الحياة اتخلينه نتوقع اكثر من الممكن وتصدمنه بشغلات ممحضريله او مستحيل نتخيل ممكن تحصل بس الشي الي متخيلته ممكن يصير بل افلام صار وياي
مرحبا خلي اعرفكم علا نفسي اني ريم بدت قصتي من لما كان عمري 16 اني حنطاويه ماكللكم سمره ولا بيضه يعني عادي كلش طولي 165 وزني بل 50 اعتقد بنيه طموحه احب احقق نجاحات اني ابد ابد ابد مو ضعيفه ولا رقيقه مثل ميكولون شوفو صح اني ضعيفه كقوى لاكن قويه كشخصيه وحكمه عشت بضروف كلش قاسيه اخلي الاحداث استمتعوا بيهه
كعدت علا منبه بل6:30 سبحت وبدلت وردت اطلع من البيت التفتت علا صوت ابوي وهوه يصيحني
عامر(ابو ريم):سوينه ريوك قبل لطلعين تركتج امج وذبتج عليه ابتلي بيج
ريم:اخذت نفس وجاوبت
بويه شنو لزومه هلحجي
ابو عامر:لتراددين ولج وفوتي سوي ريوك
ريم:بكل هدوء حطيت الجنطه علا صفحه وفتت للمطبخ لاارادي نزلت دمعتي
ليش يمه تركتيني هنا ليش مخذتيني وياج هناك ارتاح
امي اتوفت من جان عمري 10 سنين موتهه جان صدمه كاعده بين النسوان شلون يلطمن وهاي التصرخ وهاي الدك وهاي الي تكطع بشعرهه واني بينهم كاعده وبس صافنه من لما جان عمري10 سنين وبذاك اليوم بذات من خسرت امي الي جانت الاقرب الي اجاني تبلد وخسرت السعادة تخيلو ابويه من ثاني يوم كومني وهوه يضربني كومي نضفي واطبخي واني كلشي ماعرف من الخوف بس ساكته وماحجي وبديت اتعلم من العدم بلوكت الجانت البنيه بعمري تدرس وتطلع ويه عائلتهه اني والالف البنات الي مثل حالي جنه انعاني من فقدان الام
كعدت اسوي ريوك خليته وصحت ابوي
ريم:بويه تعال اكل
خليت الاكل وطلعت حته بدون ماسمع جوابه لان من صدك تعبت وخسرت حياتي وسعاتي رحت للمدرسه وبده اول درس دخلت متاخره وكوه بالف ياعلي خلتني المدرسه ادخل كعدت يم صديقه عمري الي من صدك لولها جان اني ميته واشكيلهه همي وتعبي وتدري بحالتي رغم شكل لبسي الموحلو جانت علمودي ماتتباها بلملابس والخاطري تتعمد ماتلبس لبس حلو خلص اول درس واجت الفرصه
اساور: ها حب شلونج شو موعلا بعضج خير صاير شي
ريم:ها لا ابد مصاير شي بس تعرفين تعبانه هلفتره وشغل البيت وكلام الحلو من ابويه الي يكومني ويكعدني بي تعرفين
اساور:ييوووهههه الله يساعدج والله ماكول بس الله يعينج
مر اول وثاني درس
جان تجيني طالبه
الطالبه:ريم المديره تريدج
ريم:مكلتلج شتريد مني
الطالبه:لا والله مشفت بس شفت ابوج طلع من الاداره قبل شويه
ريم:من كالت هيج كلبي نغزني عرفت اكو شي
وحت وراحت وياي اساور دخلت سلمت وكعدت
المديره:تعاي حبيبتي تفضلي
ريم:تفضلي ست رايدتني
المديره:اي حبيبتي شوفي مبدائيا انتي من الطالبات المميزات عندي كمستواى واخلاق وماشفت منج الموزينه بس تعرفين مرات الحياة تودينه بدوامه مالهه نهايه
ريم:اشكرج ست بس ليش هل كلام خوفتيني
المديره:ماما ابوج بطلج من المدرسه
ريم:من بين ابتسامتي طلعت شهكه مني ومن اساور الي مو اقل مني صدمه جنت كلشي متوقعه من بابا اله هلشي لانو بمدرسه حكومي وحته ملابس ما طلب هسه اني ثالث وملابسي من السادس متخيلين فمكلت شي غير
ريم:شكرا ست
خليت وطلعت ورحت المكان معزول بلمدرسه ركعت علا ركبي وكمت اشهك وابجي واصرخ لايرابي ليش هيج اشو حته مومثل البنات لاطلعه ولاطبه ولا لبس ولا اهل ولا اي شي ليش هيج تعبت
اساور واكفه وبس تبجي وتشهك مثلي حضنتني وكمنا نبجي ثنينه اخر شي استسلمت للامر الواقع وكمت بدون صوت اخذت جنطتي وردت اطلع وكفني صوت لطالما اطاني الامل بل حياة
اساور:يعني هايهيه حتركيني وترحين
ريم درت وجهي والدموع غدرتني حضنتهه
ريم:الله كريم حبيبتي الله كريم الله ياخذ ويطي الاثمن تحملت هواي عادي اتحمل هذا ااههخخخ يلا خليني اروح واني اشوفج مبتسمه
ابتسمت اساور وبستهه وطلعت ومشيت بل طريق وكوه امشي علا رجلي
وصلت للبيت
ريم:ليش بويه هيج ليش شنو سويتلك اني ليش جاي تقهرني بهاي الطريقه
ابو ريم:شوفي مسؤليتج تعبتني وماعندي اصرف عليج
واكو شي اريد اكوله
انتي.....
مرحبا شلونكم متحمسه هاي اول قصه اليه😂💗
وكلولي رايكم بل غلاف وسرد القصه عجبكم ؟
بلنسبه للتنزيل حسب التفاعل وذا اكو تفاعل حيتحدد التنزيل
احبكم باي 💗
أنت تقرأ
ذكراك لم تفارقني
Randomنعيش في احداث تجعلنا نستسلم للحياة لكن في بعض الاحيان نجد خيط النجاة في هذه الاحداث
