جيت إلك ولهان وعيونك دروب

البارت الثالث والعشرون

الـكـاتـبـة : عـلـيـا الـنـاصـر

جـيـت إلـك ولـهـان وعـيـونـك دروب

الـبـارت : الـ 23

عمر : لا يا الكلللللب يا السافل وخاف نور ما ذبحك اليوم والله لا ذبحك يصير على إيدي

صگبان : شوف عاد هذا شرطي تتنازلي عنها لريم وتجيبها اليه من الصبح أتنازل عنه لنور ويكون بعلمك لو ما جبتها إنتَ أنة عندي هوايه طرق أگدر أجيبها
بيها ومنها أخلي جماعتي اللي برى يجيبونها وبأسرع وكت لكني ما أريد أسوي هوسة حالياً وعلى شنو أدخلهم وأني أگدر أجيبها لعندي وبرضاتها وبدون ما أكلف على نفسي

عمر : بصياح ولك سافل قذر گو .. اليوم أنعل أبوك لا أبو جماعتك لا أبو عشيرتك المگطمة وخنگة وصگبان گام يرفس جوى إيدة ويصيح طلال وشهم وصلوا بهالأثناء ومن سمعوا صياحه لعمر ركضوا دخلوا للغرفة وسحبوا بالگوة من عنده وخلصوا لصگبان من بين إيديه وخروا عوفوني وگام يدفع بيهم لطلال وشهم

شهم : ولك شبيك تخبلت إنتَ يعني گتلنا راح تتفاهم ويا وإحنة صدگنا بيك نجي نلاگيك تخنگ بي وتريد تموته عود هاي إنتَ العاقل هيچي تسوي

صگبان : خليكم شاهدين على سوايتة وإنتَ يا إبن الشيوخ ترضها يتعدى عليه وهاي فوگ زينيتي وگتلة موافق نتفاهم وبلغته بشرطي

عمر : صاح بي أكل نعل وأكبر حيوان اللي يقدرك ويتفاهم وياك يا خايس وهجم عليه

طلال : بعده بالگوة عن صگبان وطلعة برى الغرفة وشهم هم طلع ويا طول بالك مو هيچي وهاي عود إنتَ تعرف شنو هي طينته لا تسمحلة يستفزك بهالطريقة هذي ويخليك تغلط وتفقد أعصابك وما تگدر بعد تتحكم بيها ومن جوي جماعتة لصگبان ورادوا يهدون على عمر لأن سمعوا صوت العياط والهوسة بعدهم وما سمحلهم يتقربون عليه ويمسونه والله اللي يتقرب يحسب الله ما خلقة وكلامي موجه للكل فلا تحاولون ولا تخلوني أحطكم بالي والله أندمكم عالساعة اللي لفيتوا بيها على هذا الخايس اللي جوى

شهم : همسله كافي عمر لا تسوي مصايب وخلينه نسايسهم هاليومين لما الله يفرجها

عمر : من شافها لريم گاعدة تشهگ وتبچي بين جدتها ونعمه وهذوله الوسخين يناظرونها بنظرات مقرفة وهومنا فقدها لأعصابة بسبب صگبان راح عليها وسحبها من ذراعها وگفها وهزها بقوة وبفحيح ومن بين سنونة مرة ثانية من واحد يگلچ على كلام إسمعيه ولا تعاندين وهسة تمشين تروحين منا ودقيقة وحدة بعد ما تظلين ويا ويلچ يا ريم لو عاندتي ورفضتي تروحين