احرصوا على استغلال أعماركم في بناء دينكم وتدينكم
- د. محمد الغليظ
_____________________
جاسر:طب يلا علشان اوصلك البيت،قصدي اوصلكوا البيت.
هاجر: ناااااااااعم توصل مين البيت.
جاسر:ف اي مالك هوصلكوا عادي.
هاجر:هو اي اللى عادي دي لأ طبعاً مينفعش،انا لسه مش خطيبتك.
جاسر: أنا استأذنت من والدك وهو وافق وبعدين خلاص الأسبوع دا وهتبقي خطيبتي.
هاجر بإصرار: لأ برضو مش هركب معاك احنا هنروح وبتكمل كلامها لقت نفسها مرفوعه من ع الأرض وجاسر شايلها ع كتفه .
مليكة واقفه بتضحك ع هاجر وهي عماله تضرب في جاسر وبتتحرك بعشوائية ف الهوا...
خرج جاسر بيها وسط كل عيون الطلاب المتسلطة عليهم وهاجر مكسوفه:نزلني بقي كفايه بيبصوا علينا .
جاسر: خليهم يبصوا علينا ملهمش حاجه عندي.
طلعوا من الحرم الجامعي وجاسر ساق العربية ووصلهم البيت.
_________________
عند صقر
صحي من النوم ودخل ياخد شاوور وطلع لافف الفوطه حول خصرة ودخل اوضه الملابس الملحقة بالغرفه ولبس تي شيرت ابيض وشورت ازرق ع كوتشي رياضي وسرح شعرة بطريقه جذابه وشبابيه وحط برفانه الخاص اللى بيسحر النساء .
خرج من الفيلا وساق عربيته وانطلق تجاه الشركة.
دخل وسط عيون الموظفين واستغرابهم من اللبس بتاعه لأنه بيجي الشركه بلبس رسمي دائما .
خلع النظارة وبص للسكرتيرة:ابعتي ورايا حسام وتعملي قهوتي وتجبيها.
هايدي:حاضر يفندم
دخل قعد ع المكتب مستني حسام ،شويه ودخل حسام وصقر كان سرحان.
حسام:صاصاااا أبو الصحاب.
صقر بغضب:انت يلا مش ف باب تخبط عليه قبل ما تدخل ولا انت داخل عزبه اهلك
حسام بحزن :اهلي شكراً،عايز اي يصقر باشا.
صقر ف نفسه:أنا قولت كدا ليه مكنش قصدي اجرحه ولا افكره بيهم،وقام وقف قدامه :حسام متزعلش مني انا بس مش عارف مالي اليومين دول متعصب شويه (جماعه حسام أهله متوفين ف حادثه وهو كان صغير ،وهو ملوش حد غير صقر هما صحاب من وهما صغيرين)...
حسام وهو لسه زعلان:ماشي عايزني ف اي.
صقر :انت لسه زعلان أنا عارف ،بس انت اللى غلطان كذا مرة اقولك خبط ع الباب قبل ما تدخل.
حسام:حاضر مش هكررها تاني يفندم،تقدر تقولي عايزني ف اي لأن عايز أروح أكمل ترتيب ورق الصفقة الجديدة.
صقر حضنه: متزعلش مني انت اخويا ،دا أنا بحبك اكتر من جاسر أنا بقضي كل يومي معاك أنت اكتر واحد ،خلاص بقي متزعلش انت عارف اني مكنش قصدي.
حسام:خلاص مش زعلان،وراح قعد هاااا بقي عايز مني ايه اخلص.
صقر وراح قعد ع المكتب: منا كنت عايزك علشان الصفقة، احنا لازم ناخد الصفقه دي بأي شكل ،والوفد الفرنسي جي هنا يتمموا الصفقه وهنمضي التعاقد ف فرنسا، اه وعايزك تعرف مين قدامنا ف الصفقه دي وتجبلي كل المعلومات عنه.
حسام : متخافش هنخدها زي اي صفقه بندخل فيها،اما بقي للي قدامنا انا عارفه.
صقر:مين اخلص قول.
حسام:س س سليم المنشاوي.
صقر بغضب:مين سليم دخل فيها ازاي أنا مخسرة الشركه ،مين اللى موله ف الفلوس .
حسام:صقر انت ناسي أن سليم مش سهل وليه تعارف كتير ويقدروا يسندوه واهو رجع تاني.
صقر بشر:تمام اووي،هاا ف جديد.
حسام فهم قصدة: لأ مفيش جديد بتسأل ليه تاني انت مش عرفت عنها كل حاجه عايز منها أي تاني.
صقر فهم تلميحاته: عايز اكمل انتقامي منها واعلمها الادب.
حسام:كدا كفايه يصقر مفيش اكتر من اللى انت عملته فيها.
صقر بحده:ملكش دعوه انت انا لسه أخري مجاش ويلا روح ع مكتبك.
حسام:خلاص انت حر وخرج من عنده.
وصقر قعد يشتغل ع الصفقه ويراجع العقود.
_________________
عند هاجر
طلعت هي ومليكه ودخلت:فين بابا يماما.
نيرا:مالك يبت انتي جايه من برا متعصبه ليه كدا.
مليكة:علشان الدكتور جاسر وصلنا هنا فهي مكنتش راضيه تركب معاه فهو شالها وركبها غصب عنها.
