الدكتورة أسيرة الزعيم 🔫👩‍⚕️

الحلقة 50

جازت ليلة كحلة عليهم في زوج هو يخمم و يلوم روحو على الشي لي دارو و من جهة مازالو مش مصدق انها دارتلو هدا كيما هاديك عقلة محبش يستوعب فكرة انها تكون دارت هكاك ....
اما هي فبعدما داخت فطنت في الليل لقات روحا مرمية عاودت تفكرت و هنا كانها فطنت عاود جاز عليها شريط واش داراها و انفجرت بالبكاء و صوت شهقاتها يعلو و يزيد يقطع القلب تبكي و تعيط : علاااه درتلي هكاا علاااه علاااااااه علااااه اااااااااااه منك ااه.. و قوات في بكيتها ....
مالقري شرب و شرب مي حاجة ما اثرت فيه رفد مفاتحو و قلع للكوخ عندها غير وصل فتح الباب سمع عياطها قبلو اتقسم عليها غاضاتو لدرجة حب يروح يعنقها و بخبيها عندو و يمسح دموعها و يرجعها ضحكات رنانة اما.... ..
...تجري الرياح بما لا تشتهي السفن....
خرج و خبط الباب هي مع الخبطة ناضت خرجت من البيت حوست عليه شافتو برا يتكيف خرجت عندو بحالتها تخلع شعرها مخرب و عينيها يخلعو من الكحل لي طاحلها خرجت ليه شافها يسنا فيها تهدر
جوري: مانيش راح نقولك علاه و لا ماراحش نسقسيك حتى حاجة لانو انت البوس شكون يتجرأ و يهدر معاك ههه اما ماشي ماكسلي عرفتو
شاف فيها بنظرة انكسار و الم : اسمعيني مع....
جوري : واش نسمع هههه واش نسمع منك انت سمعتني باش انا نسمعك اه؟؟ قولتهالك و راح نعاودهالك يا ريتني تحاوزت و مدخلتش للعملية تاعك يا ريت مسحت دموعها لي ولا شلال خذات نفس و هدرت: طلقني..
طلع راسو شاف فيها و قالها: انتي طالق.....
شافت فيه و حست الدنيا دور من جيهتها تخلى عليها بهاد السهولة تخلى على حب حياتو علاجال حاجة هي في الأصل كذب شافت فيه و مسحت دموعها بعنف: وصلني لداري .خرجت و ركبت الطونوبيل و هو خرج موراها طلع و قلعو هو شارد و يصوق بسرعة عروق يدو و رقبتو بارزين من الغش اما هي في عالم تاني مش حاسة بأي حاجة بعد ساعة من الطريق وصل لدارها مدلها المفتاح حبطت و راح مستناهاش حتى باش تدخل لدارها راحت تمشي كي الجثة بلا روح رجليها ثقال فتحت الباب و راحت للدوش و حلت عليها الماء البارد و هنا بدات تفيق بشوية و تضحك بهستيرية ضحكات حتى ولاو صرخات الم و انكسار ولات تبكي و تعيط حتى صوتها راح و ولات تشوف الدنيا دور بيها خرجت مشمخة و راحت تمشي بخطوات ثقال حتى لحقت للتليفون تاع الدار رفداتو و عيطت لميار من الرنة الأولى رفدت ميار: الو جوري وينكم؟؟
جوري : أى.. ارواحيلي لداري... و طاحت مغمى عليها
اما ميار فناضت تجري لبست فيستتها و دات تليفونها و مفاتح الدار و خرجت تجري رايحة ليها
وصلت بعد مدة طلعت تجري شافت الباب مفتوحة و المفتاح في الباب نحاتو و دخلت غلقت الباب حتى تشوف جوري طايحة راحت تجري عندها تفيق فيها: جوري جوري نوضي راكي تسمعي فيا جوري. اما ما كانت حتى استجابة و تنفسها ثقيل عيطت للاسعاف و في غصون 4دقايق كانو التم رفدوها و داوها لأقرب مستشفى و هو المستشفى لي تخدم فيه
دخلوها لقاعة الفحص و راحو عندها احسن الأطباء قعدو عند رأسها ساعة و هوما يديرولها في التحاليل حتى خرج واحد منهم
ميار : هل هي بخير ايها الدكتور؟؟؟؟
الدكتور : ما الذي أدى بها إلى هذه الحالة ؟ من فضلك اريد جوابا صحيحا
ميار : لا أعلم حقا لا أعلم فقد اتصلت بي و عندها وصلت إلى بيتها وجدتها مغمى عليها
