.
Kama gashin anty juwairah yayi ya ɗagata lokacin dazai miƙe,yanayi yana kallon duk mutanen dasuke kewaye a wajen.
"Haha wato ke ga wata shegiya koh,da kikaga gawar ƙanwarki maimaikon ki ɗauketa kawai ki yi tafiyarki kaman sauran mutanen sai kika fara bin diddigi keda wanann tsohon koh,miye dan anyiwa yarinyar fyaɗe an cire kodarta,shikenan dan anyimata fyaɗe takasa jurewa ta mutu sai mubar ƙodar a banza bazamu siyar ba,mezakiyi akai dan an kasheta,kina marainiyah wacce aka ɗuri ciki aka haifeta aka jefar da itah,menene amfaninku banda aji daɗi ma daku a sayar daku ɗin.
Dukkan ku ganinku nake kaman bayi a gaban sarki lokacin zamanin jahiliyyah,kuba komai bane,yanzu zamu nuna muku kuba komai ɗin bane ma.
Cire hular kansa yayi bayan ya jefar da anty juwairah a ƙasa,sai kuka take kaman ranta zai fita,amma hakan bai sakashi ko kallonta da idon tausayi ba bare imani.
"Ku kalleni sunana Saifuddeen El bashir,ɗan gidan minister El bashir na garin katsina,a tunanin ku nasaka fuska ne dan ina tsoron ku ganni,baku kai hakan ba,ko karnuka na baku kai ba.
Tunda nake kasuwanci na masu kawomin kaya basu taba samun matsala ba bareni sai akanku,wato kowa anyi masa yayi shuru kuga tsagera koh harda kaiwa ƙara kotu.
Duk faɗin ƙasar nan babu wani wanda ya isa ya ƙarbi kukanku,domin duk wanda zaku kaiwa kukan tare muke dashi,hmmm hadda ɗaukar lawyer,wai kuma hakanma barister bashir"
Maida idona nayi kan khamriyyah jin yadda ta damƙe hannuna jin sunan daya ambata,dama yanayinta kam a lokacin ban ma yi tunanin dubawa ba.
Komawa yayi inda anty juwairah take kwance kafin ya ɗora da cewar.
"Kinyi kuskure yarinyah da kika shigamin hanci,babu wanda ya taba abinda kikayi,idan na barki wasu zasu sakeyi dan haka dole na hukuntaki,badan anyi mata fyaɗene kika tashi hankalinki ba kega mai kishi,to barinayi miki ke naga shin mutuwa zakiyi ko kuma duk ƙaryace abin"
Ihu dukkanmu muka saka jin abinda ya faɗa,hajjah kam ganin yana ƙoƙarin cire rigar jikin anty juwairah tayi kukan kura tareda yin kansa ta riƙe rigarsa da ƙarfi.
Jefarta yayi gefe ta faɗi tareda sake kama anty juwairan.
Muma ƙoƙarin zuwa wajen muka farayi domin hanashi,amma sai yarannasa suka hanamu,sai ya zamo duk wanda yayi motsi a cikin saidai yaji duka ta ko ina.
Rigarta yacire ya jefar tareda sake yaga wandon jikinta ma na bacci.
Kuka take tana kaimasa duka da yaguni amma tamkar tana yiwa dutsi ko a jikinsa,
Ganin da gaske ya saita shirin yimata fyaɗenne yasa dukkanmu muka juya bayan mu,yara ma aka kuyar dasu tareda rufe idonsu da kunnuwansu..
Wata ƙara anty juwairah tasaki mai ƙarfin gaske lokacin da mutumin ya keta darajarta da kuma martabarta na ƴa mace.Abinda tsawon shekaru ta ɗauka tana karewa shiya karbe a lokaci ɗayah batareda amincewarta,yayi mata abinda ko dabba bazata juraba.
Duk abinda ya faru akan idon hajjah wacce ta faɗi lokacin datayi ƙoƙarin hanashi.
Akan idonta ya ketawa ƴar tata darajarta,abinda tayi ta ƙoƙarin itama karemata tana yarinyah,har yazamo tayi hankali tana kulada abinda,shiyasa yasaka gabansa mai ƙazanta mai zunubi yaketa batareda imani ba.
Tunda anty juwairah tasaki wanann ihun naji wani abu mai tsiini yasokeni a cikin raina,na tabbatar suma sauran wanda suke tareda ni sunji haka aransu.
Dan abin ya wuce mutum yayi kuka ma.
Tashi yayi daga inda anty juwairan take kwance ko motsi batayi,.
Wani lashe baki yayi tareda zuge ziff ɗin wandonsa.
"Kai amma fah kinada zaƙi sosai,gaskiyah dole na yaba miki,gaki kuwa budurwa zam zam,nagode fah da wanann kyautar"
A juciye hajjah ta miƙe daga kwancen ta dake ta kalleshi,idonta babu komai a cikinsa sai tsagwaron bacin rai.
