قطعة من الجنة

بعض الأمور جمالها أن تكون سراً 💜🖇

قالت كنت انسانة مستهترة سواء في حياتي أو في ديني وكمعظم العائلات اهلي ما شغالين بي كتير ومهمتهم الأولى والأخيرة يتخذو قرارات عننا ويا صابت يا خابت ... بطلع على الجامعة بدري شديد ما التزام مني ولا حاجة لكن كانت زي المهرب بالنسبة لي من أي حاجة .. بركب سماعاتي في المواصلات وبسمع اغاني وما بركز مع زول وعايشة كدة وحيدة امي وابوي  .... قالت وانا يوم راجعة من الجامعة دخلتي للبيت ابوي ناداني وقالي اتجهزي جاييك عريس بعدين ...  ما اتناقشت معاهو كتير وما اول مرة تحصل كنت زولة حلوة مشاء الله وملامحي هادية وبسيطة عكس لساني السليط... بليل كنت منتظرة امي تجي تناديني اطلع عليهم زي كل مرة وشالتني نومة كيف ما عارفة قمت غسلت وشي والعشا كان اذن ما صليت وبقيت منتظرة امي انا انسانة مقصرة شديد في ديني مسلمة بالاسم  بس المرة دي امي جات وقالت لي عقدو .. لحظة لحظة شنو؟  كيف يعني تعقدو يا أمي وانا ما شفتو ولا عرفتو ولا ولا ولا .. قالت لي ابوك زهج من رفضك بدون سبب ودة زاتو ولد صاحبو دقو للماذون واعمامك جو عقدو وفاتو وانا ما بقدر اتناقش معاهو عارفة طبع ابوك .. طوالي طلعت ليهو برة واتكلمت معاهو وكيف وانا اصلا ما بعرفو ولا حاجة يا ابوي ... طوالي طلع تلفونو .. الو اي يا ولدي تعال بكرة شوف مرتك اتعرفو على بعض قبل العرس .. خير طيب .. الله يسلمك .. عاينت ليهو بدموع ولا فتحت خشمي وطوالي مشيت جهزت ملابس الجامعة وراجية متين بكرة يجي عشان أوري عريس اللحظة دة الطفا النور منو ولساني دة يحلو منو الحلا بلا  أصبح الصباح لبست عباية خليجية كبدية واتجهزت تمام ولا كأني ح اعمل مصيبة ... طلعت براة قعدت مع ابوي وقبل ما يتكلم الباب دق ...

يتبع ....

اضغط على النجمة 👇👇💜