ဂန္တဝင်ဂိုဏ်းချုပ် အတွဲ(၄) Unicode

အပိုင်း ၈၀၁ - ၈၀၂

စာစဥ် ၄၂ : အပိုင်း ၁၁

အပိုင်း ၈၀၁ : ကြီးကြီးမားမား ကစားခြင်း

ခွဲခြားဆက်ဆံခြင်း ခံလိုက်ရသောအခါ ရွှမ်းလီသည် သူမကိုယ်သူမ ဖော်ပြလိုက်၍ တံခါး၏ အခြားတစ်ဘက်မှ သီးသန့်လေဟာနယ်ကို အမူအရာ ကင်းမဲ့စွာဖြင့် စိုက်ကြည့်နေခဲ့သည်။ သူမ၏ မျက်လုံးအစုံတို့မှာ အနီရောင် အလင်းတန်းများဖြင့် စတင်လင်းလက်လာခဲ့၏။

သို့သော်လည်း ထိုသီးသန့်လေဟာနယ်၏ ဓားကိုဆန့်ကျင်မှုမှာ ပို၍ ပြင်းထန်လာခဲ့သည်။ သူသည် သူ၏လွှမ်းမိုးမှုကို ကျယ်ပြန့်စေခဲ့၍ ရွှမ်းလီအား ဖိနှိပ်လိုက်သည်။

နှစ်ဦးနှစ်ဘက်တို့၏ အော်ရာတို့သည် ပဋိပက္ခများ ဖြစ်နေကြသည်။ ရွှမ်းလီ၏ မျက်လုံးများ အတွင်းမှ အနီရောင် အလင်းတန်းတို့သည် ပို၍ပို၍ ပြင်းထန်လာခဲ့သည်။ သို့သော်လည်း လင်းဖုန်းက သူမအား ရပ်တန့်ရန် အချက်ပြလိုက်သည်။

ဓား၏ ဓားသွား အပြည့်အဝ သန့်စင်ခြင်း မပြုရသေးခင်တွင် ရွှမ်းလီသည် လုံလောက်အောင် အစွမ်းမထက်သေးပေ။

သီးသန့်လေဟာနယ်မှ စွမ်းအားများသည် ရုတ်တရက် ထွက်ပေါ်လာခဲ့ကာ ရွှမ်လီနှင့် ကောင်းကင်ဖျက်ဆီး ဓား၏ ဓားအိမ်တို့အား နောက်ဆုတ်စေခဲ့သည်။ သူတို့သည် ပန်းလိုင်နတ်တောင် အတွင်းသို့ ပြန်မရောက်သွားကြပေ။ ထို့အစား ဟင်းလင်းပြင် လေဟာနယ်တို့အား ဖြတ်ကျောက်သွား၍  ယုကျင်းတောင်ပေါ်မှ ကောင်းကင်စကြာဝဠာ အလင်းတန်းကမ္ဘာ အတွင်းသို့ ရောက်ရှိသွားကြသည်။

ဓားအိမ်၏ အတွင်းမှ ခက်ထန်သော အလင်းတန်း တစ်ခုက ထွက်လာခဲ့သည်။ သူသည် ကောင်းကင်စကြာဝဠာ အလင်းတန်းကမ္ဘာ တစ်ခုလုံးအား ခုတ်ဖြတ်ချင်နေသည့် အလားဖြစ်သည်။ ကောင်းကင်ဖျက်ဆီး ဓားသည် အလွန်အမင်း အမျက်ဒေါသ ထွက်နေသည့် အခြေအနေသို့ ရောက်နေခဲ့သည်။

လင်းဖုန်းသည် ထိုမြင်ကွင်းကို မြင်လိုက်ရသောအခါ သူ၏ မျက်လုံးအစုံမှာ အနည်းငယ် ကျဥ်းမြောင်းသွားခဲ့၏။ သူသည် တစ်စုံတစ်ခုကို တွေးမိလိုက်၍ ကောင်းကင်ဖျက်ဆီး ဓား၏ ခက်ထန်သော လှုပ်ရှားမှုများကို တားဆီးလိုက်ကာ သူ့အား ငြိမ်သက်သွားအောင် ထိန်းသိမ်းလိုက်သည်။