كنت قريب من الانتقام

الحلقة 11

بعدما وصلو حلو ليقارد على مروان الباب و هو رفد اسيل كانت راقدة و دخلها و حطها فوق الفوتاي و هو راح بدل صوالحو و هود حل الفريجيدار و جبد البيض و طوماطيس و راح يقلي فيهم و زاد جاب الزيتون الاسود و الاخضر حطهم في طباسا صغار "كيوووت" و قعد يطيب منبعد وجد الطابلة و طلع باش يدوش

اسيل كانت نايمة فسابع نومة منبعد فطنت و حلت عينيها صابت روحها في فيلا و لا في الاحلام كلشي ب اللون الذهبي و الاثاث عصرية و الدار تقول قصر الله يبارك

اسيل:سمله الرحمان الرحيم وين راني

اسيل:ياا يما خطفوني

منبعد تفكرت بلي كات مع مروان وهو جابها

اسيل:يخااااه مروان لا لا مكاش منها نشااله لي في راصي مشي صحيح يااا ربي

ناضا من بلاصتها و شمت الريحة تاع الماكلة تفحفح دخلت للكوزينة صابت الطابلة ماتامنوش منبعد ولات تدور فالدار وتستكشف من غرفة لغرفة ختى شافت كامل البيت منبعد قررت باش تطلع الفوق و نسات كامل امر مروان (بنتي فيها الزهايمر هيييهي نزعق)

طلعت و قعدت تدخل فالغرف لي ماحبوش يكملو

اسيل:ياحوجي هادا بيت و لا فندق

منبعد لمحت غرفة مزالت ماتدخللها راحت و حلت

ساعة ياااو ساعة و هي حالة فمها فيها سرير و ديكور الله الله و لي كادر فالحيط و الضواو تحسب عرس

دخلت فيها و قعدت تشوف فالكادر عجبها بزاف و تتلمس فيه حتى سمعت حس تاع الدوش مين كان مروان يدوش و جا خارج هي خافت راحت تخبات تحت السرير وهو خرج لاف على روحو منشف و و رافد سربيت و يمسح في شعرو راح للمرايا جايا كبيرة هادوك الطوال الشابين""

و قعد يشوف في روحو كي المهبول

اسيل دارت يدها على فمها باش ما يحسش بيها

اسيل:ياخاااه شاوالا هادا مايحشمش غايا

اسيل:يااا عمريي عندو عضلات

اسيل:وياااا شعرو كي طايح على وجهوو قلبي لا يتحمل

اسيل:اااي اسييل كالمي روحك وينتا كان يعجبك دا الحمار ايا ستفي روحك تشو هاادا عدوك عدوك

مروان شافها من المرايا خاطرش جايا اونفاس للسرير وهي كانت تحته جاته ضحكة مي شدهاو حب يهبلها و راح قاس روحه فوق السرير و هي حست جبل طاح عليها منبعد ولا غي يتحرك بغات تموت حتى حكمتها العطسة

اسيل:لا لا مشي وقتك لااااا دارت يدها عند فمها و نيفها حتى راحتلها و تكسلت في لرض فاتو دقائق حتى حست بحاجة جبدتها من رجليها

اسيل:اااااااااااي

مروان غمها بيده في فمها

مروان:هبلتي نتييي

اسيل:نتا لي هبلت مشي انا مريض نتا

مروان:ايا بلعي تشو حشمي

اسيل:واش راك دير هنا

مروان:نتي لي واش راكي ديري في لا شومبر تاعي ياااا السكرتيرة

اسيل :اسمي اسييييل

مروان:كيما نحب نعيطلك يا سكرتيرتي

اسيل:اسيل اسيييييل

مروان:سكرتييرة

اسيل (بغضب):ماتقوليش سكرتيرة راني نقولك انا اسيل بن °°°

مروان تشوكا و حس لرض دارت بيه

و اسيل دارت يدها عند فمها كشفت روحهااا 

_