الدكتور: على جسمها اثار العنف كما أن نفسيتها جد سيئة و نبضها ضعيف للغاية و الضغط عندها عالي جدا و هذه ليست علامات جيدة و مع الأسف..
قاطعاتو : ماذا مع الأسف ماذا!!!!
الدكتور: هناك احتمال 50% أن تدخل في غيبوبة نتيجة لهذه النتائج السيئة و هذا الانهيار لهذا يجب عليها البقاء تحت المراقبة 48ساعة و بعدها يجب عليك الحرص عليها جيدا.....اتمنى لها الشفاء العاجل لأنها حقا زميلة من الألماس إلى اللقاء..
سمعت ميار الهدرة تاع الطبيب و جاز عليها شريط حياتهم كيف كيف مغامراتهم رحلاتهم مصائبهم ضحكاتهم كلش جاز عليها و طاحت في الأرض تبكي بحسرة على صاحبتها و اختها...
اما هو فغير حطها راح فرا شغلو و رجع للقصر رفد الصور و خرج راح لمستودع تاع الصور
ماكس: اريد ان اعرف ان كانت هذه الصور حقيقية ام لا . و اعطاه الصور
بقا المصور يشوف و يدقق : مع الأسف نعم هذه الصور حقيقية لكن وجه الفتاة فهو مفبرك لكن الأوضاع هذه حقيقية
ماكس: يعني الوجه فقط الذي هو عبارة عن فوتوشوب؟؟
المصور: نعم سيدي
خرج ماكس يجري يشد في شعرو : علاااه مسمعتهاش علاه علااااه علااه راح لدارها و حبط يجري يطبطب و يعيط: جوري جوري حلي الباب جورييي مسمع حتى رد جبد المفاتح و حل الباب دخل لقا الما في الحمام خرج حتى الصالون شاف من و من مالقا حتى حاجة غلق الباب و خرج يجري رايح للسلبيطار دخل راح ديراكت للبيرو تاعها شافو مرتب و فارغ و الطابلية تاعها و السماعات محطوطين فوق الطابلية خرج و غلق الباب موراه شاف ممرضة جايزا من التم حبسها
ماكس: المعذرة الم تأتي الدكتورة جوري اليوم؟
الممرضة : سيدي الدكتورة جوري هنا لكن...
ماكس: اين هي هل في عملية ؟؟
الممرضة : لا انها اي العناية المشددة سيدي
ماكس: و متى تنتهى من المعاينة ؟
الممرضة: اظنك لم تفهمني هي الآن في العناية المشددة و تحت المراقبة لمدة 48 ساعة..يمكنك رؤيتها في الطابق الثالث..راحت و خلاتو
" العناية المشددة.......تحت المراقبة" راح يجري كيف المهبول يشوف من و من و لي جا في طريقو يطبعو عقلو قاع عندها لحق شاف ميار شاف رأسها بين يديها و تبكي وقف عند رأسها يشوف فيها من الزجاج كيفاش راقدة و الخيوط لاسقين فيها ميار حست بواحد واقف عند رأسها طلعت رأسها تشوف شكون شافتو هو ناضت ليه: واش جابك! اه واش جابك واش دير هما باي وجه جاي اهدر عجباتك عملتك اه جوري دوك تصارع الموت و انت هنا بدم بارد واش حبيت منها واش درتلها واش دارتلك غير انها حباتك و سلكاتك من الموت لوكان مش هي لوكان ماكاش هنا فهمت لوكان مش هي راك في عالم آخر تصارع باش تعيش واش دارا علاجالك شافت الموت و مزالها تشوف الموت علاجالك و انت شوف عملتك هكذا تجازي عبد دار فيك الخير ؟؟؟؟ يا خسارة ... يا خسارة حب جوري فيك و دوك روح متزيدش تجي روح لانو قال الطبيب غلطة وحدة تدخل غيبوبة و لوكان تفيق و تشوفك هنا أكبر غلطة روووح...
مع العيطة تاع ميار سمعو صوت الآلات يزيد و يصوني ميار راحت تشوف شافت النبض ينقص: دكتووور جيبو طبيييييب مع العياط تاعها جاو الممرضين و الدكاترة يجرو و دخلو عندها و غلقو الريدو.......

كنت سبقت و قلتلكم بلي كل واحد فينا عندو طريقتو الخاصة كيفاش يحب و كيفاش يعبر عن الحب اما عمرو ماكان الحب كذبة لي يحب يخاف...يغير... و سورتو يضحي علاجال لي يحب 🧜‍♀️❤