خربشة قصة

القصة 80

#الليلة انتو التعلقوا ما انا 🤓

خربشة_قصة

_ بسم الله ، هجمتيني حرام عليكِ

_ هجمتك ؟ ولا  البال مشغول بالفي الصورة .

اتوترت شوية من نظرتا وبسمتا

_ وريني يلا مش بت عمي انا حبيبتك يا أحلام .

_ لا معليش في دي مافي حبيبتي

_ ما أصلا المدير شال المكانة دي مني

_ عرفتي كيف ؟!

_ أحلام بالله ما تتغابي انتِ مفضوحة من كلو علي فكرة

خفضت راسي بضيق  ، بحب ايوا ومن سنتين مديري في الشغل ، بس رياض نموزج للشاب الم بتكلم ولا بدي اهتمام للحولينو .

بالرغم من اني سكرترتو بس عمرو ما مدح شكلي او اداني نظرة تحسسني انو معجب ساي ان شاء الله .

_ رحتي وين يا أحلام ، ما سمعتيني

_ عليك الله خليني ، انا اصلا بحلم ساي بيه ، دا من رابع المستحيلات يحبني او يلتفت لي ساي ، ولو حب ما انا اكيد

_ انتِ براك عاملا في نفسك كدا ، لو ظّهرتي انوثتك كان عاين ليك وحباك كمان من زمان

_ ما اظن ، يا بت بنتكلم عن رياض ما اي زول .

قامت بت عمي مشت علي دولابي بتقّلب فيه

_ وتقولي لي يعاين ليك ، ليه حق ما يعاين ليك ويتعامل برسمية اسمعي كلامي ونفذية ، بديك من هدومي ، وتشوفي براك لو ما جيتي قلتي لي عايزني .

لمعت عيوني ونبض قلبي ، حجبت عقلي عن اي تفكير الا في كيف ينتبه لي ويعاين لي ولو مرة واحدة بنظرة اعجاب .

.....
في اليوم التاني ماشا علي مكتبي وبحاول انزل لتحت الاسكريت الضيق الابساه ، ضيق وشبه قصير  ، بالرغم من اني لابسة قميص طويل شوية ما بظهر مفاتني شديد بس برضو مضايقة من نفسي لاني ما حصل لبست زي دا .

....
_ أحلام تعالي لو سمحتي

دايما بتجي في جلدي قشعرية من صوتو العميق لمن  يناديني بالجهاز ، بس المرة دي زاد نبض قلبي اكتر ، حماس وخوف وخجل كلو علي .

في الاول ما عاين لي لانو مشغول بالاوراق المعاه ، بس لمن رفع عينو علي وعاين لي ، فجأة وقف كلامو  ، نزل عينو بسرعة وواصل ، من نظرتو دي شعر جلدي كلو قام من الحماس ، طلعت من المكتب مبسوطة افتكرت عجبو البشوفو .

.....

_ ما قلت ليك ، فضل تكة ويحن

بقيت انفذ كلام بت عمي ، في يوم قاعدة في المكتب بعاين للمراية وبصلح شعر راسي القدام الخفيف بحيث يظهر من الطرحة

سمعت مناداتو دخل ليه بحماس مبتسمة ، وقتها اتفاجئت من ردة فعلو .

ضرب يكفو  المكتب شديد لمن نطيت وصرخ فيني