نيرا بضحك:هو عمل كدا فيكي،هو استأذن مننا واحنا وفقنا لأن هتتخطبوا الاسبوع الجاي هو حدد معاد مع ابوكي .
هاجر افتكرت كلامه وهو يقولها أن خطوبتهم الاسبوع الجاي صرخت:هو ازاي يقرر كدا من نفسه أن خطوبتنا الاسبوع الجاي ،طيب أنا بقي مش موافقه .
نادر:مش موافقه ع اي يهاجر.
مليكة:طب اروح أنا سلام عليكووو.
هاجر: إني اتخطب جاسر
نادر:تعالي ف اوضتك نتكلم لوحدنا .
ودخلوا نادر: مالك بقي حصل اي علشان تعملي كل دا.
هاجر حكت ليه كل شيء وقالت:انت ازاي يابابا توافق ع كدا.
نادر: يبنتي هو طلب مني أنه يوصلك لانه خايف عليكي من ساعت اخر مرة.
هاجر:بس يا بابا .
نادر:خلاص يهاجر انتوا ناقص أسبوع وتتخطبوا .
هاجر:مش هتخطب ليه،هو ازاي يقرر كدا لوحده وميقوليش أن خطوبتنا الاسبوع الجاي.
نادر:هو جالي وحددنا المعاد وهو مقالكيش لأن كان عملهالك مفاجاه وهو كان فرحان اني وافقت ع المعاد لأن كنت عليها بعد شهر ، بصي فكري كويس وانا شايفه بيحبك وشاب محترم متتسرعيش ف لحظه غضب وراجعي نفسك .
هاجر:حاضر يا بابا ،ممكن تسبني لاني تعبانه وعايزة أنام.
نادر باس رأسها:ارتاحي وفكري ف كلامي ولو مقتنعتيش محدش هيجبرك ع حاجه يحبيبتي.
هاجر هزت راسها وسكتت ونادر خرج وهي فضلت تفكر في جاسر.
___________________
بليل عند مليكة
كانت قاعده بتذاكر علشان الامتحان قطع تركيزها رسالة ع الواتس من رقم غريب .
المجهول:ناقص ايام وتبقي احلي مهندسه بس لازم تجيبي امتياز زي كل سنة .
مليكة:مين
المجهول:مش لازم تعرفي انا مين دلوقتي.
مليكة:لو مقولتش انت مين هعمل بلوك
المجهول:مش هتقدري لأن فضولك هيقتلك.
مليكه بخبث:طب انت مين ومش هعمل بلوك.
المجهول:منا قولت مش هقولك ومش هتعملي برضو بلوك.
مليكة:كدا طيب احلي بلوك.
وعملت ليه بلوك ،وقالت :قال فاكرني قال مش هقدر اعمل لأ ميعرفنيش أنا مليكة ومحدش يقدر يتحداني.
قطع كلامها رن الفون وهو نفس رقم اللى كلمها،فهي ردت.
المجهول: لأ أنا عارف انك تقدري تعملي كدا يقطتي.
مليكة مصدومه :اي دا انت عرفت ازاي اني قولت كدا.
المجهول ضحك:أنا عارف عنك كل حاجه ف وقتها يقطتي،سلاام .
وقفل معاها وهي فضلت تفكر هو ممكن يكون مين لحد مغلبها النوم وراحت ف ثبات عميق .
______________________
عند صقر
كالعادة ف الملهي الليلي night club وسكران ومعاه بنت ومرة واحدة راح زقها بعيد عنه،وقام وقف وهو بيروح يمين وشمال مسكوة الجارد بتوعه ،راح مزعق فيهم:ابعدوا عني أنا همشي لوحدي محدش فيكوا يسندني .
هما بعدوا عن طريقه وراح ع عربيته وساق وراح ع الفيلا.
دخل شافته نرمين جريت عليه ومسكته:يبني حرام عليك نفسك بقي ليه تتعب نفسك وتتعبنا معاك.
صقر: محدش ليه دعوةبيا انتوا فاهمين مش علشان انتوا قاعدين معايا تدخلوا ف اللى بعمله.
نزل ع صوتهم جاسر:اي ف اي يماما،واتفاجئ من شكل صقر المبهدل:انت سكران برضو حرام عليك نفسك .
صقر بحده:انت متدخلش ف حاجه تخصني انت فاهم، مفيش حد هنا يحاسبني ع اي حاجه أنا بعملها.
وسابهم وطلع ع أوضته ،دخل رمي نفسه ع السرير من التعب.
____________________
ف الصباح
مليكة صحيت ودخلت تاخد شاور واتوضت وطلعت أدت فرضها ولبست ونزلت ع البحر.
مليكة وصلت ونزلت ع الأرض وصرخت بصوت كله وجع وألم ، ياربي ساعدني أنا مليش غيرك انت عارف أنه كان غصب عني ،انا ببين قدامهم أن أنا طبيعيه ومفييش حاجه لكن من جوايا بموت، لو حد عرف منهم همووت، وهمست أنا بكرهك...
جه حد من وراها وقال:.....................
مليكة بصدمه :انت .
يترا مين هو المجهول ؟
وهاجر هتمكل مع جاسر ولا هتسيبه!
ومين المجهول التاني دا؟
كل دا هنعرفه ف البارت الجديد.
✍️/ Basmala Mahmoud
