Fatima_Al-juboory
ما اخفته القلوب ، اظهرته المواقف !
،،،،،،،،،،،،
صار وقت الامتحانات ورحت اول يوم
وكلبي يدك ميت الف دكه بلثانيه واقرا ايات وادعي دخلنه للقاعه دورت اسمي
وكعدت واني اندعي واستغفر على ما صاحو الاسماء وقعوا وهاي الدوخه وزعوا الاسئله
ماباوعت عليها قريت سوره الحمدُ وباوعت عليها من شفتها حسيت توني تنفست
جانت زينه ومو صعبه كولش هيج مرت الامتحانات وره مده علنو النتائج جنت لازمه كلبي وخايفه خاف واكعه بدرس لو راسبه
بس من استلمتها وشفتها طرت من الفرح
معدلي بل75رجعنه واني طايره من الفرح
باركتلي اختي واخوي هم وطبعاً اولهم اسر
وكالي هديتج اجهزج للكليه جانت بيومها
ماواسعتني الفرحه مرت الايام والاشهر عاديه
صار لازم اقدم جنت احب اصير مدرسه قدمت وره مده طلعن القبولات
وطلع قبولي مدرسه عربي جامعه الكوفه فرحت حيل لان اختصاص حلو ونفس الجامعه اني واختي بس فرق الاقسام هيه صيدله
واني تدريس عربي داومت اختي قبلي لان المرحله الاولى تتأخر طلعنه اني واسر
ونفذ وعده الي اخذني للسوك وجهزني من كولشي من ، فساتين ، تنانير ، قمصان ، احذيه جنط ، حجابات ، اكسسوارات ، ماخله شي
ماشتراه الي واني جنت فرحانه اجهز روحي وراح ادخل جامعه شي جديد وحلو
مرت الايام منا لمن صار لازم اداوم كعدت من الصبح حضرت روحي ونزلت دخلت
للمطبخ شفت اسر
رنس...صباح الخير
اسر...صباح النور ، تعاي اتريكي ميصير تطلعين بدون ريوك
رنس...لا ماشتهي
اسر...تعاي اكلي وبدون حجي زايد رنسسسسس
رنس...خفت من خزرته وتشديده ع اسمي بسرعه كعدت اتريك ويا بدون ماحجي
كملنه كمنه طلعنه وكفت بالباب واني اباوع ع السياره الي مطبوكه بالباب باوعت ع اسر
وحجيت رنس.....هاي مالمن؟! ، شفته ابتسم وحجه
اسر...مالتي اشتريتها عجبتج؟!
رنس....ابتسمت وحجيت ، ايي حلوه ع الخير
اسر....الخير يصيب كلبج يا وجه الخير كله
رنس...ابتسمت ونصيت راسي مدري ليش خجلت من كلامه مع انو مو اول مره هوه يحجي هيج وياي
بس مادري هل مرة حسيتها غير نبرته لامست گلبي وفز منها ،
راح صعد وشغل السياره جان موديلها جديد لونها ابيض وحلوه
صعدت ويا وصلني دخلت واني مرتبكه وماندل شي رحت ع قسمي اندليت القاعه
دخلت وكعدت بستول معزول بدت الطلاب تدخل واحد يتعرف ع الثاني بنات وشباب
وره نص ساعه اكثر اقل دخل استاذ عرفنه عن نفسه جان اسمه استاذ حسين وعمره 35 وبده يتعرف ع الطلاب
وصل الي من كثر ما مستحيه وخجلانه بلكوه حجيت وهوه اصلا ماسمعني
استاذ حسين...ممكن ترفعين صوتج مدا اسمعج
رنس...عليت صوتي وحجيت بس خجلانه لان كولها ساكته ويستمعون تعرف ع البقيه وطلع
أنت تقرأ
رنس والعقيد اسر
Roman d'amourالقصه راح تكون مختلفه عن البقيه بين رنس واسر مختلفون بشكلهم وشخصياتهم بس الي راح يجمعهم العناد والغرور رنس قصتها حزينه م̷ـــِْن الطفوله وبعد ماتخلص مراحل الطفوله راح تجي صعوبات بلحب ❤️ بتاريخ 2022/5/15 ولحد الان مستمره