Kai tsinannane la'annanan allah,ko kafiri sai ya fika ganin rahamar Allah,ka ketawa ƴata budurcinta a gaban idona,wuta ce inda zaka shiga tsinannane kawai"
Hakan bai isheta ba taje ta kama wuyansa tareda jijjigashi,kai kana ganin haka kasan babu tsoro a ranta,abinda takeji ya wuce gaban tsoro.
"Ka kasheni kasheni da da wannan aika aikar dakayi mana,kuma inshaallah sai kaga yanda rayuwarka zata ƙare"
Kamata yayi tareda shaƙe wuyanta,kakarin rashin numfashi tafarayi abinka da tsufah amma bai saketa ba har jikinta yah shika kafin ya jefar da itah a wajen.
Kallonsu yayi a kwance ƴa da uwar,da wacce yayiwa fyaɗe sanann kuma da wacce ya kashe,kowaccensu ya tsayar da mafarkinta da kuma bugun zuciyarta,gwanda wacce ta mutuma ta yanke rayuwar duniyah amma wacce akayiwa fyaɗe taya za'a tsammaci wani cigaba a rayuwarta.
Tsallekesu yayi ya wuce bayan yayi musu kallon karshe,suma yarannasa bin bayan sa sukayi suna wani huhhura hanci.
Abinda akayi mana abune nayin kuka da kuma alhini,saidai kaff cikinmu babu wanda ya samu damar yin kukan,saima zubewa da mukayi a wajen mun tsira musu idon kawai.
Khamriyyah ce duk cikinmu ta tashi tareda ɗaukar rigar anty juwairah a inda mutumin ya jefar mata.
Isa tayi gareta tareda rufemata kirjinta,hijabinta ta sake cirowa tasaka mata lokacin data miƙe daga kwancen datake.
Duk abinda khamriyyan take mata bata lura ba,hankalinta yana kan hajja uwa a gareta wacce ta rasa ranta sanadiyyar ƙoƙarin karemata mutuncinta,amma batayi nasara ba saima rasa ranta,yayinda shikuma yayi abinda yai niyyah kuma ya tafi hankali kawance,kaman yanda ya faɗa kuwa duk inda zasu kai kukansu babu wanda zai jisu.
"Anty juwairah tashi mushiga ciki,bazan iya rarrashinki ba amma kuma kina buƙatar barin wajennan yanxu"
Yarda tayi da zancen khamriyyan ta tashi da ƙyar tana runtse ido,dan baƙaramin rauni yayi mata ba, da saninsa.
Hanyar sashennasu suka nufah,mukuma muka tattara yaran domin shiga dasu,yayinda su inno kuma suka matsa domin kulada gawar hajjan.
Wanann daren haka ya waye mana baƙiƙƙirin,duk da safiyah tayi rana da fito amma garemu baƙine siɗik tamkar ƙarfe shabiyu.
Tun sassafe mutane aka fara shigowa gidan,wasu na kuka wasu kuma na ajjabi.
Anan ne labari yazo ashe sunje gidan baba shehu ma sunyi masa aika aika,yanzu haka an tafi dashi asibitin garin katsina a daren,shida iyalansa gabaɗayah,zai rayu ko bazai rayu ba allah ne kaɗai masani.
Tashin hankali goma da ishirin haka muka afka cikin sa a wanann lokacin,ga jana'iazar marigayiya hajja da akayi ga kuma abinda yafaru da antyn juwairah,tun lokacin da khamriyyah tajata suka shiga ɗakinta har yanzu yau kwana uku kenan amma bata fito ba,iyakacinta taje banɗaki ta dawo,ƙawayaenta ma har sukazo gaisuwa suka tafi basu ganta ba,saidai dole a samu wani abu a fada musu,wasu kuma sun ɗauka zafin mutuwane yasaka ta cikin halin data ke ciki.
A ranar da'akayi sadakar uku kowa ya kama gabansa,aka bar iyamu da alhinin rashinta kawai.
A zaune nake nifa khamriyya a bayan gidan munyi shuru babu wanda yakewa wani magana,dan rabonmu dayin magana a tsakanin mu tun lokacin da akayi hira gabannin wanann mummunan daren ya afku.
Kallonta nayi ganin yanda ta tsirawa wani waje ido ko ƙiftawa da kyau batayi sosai,komai take tunani allan ne kaɗai masani,tsorona ɗaya karta sake faɗawa cikin halin data shiga lokacin da taji labarin maryam.
Jijjigata nayi a hankali kaman mai tsoron daba jikinta,bata kalleni ba amma da alama taji tabatan danayi.
"Kina tsoron ko bana jin kine sabrah,ina cikin hankalinna,kawai abinne hankalinnawa yakasa gasgatashi har yanzu,wai an kashe hajjah kuma .........kuma wai abin takaicin ma an ketawa antyn mu guda ɗayah damuke da itah ta rage mana,wacce zamu garera mukai kukanmu ta amsheshi hannu biyu,yau itace aka ketawa mafarki da komai nata a gabanmu amma muka kasa yin komai akai sabrah,wannan abin yafi komai tada min hankali,idan na zauna ban ɗau fansaba nima zan iya rasa raina sanadiyyar haka"
Sharrr idona yake zubar da hawaye lokacin da maganganunnata suke dukan dodon kunnena,na rasa mai zance akan lamarin.
"Babu yanda zamuyi khamriyyah haƙuri zamuyi sanann mu tuna jarabawa ce wacce tana kan kowa da kowa,yanzu dai muje wajenta muga wane hali take ciki,dan abu yakusa sati guda amma babu wanda ya take,taƙi yarda ta nuna fuskarta bare a ga yanayinta,ni ina tunanin tana buƙatar mu kusada itah yanda zamu ɗauke mata kewa sanann kuma muji matsalarta"
Tashi khamriyyah tayi bata ce komai ba muka nufi sashen mu ,dam inno ta ɗaukota daga can tunda babu kowa,sannan dole sai ana saka mata ido kartayi ƙoƙarin yin wani abu dazai ta'ba lafiyarta.
Shiga mukayi ɗakin datake a hankali kaman masu tsoron kada taji shigowarmu,a zaune take a tsakiyar gadon inno ta saka kanta a tsakanin cinyoyinta,dan fuskarta ma bata ɗagota saidai idan wani abu zatayi.
Zama mukayi akan gadon tareda tsura mata,mun kasa cewa komai.
Cikin raunanniyar muryah mukaji tana magana,da alama ta kulada shigowarmu wajen.
"Khamriyyah......nasan kune kuka zo,badan komai ba saidan kun damu da wane hali nake ciki,kkk....karku damu kunji,bazanyi wani abun dazai ƙara tada hankalinku ba bayan wanda ya tashi a baya,ina lafiya ku kwantar da hankalinku ku cigaba da rayuwarku kaman yanda kuka saba,abinda ya sameni kada ya ta'ba rayuwarku,"
Kuka na fashe dashi mai ƙarfi,dan gaskiya nagama iya ƙoƙarina wajen riƙe kukan,rarrafawa nayi har inda take na rugumeta tareda ƙara sautin kukana,nikam bazan iya jurewa ba.
"Anty........dan allah ki daina wanann zaman,wlh zai iya ta'ba lafiyarki,kisani abinda yafaru dake ba iyah ke kaɗai ya shafa ba harda mu,zamanki a nan wajen kuma ƙara saka damuwa zayyi a zuƙatanmu,dan allah badan muba saidan allah dayafikowa sonki kuma shine ya jarrabeki dan yaga ƙafin imaninki,ki taimakemu ki dawo yanda kike da,kinji antynah"
Ɗago da fusakarta tayi wacce ta kumburah suntum,idanuwanta da ƙyar ake kallonsu,gashi sunyi jawur kaman gautah,kwata kwata da sanja kamanni kaman ba itaba.
Zaburah nayi tareda matsawa baya ina ƙarewa fuskarta ta kallo,dama haka fuskarta ta koma shiyasa take 'boyewa bata son kowa yagani.
Hannuna nakai kan kumatunta na lotsa shi,saikace ba fuskar mutum ba.
"Anty....kkkki..kiga fuskarki kuma a hakan kice lafiyarki kalau babu komai,wanann ne ba komai ba da har zamu iya kwantar da hankalinmu mu cigaba da rayuwarmu kaman ko yaushe?"
Wayar tace a gefe tayi ƙara,khamriyyah ce ta ɗauka dayake tana gefenta wayar,ganin sunan Ammar saurayin anty juwaira yasa ta miƙamata wayar.
Idonta ta sauƙe akan sunan tareda jijjigawa alamar bazata ɗauka ba.
Khamriyyah batayi wata wata ba ta dannan amsa ƙiran tareda karawa a kunnenta.
Sallama tafara yimasa tareda cewa mai wayar bata kusa.
Wani abu ya faɗamata,can sai tace toh,kana ta ajiye wayar tana kallonmu,muma kallonta muke da alamar ta faɗa mai yace.
"Anty juwairah ki shiryah yace gobe yana hanyar zuwa garinnan,daga garinsu Ɗan-musa.
Kafin zuwansa ya kamata ki bar kukannan ki tunkareshi tareda faɗa masa gaskiyah,inya amince dake ki zana rayuwarki dashi,idam bai amince ba ki fitar dashi daga rayuwarki kana ki cigaba daga inda kika tsayah,wannan zamannaki a nan wajen yana illata ki tareda mu gabaki ɗayah,bazamu juri hakan ba"
Tana gama faɗar hakan ta kama hanya tabar ɗakin.

Allah ya kaimu goben toh........

Taku
_sadi-sakhna_
Ƴar mutan jama'are.